يـــــا رهيف القلب عزيــــــز النفس

Part 1

بيت أبو عبدالعزيز:
عبدالعزيز وهو قايم: يلا يمه انا رايح الدوام تبون شيء قبل اروح
أم عبدالعزيز: ايه ياوليدي بكرة بيجونا عماتك يقولون مشتاقات لجدكم ابي كم اغراض تجيبها من البقالة
عبدالعزيز: تمام وانتو يا وجد ووعد وش تبون
وجد ابتسمت: سلامتك
وعد: انا ابي خرابيط السهرة
عبدالعزيز بضحك: وش تبين اجيب من خرابيط السهرة على قولتك
وعد وهي تعدد بأصابعها جاء ابو عبدالعزيز
أبو عبدالعزيز: يلا يعيال على الشغل وإنتو يا بناتي روحو ساعدو امكم
وجد: ابشر يبه قامت اخذت الصحون وودتها المطبخ وقعدت تغسل
وعد للحينها تأكل في المطبخ
وجد بعصبية: انتي ما شبعتي للحين
وعد بعناد: لا ما شبعت بطني مو زيك زي العصفور
وجد استغفرت ربها وكملت التنظيف
جت أم عبدالعزيز: وعد وراك جالسة قومي روحي نظفي الحوش والحمامات- يكرم القارئ-
وعد: طيب يمه ربطت جلابيتها على خصرها و رشت الموية في الحوش وحطت الفيري بكل مكان وصارت تلعب فيها وكملت التنظيف وجد خلصت الصحون غسلت المطبخ ونظمت الصحون وراحت تكنس المجلس والمقلط وغرفة نومهم وغرفة نوم الضيوف وصالة الحريم والرجال بخرو البيت كامل وخلصو بعد جهد وراحو اخذو شور وجلسو في الحوش وعد ووجد يسولفون ووش الفعاليات الي بيسونها
للمعلومية بيتهم طابقين طابق العلوي للبنات وابوهم وامهم والطابق الثاني للعيال والضيوف وعندهم مطبخين واحد فوق والثاني تحت
---------------------
في بيت أبو غيث:
أم غيث: يمه رهف تعالي ساعديني انتي امسكي عني غزل وانا الحور
رهف: ابشري يمه جايتك ساعدة امها في ترويش خواتها ونظفو البيت وكل شيء رجع أبو غيث من دوامه
أبو غيث ابتسم: هلا والله ببناتي الحلوات
غدير راحت ضمت ابوها ورهف تناظر وتبتسم وتسلم ابوها
رعد كشر: يبه ليه دايم تقول بناتي انا ولد وغيث بعد
أبو غيث غمز له: أنت رجال ما عليك
رعد ابتسم: ايه انا زيك
أبو غيث ضحك وحضن رعد وجلس يسولف معاهم وجت رهف بالموية وأم غيث نومت حور وغزل ونزلت جلست معاهم والخادمة سوت الغداء واتغدو وراحو ينامون وبطلتنا جلست تسهر
----------
بيت الجد أبو عادل:
عبدالرحمن: يمه انا بروح عند عادل
الجازي ركضت اخذت عبايتها وجت: انا بروح معك
عبدالرحمن: ياخي انتي يالنشبة دايم تزعجين العيال
الجازي: والله مالي دخل بروح يعني بروح
أم عادل: عبيد خلها تروح خذها معك تقعد محبوسها كل يوم بهالبيت
عبدالرحمن طق راس الجازي: خلاص امشي بس لا تزعجين عيالي
الجازي بفهاوة ضحكت: مين هم عيالك؟ تكفى بسرعة بروح اشوف عيالك يشبهونك او يشبهون امهم الا وش اسم زوجتك
عبدالرحمن بضحك: خبلة وش ذا الفهاوة الي عندك قصدي عبدالعزيز وعقاب وغيرهم
أم عادل ضحكت: جلطيني بسؤالك احسب صدق متزوج من ورا ظهري
الجازي ضحكت وهي تحك راسها: وش دراني احسب صدق عنده عيال ما اتزوج لسه شيب راسي
عبدالرحمن صغر عيونه: وليه إن شاءلله جالسة على قلبك انتي الي تتزوجين قبلي وبعده انا رح تشوفين
الجازي شهقت: دحوم تبيني اتزوج من الحين
عبدالرحمن رفع كتوفها بمعنى مدري: مدري يمكن
الجازي ضحكت وضمته: يلا تأخرنا على عيالنا
عبدالرحمن حاوطها: هي بنا
وصلو بيت أبو عبدالعزيز دخلو
الجازي غمزت لدحوم و بصوت عالي: يا بنات جيتكم وجاء ابوكم معي
