————————
بسم الله الرحمن الرحيم 🤍.
————————
صـــبـــــاح يوم جديد / بيت أبــــو عبدالعـــزيـــز
أم عبدالعزيز دخلت غرفة البنات: يلا يابنات قومو
صحت وعد: صباح الخير يمه
أم عبدالعزيز: صباح النور، يلا صحيهم وانا بروح اجهز الفطور
وعد: تمام قامت تصحيهم والكل صحى وراحو يتوضون ويصلون الصلوات الفائتة وبعده طلعو يساعدون بعض في الفطور وراحت وعد تجهز السفرة
وتفرش الفرشة في الحوش وجلسو يفطرون بعده كل واحد راح لشغله
الجدة: يابنات بتروحون معنا عند أم حمّاد ولا بتقعدون
البنات: بنقعد انتو روحو، فجأة نزل عليهم المطر وكان جداً غزير والجد طلع من الملقط بصراخ: ياحريييييم لا تطلعون ترا المطر مره غزير وطلع معه عبدالعزيز وشاف البنات كلهم متجمعات ونزّل راسه وطلع
الجدة فطست ضحك: طيب ادري خلاص انا اشوفه غزير لا تركض
العمة حنين جت حضنته: حبيبي ابوي خايف عليكم
الجد حاوطها: اي والله محد يفهمني غير حنيني كيفك يا بنيتي
العمة حنين: الحمدلله بخير كيفك انت يبه
الجد: انا بخير دام احبابي بخير، يلا يلا ادخلي لا تمرضين
العمة حنين بتحلطم: يبه تكفى ابي اجلس بالمطر
الجازي بضحك: اقوللل حنين منتي بزر ادخلي ترا بتمرضين وتبلشينا فيكي
العمة حنين: من زينك ما بلشتك بشيء عاد، ناظرتهم وحدة وحدة وكانو معترضات ودخلت وهي تتحلطم جاء حيان يبي امه
حيان: جديي وين امي توي شفتها معك
الجد: دخلت ياولدي
حيان: في احد داخل؟
الجدة: لا كل البنات في المطبخ
حيان: تمام دخل سلم على امه وجلس
العمة حنين: وش بغيت ياولدي في شيء صاير؟
حيان: لا يمه بس جدتي تقول ارجعو البيت احسن من الديرة مره برد
العمة حنين بإبتسامة: بالعكس مره حلوة الجو ما عليك منهم انا بقعد هنا
حيان: يمهه شوفي حسام يمكن يمرض او انتي بتمرضين
العمة حنين: يوووووه خلاص لا تزن على راسي انت بعد تقلع، وصدت عنه
حيان قام وباس رأس امه: آسف يمه بس ما ابيكم تمرضون
العمة حنين ب طرف عين: أنا ادرى بمصلحتي
حيان بضحك: يمهه عاد وشو تقعدين بذا البرد
العمة حنين: اقولللل لا تطول هرجك بعدين لا تطولون جلستكم بالمطر شوف لي ضحى وحلا اكييد يلعبون بالمطر
حيان: ابشري
العمة حنين: تبشر بالجنة ياحبيبي
حيان: آميين ياجنتي وراح ودخلو عليها البنات كلهم وحدة ورا الثانية
العمة حنين بإبتسامة: ماشاءالله كلكم جيتو
وجد: اييه عاد ما نبيك تزعلين باقي شهر ونص وتقدرين تتطلعين براحتك
العمة حنين: ههه إن شاءلله يلا ونسوني
الجازي: حنين وش بغى حيان
العمة حنين: سوالف الأم والولد الروتينية هههه
الجازي: لااااا قصدي وش اتكلم عنه
العمة حنين:يقول إن جدته تبيني ارجع الرياض
وعد: لااا عميمة تكفيين لا ترجعي مسوية لنا جو وحسام بيروح عادني حبيته تكفين ياعمة لا تروحي ابقيي عندنا لو خلصتي من نفاسك ارجعي
العمة حنين بضحك: ما عليكِ مابروح بقعد هنا واكرفك بحسام
وعد: على هالخشم يفداه عيوني انا ولد حنين وبدأت تقرص خدوده وتبوسه
دخلت أم عبدالعزيز وشافت حركات وعد بحسام وصرخت: يااااوعدددد انتي بزررررة قومي وجعععع قومييي
وعد فزت وحطت حسام: بسم الله يمهه وش سويت
أم عبدالعزيز: حسبي الله عليكِ شيبتي راسي ما كفاكي هالشيب تبين تشيبين رأس العالم قومي
وعد: طيب وش سويت ووو وش سويت يمهه
الجازي والبنات فطسو ضحك من فزت وعد
وعد ناظرت فيهم واتفشلت وأم عبدالعزيز قاعدة تهاوشها من راسها الى ساقها
أم عبدالعزيز: ليه تقرصِين خدود الولد بسم الله عليه حمرتي خدوده
وعد: يمههه وش سويت عادي حبيته على خده ما فيها شيء
العمة حنين فاطسة ضحك ولا تقدر تتكلم او تبرر لها
