يـــــا رهيف القلب عزيــــــز النفس

Part 2

اللهم صلي وسلم وبارك على سيدنا محمد "
﴿جمعة طيبة﴾💛.
-------------
في بيت ابو عبدالعزيز:
الجازي: وجد وش بتطبخون
وجد وهي تبرد أظافرها: مدري ابي اسوي كذا اكلات
وعد وهي تأكل: انا بسوي الحلا والشاي والقهوة
الجازي وهي ترفع اكمام بلوزتها: انا بعد تعالو نسوي هالحين
وجد بضحك: شكلك طفشتي
الجازي: ياخي احب بيتكم يكون ريحته كل يوم اكل
وعد: ايه
وجد ب طرف عين: وعد وراك كل شوي تأكلين تبين تطفري ابوي
وعد: مالك دخل
الجازي: خليها تأكل تبي تصير دبية
وعد تركت اكلها بسرعة: خلاص ما ابي اكل
ضحكت وجد بقوه: تعالي لنا كل يوم واعطيها نصائح
وعد: راحت الحوش تركض والبنات ميتات ضحك
دخل عبدالعزيز مستغرب ركضها وضحكهم: وش فيكِ وعد تركضين وانتو وش فيكم تضحكون
وعد وهي تلهث: ياخي عمتك العوبا ذي تقول بصير دبة
عبدالعزيز طير عيونه: وش عوبا عمتك ياخبلة ابوي لو يسمعك بيرميك في الشارع
وعد بخوف: اسفة ما كنت اقصد
الجازي جت وهي ما سمعتهم: ياويلي وعدوه صدقتي تراك من يوم وانتي صغيرة تأكلين ولا سمنتي
وعد: ياخي اخاف اصير دبة وتضحكون علي
وجد ميتة ضحك: افففف وش ذا الركضة كأنك ناقة
وعد ضربتها: وشو الناقة انتي الثانية
عبدالعزيز: خلاص يلا ادخلو لا يجي احد يسمعكم دخلو البنات
جاء عبدالرحمن وحضنه عبدالعزيز: وينك مختفي
عبدالعزيز بادله الحضن: في الدوام
عبدالرحمن: اليوم سحبت عليهم
عبدالعزيز: ايه ترا في جريمة جديدة لازم نتحقق منها اختارو انا وانت و سمير ~خويهم في العسكر~
عبدالرحمن: زين يلا تعال ادخل اقول لك وش سوت عمتك ذي
عبدالعزيز ضحك: وش سوت شكلها كسرتك مره ثانية
عبدالرحمن: وش كسرتني بغت تجيب أجلي من الحين
دخلو المقلط وجلسو يسولفون عقاب و عبدالرحمن و عبدالعزيز
الجازي دخلت شافت أم عبدالعزيز و وجد في المطبخ وعد دخلت معها وصارو يسون الأكلات من بدري و يلفونها بلاستيك ويحطوها في مخزن الأكلات
أم عبدالعزيز تسوي الفطاير والمخبوزات الي يسونها الأمهات 🥖🥨🍞
وجد تسوي المعجنات المختلفة الحلوة يعني زي البسبوسة وبقلاوة الحلا الباردة والكيك وغيرها 🧇🥞🍮🧁🥧🍨
الجازي ورق عنب و البيتزا والفلافل وغيرها 🌮🥙🍕🍤
وعد تسوي المعمول والقهوة سادة وبالحليب والشاي السادة و بالحليب ☕🍪🧋
زي كذا إن شاءلله فهمتو.