وجد ووعد كانو بالحوش فزو من الخرشة راحو عند الباب الرئيسي وشافو الجازي ركضو ضموها
الجازي ضحكت: ما تبون تشوفون ابوكم
وعد بصدمة: وينه هو ابي اشوفه
عبدالرحمن ضحك بقوه: صدق انك فاهية زي عمتك قصدها انا
وجد راحت ضمت عبدالرحمن: تدري اني احبك
عبدالرحمن ابتسم يحب اكثر ثنتين وجد ورهف: اي ادري وانا بعد احبك تدرين
وجد: ايه
الجازي: ياليل قاعدين يعترفون قادمنا صدق ما تستحون
وعد تمثل الصدمة: ياويلي وجد تحبين من ورا ظهرنا والله لعلم عقاب يدقك دق
وجد و عبدالرحمن ميتين ضحك وبهالحظة دخل عقاب معصب سمع كلام وعد بس ما سمع ضحكهم
عقاب بعصبية: وجدددددد وش سمعت انا
وجد بإستغراب: وشو وش سمعت
عقاب قرب منها: تحبين من ورانا
الكل فطس ضحك
عقاب: وش يضحك كم
الجازي بضحك: ياورع الا بنتي ترانا نمزح وجد و عبدالرحمن اعترفو لبعض يحبون بعض اكثر منك انت وانا
عقاب تركها: قولو كذا وانا احسب صدق وضم وجد انا اسف وجد
وجد ميتة ضحك عليه: حسبي الله عليك يا وعد خليتي الولد يصدقك لازم تدخلين في كلية التمثيل
وعد ترتب نفسها تحسبها تمدح وهي تنبح: منجد اخخخ بروح اشوف لي شيءٍ حلو وركضت على غرفتها هي دخلت الغرفة وهم فطسو ضحك
الجازي وهي تعطي كل وحدة ضربة خفيف جت عند عبدالرحمن اعطتو اقوى بكس على بطنه خلته يطيح: وركضت عند وعد ولا درت عن عبدالرحمن
عبدالرحمن ماسك بطنه: اخخخخخ يوجعني
وجد بخوف: دحوم وش فيك بسم الله قم
عبدالرحمن وهو يتألم: جيبي شيء يخفف الألم
عقاب ماسكه من ورا ظهره: هدي شوي لا تتكلم رح يزيد الألم
وجد ركضت عند امها: ماما الحقي دحوم يتألم في بطنه
أم عبدالعزيز أخذت شالها وأخذت دواء تخفف الألم وركضت له
أم عبدالعزيز بخوف: عبدالرحمن وش فيك يا اخوي
عبدالرحمن بألم ابتسم: مافيني شيء بس اتألم ببطني
أم عبدالعزيز وهي تفتح علبة الدواء: وش أكلت اليوم
عبدالرحمن: ولا شيء اكلت اكل صحي بس الجازي اعطتني بكس اتعورت منه اكثر من الرصاصة الي جتني على كتفي
أم عبدالعزيز ضحكت: لـــ هالدرجة قوية الجازي
عقاب بضحك: دخلو عمتنا الملاكمة رح تأخذ مركز الأول
وجد ابتسمت بخوف: انت عسكري كيف تعورك بنت
أم عبدالعزيز: اخت اخوها اكيد تصير قوية زيهم
عبدالرحمن ضحك: تدافع عن اخت زوجها
جت الجازي وانصدمت ركضت عنده تبي تجلس تشوف الا وركبتها تحطها على يده عبدالرحمن صرخ
عبدالرحمن: اييييييييي يا حيوانة تبي تموتيني اليوم
الجازي انخرعت: بسم الله وش فيك مسكت يده وصارت تنفخ عليه
عقاب بضحك: الواضح انك تبين تكسرين عمي الغالي
عبدالرحمن رفسه برجله: وش عمك تراي لسه شاب
الجازي ب طرف عين: واضح شاب يقولون لك بزر تتعور من يد بنت
عبدالرحمن: وش دراني اصلا انك قوية
أم عبدالعزيز: يلا اشرب دوائك وجد روحي جيبي موية
وجد: تمام راحت جابت الموية وشرب وراح الألم الدواء كان زي السحر (استغفرالله 😀)
أم عبدالعزيز انتبهت انهم بالحوش: بسم الله كل ذا يصير بالحوش بنات ادخلو بسرعة ياويلكم من ابوكم اذا سمع احد صوتكم
البنات هجو ودخلو كلهم البيت
الجازي: يا أم عبدالعزيز وش ناوين تسون الفعاليات
أم عبدالعزيز: والله مدري اسألي وجد ووعد
الجازي قامت: يلا رايحة عند البنات
أم عبدالعزيز: ايه متى بيجون خواتك
الجازي: مدري والله قالو لابوي بكرة الفجر بيجون
أم عبدالعزيز: يوصلون بالسلامه