جت الجدة: بسم الله وش فيكِ يا أمل قاعدة لك بالبنية خليها في حالها كلهم كذا، ما عليكِ يا وعييد روحي شوفي أبوكِ وش يبي منك
وعد ركضت محد شاف الا غبارها من كثر خوفها إن امها تفشلها زيادة وهي تركض هاجة من امها اصتدمت على ظهر حيان لف لها شاف وعد وغض بصره بسرعة
حيان: هلا سللللااااام عليكم ياوعد كيفك
وعد: وعليك السلام الحمدلله زينة وركضت مره ثانية وحيان في صدمة وش فيها كأنها ثورة ما شاف الا غبارها بعز المطر وتتزحلق كل شوي وترجع تركض
عقاب شافها تركض وكان وراها حيان عصب ومسكها من معصمها
عقاب بعصبية: هييي دقيقة وين غطاكِ
وعدد دفته وركضت نست إنه إذا عصب ما يشوف شيء قدامه
عقاب بصراخ وعروقه بارزة: وععععععددددد والله ثم والله إن ما رجعتي انا برجعك ارجعييي في رجال
وعد لفت له: خيييير شتبي فكني ياخي أعوذ بالله نشبه
عقاب قرب منها وهمس لها : ما قلت لك لا تروحي لييييه تروحين هاه
وعد: اقولللل لا تجلس على راسي انت اخوي الكبير واحترمك مو تزودها يلا عادد
عقاب تركها وقعد يهددها: طيب طيب شغلي معك وراح وهو يفور من العصبية وعد رفعت كتوفها وراحت لعند أبوها دخلت وسلمت على كل أعمامها وأزواج عماتها وجلست جنب أبوها كانت لابسة شال ودراعة واسعة أحمر
أبو عبدالعزيز: يابنيتي أجهزو بنروح العزبة
وعد بإستغراب: يبه مو قبل فترة رحنا ليه نروح هالحين وبعز المطر بعد
أبو عبدالعزيز طير عيونه: يلا يا بنتي روحي خبري الحريم داخل
وعد بهدوء: أبشر يبه تلثمت وطلعت وعقاب كان يبي يطلع شاف وعد وصد عنها وطلع وعد استغربت إنه ما سوا لها شيء
وعد: عقاب
عقاب: لا تقربي مني ترا النفس طيبة عليكِ لو قربتي باقلب الدنيا فيكِ
وعد بعناد قربت منه وهو مسكها وقرب منها وهو راص أسنانه: ليه تعاندين ما قلت لك لا تروحي
وعد رجعت ورا خطوطين وعقاب قرب منها خطوطين زيادة: أبوي ناداني وش اسوي اقعد جالسة مثلاً
عقاب: لو على ابوي بمشيها لكن والله لو تطلعين وانتي منتي متلثمة تشوفين عقاب الثاني وطلع
وعد بينها وبين نفسها: سبحان الله ربي أعطاني اخو متحكم وراحت عند امها لقتها تسولف اتسحبت بشويش عند غرفة البنات لو قعدت عنهم بتلقى محاضرة لا نهائية
دخلت عند البنات: يابناتتتتتت اتجهزو بنروح العزبة
وحدة تروح تعلم الحريم وجلست ترتب اغراضها
الجازي ~ناشبات لبعض 🥲~: وخيير إن شاءلله ما تروحين انتي
وعد: والله ما اروح تبين اسمع محاضرة من النهار لين الليل
وجد قامت: تعقبين يوم تقولين على امي ذي الهرج عادك صايرة أم لسان يبي له قص
وعد عادها عنيدة وعاندتها ولقت لها طق قوي براسها ناظرت للي طقها شافت عبدالرحمن
عبدالرحمن: بنتتتت عيبب يوم تقولين كذا
وعد قامت وهي خلاص واصلة معها العناد والعصبية: خلاااااص من صبح الله كذااااا يكفييييي افففف ما صارت سالفة وأخذت أغراضها وركبت جمس أبو حيان ولا هي دارية لمن ذا وحيان كان في الجمس قدام وهي ورا ولا شافت وين راكبة وحيان ما درا عنها كان لابس سماعات يسولف مع خويه في الرياض ويوم فتحت وعد الباب كان يسمع مقطع رسلها له خويه سهل
———————
تعريف عن سهل:
سهل: إنسان هادئ لكنه مع حيان فلاوي في الجامعة نفس حيان عمره 18
———————
حيان رسل لسهل فويس ووعد انصدمت يوم سمعت صوت حيان وحيان رفع راسه طالع للمراية شاف وحدة وراه جته ام الركب عاده خواف لكنه يتحمل لف لورا وشاف العيون الي توه شافها في الحوش وعد ايه وعد حبها من أول نظرة: وش تسوين في جمسي؟؟
وعد ناظرت فيه وكانت تبي تفتح الباب من التوتر عجزت تفتحها: تكفى افتحها بطلع بطلع تكفـــــــــــــــــــــى