----------------
بيت العمة شموخ:
أم حيان: يلا يابنات بسرعة ترا تأخرنا بسببكم
منال وهي نازلة دفتها شروق من ركضها القوي
منال بغت تطيح: ياحيوانة انتبهي
شروق: يوووه ما انتبهت لا تطولي الموضوع انزلي بساع
ركبو السيارة ومشو للديرة بكل حماس
أم حيان: بنات ترا بنقعد هناك لأسبوع اخذتو الإحتياطات
منال وشروق: ايه يمه
وصلو الديرة ونزلو من السيارة دخلت منال مدرعمة وبصوت عالي: جيتكم يابناتتتتتت
وعد جتت ركض: حي من جانا يهلا يهلا منالي
منال: حي عينك، راحت ضمتها ياخي اشتقت لك بالحيييل
وعد: وانا اكثر دخلو الكل سلمو على بعض ودخلو داخل
الجازي: كيفكم بناتي الحلوات
شروق بمزح: ما صرتي عمة وحنا كبرك
الجازي بضحك: ايه اخواني مسرعين
وعد شهقت: تعقبين ترا في ورعان
وجد قرصتها: بنتت اهجدي عمتك
الجازي سمعت وجد: عادي تصير تصير ما فهموني اصلا
جاء من وراهم فواز: الا انا فهمت
الجازي فزت: بسم الله ياورع من وين جيت
فواز بدأ يبكي: انا لدال بابا كال
الجازي ضحكت وضمته: ايه انت رجال حبيبي لا تبكي
فواز مسح دموعه وصار يضحك
الجازي: يحلو ولدي يلا روح العب مع اخوانك نزلته من حضنها وراح يلعب وهم جلسو يسولفون
الجازي قامت: يلا بنات بروح اسلم على العيال
وعد ناشبة لها في كل شيء: لا ما تروحين
الجازي بعناد: ومين انتي الا بروح وركضت عند مجلس الرجال دخلت مدرعمة كانو ازواج خواتها موجودين
الجازي: هلا والله بعيالي كيفكم..... رفعت نظرها شافت القبيلة كلها موجوده بس كانت متحجبة ركضت بسرعة ودخلت ووعد كانت قدامها
وعد دفتها: يلا روحي سلمي عليهم ليه رجعتي
الجازي: بعدي ياخبلة في رياجيل
وعد بعدت ودخلو داخل والجازي تحكي موقفها
عند الرياجيل: إنصدمو من مراه مدرعمة ما تشوف قدامه رياجيل
الجد هادي بترقيع: حصل خير يا رجال بس كانت تبي تسلم على العيال هذي عمتهم لا تشدوها
عبدالرحمن انقهر وبرز عروقه من الغيرة دخل داخل عند الحريم وتنحنح وزوجات اخوانه اتغطو والجازي دب الرعب في قلبها دخل سلم على الكل وقال: الجازي تعالي ابيك
وعد عرفت انه يبيها عشان يهاوشها: لو سمحت عمي حبيبي لا تسوها تكفى طلبتك هي ما كان قصدها
عبدالرحمن مسح وجهه: تعالي انتي وياه بسرعة وطلع
طلعت الجازي و وعد ومعهم وجد
عبدالرحمن ضحك: القبيلة كلها جت خلاص حصل خير بس ترا الجازي حركاتك عدليها مو كل شوي مدرعمة عند الرياجيل
الجازي ابتسمت ببراءة: ابشر من عيوني بس نسيت انهم موجودين
عبدالرحمن: يلا خلاص ادخلو لا اشوف اي وحدة منكم طالعة هو راح وهم ماتو ضحك
الجازي بضحك: وعععععععد احبك
وعد تمثل القرف: يعععع بعدي
الجازي: اتخيلو مو رحت من عندكم دخلت ابي اسلم على العيال ولا رفعت عيوني من قبل الا والقبيلة كلها بوجهي
وجد بضحك: وعد كان مسكتيها بالقوة
وعد: وانا وش دراني ان عمتك عنيدة
الجازي: يلا لا تطقطقون على عمتكم تعالو ادخلو داخل جلسو شوي يسولفون جت أم عبدالعزيز
أم عبدالعزيز: بنات يلا قومو بنسوي العشاء
قامو البنات كلهم وراحو يتساعدون في تقطيع السلطة وما فيها انتهو من تجهيز العشاء وقلطو الكل يتعشون بعد الأكل الكل بدأ يجلس يسولف عند العيال قام عبدالعزيز بصوت شبه عالي: وجد يا وجدد
جت وجد: هلا
عبدالعزيز ابتسم: لاهنتي سوي الشاي الي يحبها جدي يبون يسمرون معنا
وجد بصدمة: جدييي ويسمر معكم والله ما عرفته جدي يلا دقائق وانا عندك بالشاي راحت سوت الشاي بدقائق وسوت القهوة وطلعت المعمول والبسكويتات الخفيفة ومدته له
عبدالعزيز ناظرها: ليش كل هذا
وجد: عادي مو تسمرون أجل خذوها
عبدالعزيز: يلا شكراً
وجد: واجبي ودخلت
الجازي لفت لجيت وجد: هلا بالمكروفة
وجد بضحك: وش اسوي ربي خلقني الكبيرة وصرت المكروفة
الجازي سحبتها: تعالي نبي شورك لمخططاتنا
وجد بإستغراب: وشو؟
الجازي: نبي نطلع الفجر للبازار اليوم يوم الجمعه
وجد بخوف: جدي او اي احد لو صادنا وحنا طالعين وش بنسوي
الجازي: ما عليك محد منتبه لنا بس نشوف وش جابو
وعد: وججدد وش فيك ترجفين
وجد ابتسمت: خايفة
وعد بخوف عليها : هذي مو خوف انتي لو تخافي ما ترجفين... فجأة طاحت عليهم وجد مغمى عليها
الكل صرخ: وجججججججججددددد
جو العيال من سمعو صراخهم
------------
انتظرو البارت القادم 🤍.