-------------------
بيت أبو بيان:
أم بيان: بتول وين بدر م شفته طول اليوم
بتول عصبت: يمه ولدك بدر ذا امسكيه عني دايم يكسر ويخرب وانا انظف
رتيل: ايه يمه امس كسر مرايتي المفضلة
أم بيان: طيب وينه ادري ادري انه كسر وخرب في الأخير هو صغير
رتيل بصدمة: يمههه تقولين عنه صغير وهو في المراهقة
بتال ميت ضحك: يمههه لهدرجة صغير عليك
أم بيان قامت: لا تزعجون راسي
بتول قامت: خلاص بروح ادوره يمه بتول مع انها تكفخه اذا عصبت بس انها تحبه
أم بيان: زين
بتول راحت تدور بدر لقته راقد في السرير قربت من سريره وسحبت اللحاف وهو اتكور
بدر وهو يرجف: بتوللل جيبي اللحاف بردان
بتول بخوف: وشو بردان لا تلعب علي
بدر: مو وقت هواشتك تراي بردان
بتول قربت مسكت جبينه وكان حرارته مرتفعة جداً
بدر بعد يدها: يدك وش فيك مثلج
بتول بضحك: جبته من الثلاجة
بدر ضحك بتعب
بتول قامت راحت تجيب الكمادات والموية وحطته على جبينه وراحت علمت امها وأم بيان ركضت بخوف على غرفته
------------------
بيت أبو نهال:
نهال ونهى ونجد طلعو يتمشون ويتسوقون في شوارع أبها
نهال: بنات تعالو ندخل ذا المول يمكنه في فساتين تهبل
نهى: يلا دخلو المول وصارو يشترون
اشترو فساتين وكعب ورجعو البيت
دخلو البيت ورمو الأكياس على جنب ورمو نفسهم على الكنبة بتعب
أم نهال: بسم عليكم يابنياتي لهدرجة تعبتو
نجد: يووه تعب ذي الأسواق كيف تتحملون انتو
أم نهال ابتسمت: انتو هالحين تتعبون حنا يوم كنا زيكم نلف بين الأسواق ومن العصر الساعة 4 الين الفجر الساعة 3
نهال شهقت: يمههه وش ذا
أم نهال ضحكت: وش فيك ترا جد يلا اشوف فساتينكم
نقزت نجد ونهى ومسكو الكعب والفساتين
نهال: فستانها بيجي بدون اكمام نص الساق من تحت منفوخ والكعب سكري اختارت مكياج خفيف من درجات البيجي الخفيف والجميل والشعر استريت
نهى: فستانها اسود ضيق حريري بدون الأكمام ومعها حزام ابيض وكعب ابيض اختارت مكياج خفيف من درجات البني الفاتح والروج من روج الكورين والشعر ويفي
نجد: فستانها أبيض ومعها حزام أحمر بأكمام طويلة منفوخ من الكتف ضيق من عند المعصم وكعب احمر ومكياج من درجات الأحمر الفاتح و الشعر استريت ومن تحت ويفي
أم نهال ابتسمت: ماشاء الله ذويقات
نهال: مثلك
دخل أبو نهال بإبتسامة: السلام عليكم ماشاءالله مجتمعات حول امكم وش تسون قعد عندهم وصار يشوف الفساتين وناظر لأم نهال
أبو نهال: وانتي وش اشتري لك وللاولاد
أم نهال راحت جابت فستانها وثوب العيال
أم نهال: فستانها فضي ضيق من عند الصدر منفوخ من تحت وفيها حزام اسود بأكمام طويلة شفاف منفوخ وكعب فضي شفاف واختارت المكياج من درجات الفضي اللطيف والشعر استريت من فوق لافته دونات
ثوب ناصر ونادر: ثوب اسود وشماغ ابيض وبوت ابيض مع جاكيت ابيض
ثوب أبو نهال: ثوب ابيض مع شماغ خطوط احمر وبشت ابيض وشوز ابيض والسيف ذهبي
نهى: الله كلهم بيطلعون حلوين متحمسة للعرس
أم نهال ابتسمت: ما بغى شيء باقي بس اسبوع جهزو اغراضكم بنروح بعد يومين
البنات راحو بحماس على غرفهم يجهزون أغراضهم
-------
إن شاءلله استمتعو 🤎💫.

إذا مصدومين من إسم بيان كـــ ولد ف ذا إسم ولد مهو للبنات صح النطق يجي زي نطق اسماء البنات بس والله مهو للبنات وشكراً 🤍⚡.

بقلـــــمي✍🏻: مريم آل أسعد