حيان تورط ماعرف كيف يتعامل معها: اصبري طيب بفتحها لا تصارخين
وعد هجدت وغمضت عيونها: ياربي وش ذا المصايب الي تجيني يمين شمال، فتح الباب لها حيان ووعد نزلت وتركت كل اغراضها هناك وكل اغراضها جديدة توها مستعملتهم مرة او مرتين، دخلت البيت وشافت امها قدامها كانت طالعة لشاص أبو عبدالعزيز
أم عبدالعزيز ناظرت فيها بإستغراب: بسم الله يابنيتي وين كنتي؟
وعد بدت تبكي من الخرعة وراحت ضمت امها وأم عبدالعزيز خافت
أم عبدالعزيز: بسم الله وش فيكِ يا وعد؟
وعد بشهقات متكررة: يمه.. تعبت.. خلاص.. ليه.. النا.. س يحسوني.. سعي.. دة.. وانا داخلي... ضي. قة... يمههههه تكفين احس بحرقة.......... ما.. عا..د.. اقدر.. اتح.. ملللللل...
أم عبدالعزيز بخوف: بسم الله ليه وش يحرقك من مضايق صدر بنتي وانا موجودة
وعد شدة على امها اكثر كلما شدة عليها حست براحة
جلست أم عبدالعزيز في الحوش وجلست تقرا عليها هدأت شوي
أم عبدالعزيز: من هي الي مضايقة صدرك
وعد: ولا احد فيني ضيقة بدون سبب
أم عبدالعزيز: قرأتي القرآن صليتي؟؟
وعد: ايه بس القرآن اليوم ما قريتها
أم عبدالعزيز: خذي معك القرآن في العزبة واقراي هناك واضح الضيقة مسيطرة عليكي يلا يا بنتي وانا امك قومي جهزي نفسك خذي اغراضك بنمشي
وعد شهقت أم عبدالعزيز لفت لها بسرعة: وش فيكِ
وعد فطست ضحك أم عبدالعزيز انخرعت: بنتتت فيكي شيء؟
وعد تهز راسها بنفي: يمه ههههه ركبت جمس حيان بالغلط وتركت اغراضي هناك
أم عبدالعزيز ضربتها بخفة: ياويلك لو يدري عنك عقاب
وعد سكتت: يمه خلي ضحى تجيبه تراه عقاب مهددني
أم عبدالعزيز ضحكت: ويني انا وابوك تراي موجوده لا تخافي........
—————
«بيت أبو نهال»
خططو نجد وبنات اعمامها يروحون المول يتسوقون نهال ونهى عييو يروحون وقعدو مع بنات اعمامهم الثانيات الي بكبرهم ونجد راحت
نزلت نجد وركبت وكانو كم من بنات عماتهم معهم في نفس السيارة عاد نجد كانت عند بنات اعمامها ولا كانت تدري الي رح يصير في البيت السواق حرك بسرعة ولا انتبه البنات الناقصات وهو كل شوي يجيه رسائل شاف الرسائل وقال إن نجد قالت إنهم ما يروحون كان خايف إنهم يخصمون عليه في الفلوس عاد الهنود عاشقين الاموال
(عند بنات أعمام نجد)
كوثر بعصبية وحقارة: هييي نهىى ليه اختك تركتنا وراحت
نهى بصدمة: وشو؟
كوثر: أختك تركتنا وراحت ترا كنا نحتري السواق من صبح الله الحين يروح بالله اختك ذي ليه تقول كذا سواقنا ترا
نهى في نفسها: انا ادري ياربي لسان طويللل قسم زي امها أختي ما تقولها
كوثر تقرقر فوق راسها وهي منصدمة جاء أبو نهال وقال وش في وكوثر تردد نفس الكذبة
أبو نهال: خلاص انا بوديكم
كوثر صدت: لا ما يحتاج
أبو نهال: وخير إن شاءلله ترا عندي سيارة واعرف اسوق اركبو يلا
كوثر بربكة: لا خلاص ما بنروح
أبو نهال تنهد: تمام وطلع
ونهى جلست منصدمة جت أم نهال
أم نهال: وش فيها ذي تقرقر فوق رأسك
نهى علمت أمها السالفة أم نهال: ببببب ما تعرفين تفتحين فمك
نهى بضحك: وش أسوي انصدمت ولا عرفت اتكلم
أم نهال جلست بتأفف: البنات نفس أمهم لعبتهم الهواش فجأة جاها أتصال وقعدت تسولف مع اختها ونهى قامت راحت عند نهال ونهال استغربت انها جالسة ولا تتكلم سرحانة قربت منها
نهال: وش فيكِ يا نهى
نهى علمتها السالفة نهال فار دمها الا خواتها محد يتكلمون عنهم بذي الطريقة كانت تبي تهاوشها<كوثر> بس سكتت ما تبي تكبر السالفة نهى قررت تأخذ تنتقم لي أختها نجد أخذت جوالها ودخلت رقم كوثر وقعدت تكتب...
نهى: السلام عليكم، أتوقع إنك كوثر؟؟
كوثر بعد دقائق: وعليكم السلام ايه وش تبين
نهى: ترا قبل كم ساعة لما قلتي إن اختي قالت للسواق إنكم ما تروحون تراها ما قالت شيء، اختي وأعرفها
كوثر بإستهزاء: طيب ليه تتكلمي الحين ليه ما قلت وقته؟، <كلجية في الكتابة>
نهى: لا والله جتني صدمة بغيتي تأكليني 😂، ولما صرختي تراي أكبر منك 🥲 <ترسل ذي الفيسات>
كوثر: لو مو مصدقني شوفي وش قال ورسلت صورة عن الي يقوله السواق< عاده حتى هو كلجة مثلها>
نهى: والله إنه كذاب جيبي ابي اشد شوشته 😂
كوثر: مره صادقة
نهى: اقولل تعقبين تراها اختي اعرفها ما تقول شيء اذا ما تدري او ما تبي تتكلم تقول بس مدري
كوثر: لو مو مصدقتني افتح عينك زي بيضة وشوف
نهى: حشى والله ماكلة حبوب مانع الفهم، سبحان الله ما يعرفون يتكلمون زين
كوثر: ما عليه 👍🏻
نهى: زين
وطلعو من السالفة من دون هواش جت نهال وشافت سوالفهم وعصبت وابتدت تكتب ...
نهال: هيي أحترمي نفسك
كوثر: ماني فاضية لك
نهال: تعقبين وتخسين زيني اسلوبك، ما همني
كوثر: الي صار صار خلاص
نهال: لو الي صار صار ليه تتكلمين
كوثر: قيد الكتابة....
نهال طلعت ودخلت نهى وشافت كلامهم وعصبت هي الثانية ..
نهى: وجعععععع صدق ما تعرفين تهرجين، البنت زي امها <اتزحلقت لسانها> 😖 وحظرتها
جت فقرة جلست البنات والأم
نهى أتذكرت كلامها وخافت امها تعصب وصارت تضحك من الربكة
أم نهال: ياويليي ذي أم نوار قومت البيت فوق تحت شكلها سمعتنا يوم اتكلمنا عنهم
نهال: أحسن خليهم يتأدبون ليه يصارخون على اختي عشان كذا أمها مو راضية تدخلها بيتهم <جدة كوثر منعت أم كوثر تدخل بيتها>
نهى: تدرون وش قلت انا هههههه
نهال وأمها: وشو؟
نهى بضحك: قلت البنت زي أمها
صرخو الثنتين: عشان كذا قومت القيامة
أم نهال: ياويلييي بتسوي لنا سالفة ذي الوحشية استغفرالله
نهال: ماعليه تستاهل من قال لها تطاول لسانها
نهى بضحك: وش اسوي سويت الي علي الشر بالشر
نجد بتصفيق: العين بالعين والسن بالسن والشر بالشر والعدل بمطرقة العدالة 👩🏻⚖️.
نهى شاش رأسها: تحسب ما عند أختي سند واحنا وراها يعقبون ثمَ يعقبون ربي معها وحنا معها
والكل بدأ يضحك ومر اليوم بالأكشن وطولة لسان والعدالة.. 🌔
——————
توقعاتكم؟؟؟
هل عقاب الي سواه بــــ وعد صح ويوم ضايق
صدرها؟؟
كيف كان عدالة نهى ونهال مع كوثر؟؟ 💪🏻
مين الغلطان السواق ولا كوثر؟؟
حيان ووعد هل يبدأ حبهم قبل عبدالعزيز ورهف؟؟
نهاية التوقعات.
لا تنسون التصويت والرأي الشخصي ترا بزعل منكم
وبس والله أحـــــــبـــــكم ❤.
أنت تقرأ
يـــــا رهيف القلب عزيــــــز النفس
Romanceفي الديرة في بيت أبو عبدالعزيز عبدالعزيز يصادف بنت عمه رهف وتبدأ حكايتهم من الديرة 🥺.
