صلو على رسولنا الكريم ويلا نبدأ بالبسملة
﴿بسم الله الرحمٰن الرحيم ﴾.
----------
جو العيال على صراخ البنات
عبدالعزيز: بسم الله وش فيكم يا بنات ليه تصرخون
وعد ببكي: وجدددد تكفى وجد مدري وش فيها
عبدالعزيز و عبدالرحمن بسرعة دخلو وأخذوها ومعهم الجازي ووعد وصلو المستشفى وأخذوها للطوارئ
بعد كم ثانية طلع الدكتور
عبدالعزيز بخوف على اخته: وش فيها يادكتور توها كانت بخير
الدكتور ابتسم عشان يطمئنه: عندها نقص حديد وفيتامين وما اهتمت بنفسها زين لكن أعطينا مغذي وهي الحمدلله بخير
عبدالعزيز ابتسم: شكرا
الدكتور وهو يلوح له: واجبي وراح
عبدالعزيز رجع عند عبدالرحمن والجازي ووعد وقال لهم نفس كلام الدكتور وعد والجازي ناظرو بعض ومسكو ايادي بعض وركض على محل الورود
عبدالعزيز و عبدالرحمن: والله إنهم بيتعبونا هالمجانين وركضو هم بعد عندهم وصلو وشافو هم يأخذون ورود وراحو محل الذهب وإشترو سلسلة هادئة من النوع الي تحبها وجد وأخذو بكس وحطو فيها البكس الصغير الي فيها السلسلة وحطو جنبها عصير طازج علبة كبيرة وأخذوها وطلعو من المول بكبره شافو عبدالرحمن وعبدالعزيز
وعد ناظرت الجازي: وش فيهم يناظرونا كأنا مجانين
الجازي رفعت كتوفها بمعنى مادري: يمكن سوينا شيء غلط تعالي بنرجع المول نشوف وش سوينا كانو يبون يرجعون المول مسكوهم عبدالرحمن وعبدالعزيز
عبدالعزيز: خييير وين وين تبون ترجعون مره ثاني
عبدالرحمن بضحك وهو ماسك طرف عباية الجازي: عاد إبتلشنا بالمفهيات الغاليات لا تسأل وين رايحات
وعد عصبت دقت بكوقعها عبدالعزيز: فكني ياخي أخذنا هدية السلامة لــ وجد
عبدالعزيز و عبدالرحمن انفجرو ضحك: هدية السلامة يلا يلا صار لكم ساعة ونص هنا شكلها خلصت المغذي
ورجعو للمستشفى دخلو غرفة وجد وشافوها صاحية ومبتسمة
وعد والجازي ركضو لها ببكي: وجدد ليه تسوين بنفسك كذا ياحيوانة
وجد بضحك: وش سويت بس دخت ما بي شيء
الجازي عصبت: وععد
وعد فزت: هلا وش سويت هالحين
الجازي بضحك: ما سويتي شيء اهدي خلاص لا تأكلي كثير من اليوم خلي وجد تأكل
عبدالعزيز و عبدالرحمن ضربو جبتهم وانفجرو ضحك مره ثانية والكل لف لهم
وعد: وش فيهم كل شوي يضحكون والله إنهم متلبسين استغفرالله
الجازي رفعت أكمام العباية وراحت دقت كل واحد فيهم: اهجدو لا تموتون علينا ترانا في المستشفى ما يضحك شيء البنت طايحة وعمها واخوها يضحكون سبحان من خلق المجانين يلا بنرجع البيت
عبدالرحمن قام وهو ماسك مكان الضربة وكاتم الضحكه: أكبر منك يا بزر
عبدالعزيز بضحك: المجانين هم إنتو وش ذا دراما كوين
الجازي بطرف عين: اقوللل إنت البزر وإنت المجنون ويلا بنرجع البيت
أخذو وجد ورجعو بعد الأكشن الي سووها دخلو البيت وأم عبدالعزيز ضمت وجد: الحمدلله على السلامة يابنيتي
وجد ابتسمت بتعب: الله يسلمك يمه
الجدة هديل: يبنيتي وش فيك تطحتي علينا
وجد: كنت تعبانة شوي الحين انا احسن
الجدة: الحمدلله تعالي تعالي لا تجلسي في الحوش، ناظرت لالجازي، روحي سوي لها شيء يدفيها
الجازي: تمام راحت سوت لها حساء ساخن( الي هو الشوربة) ومرت اليوم على حلوها ومرها
---------
في بيت أبو غيث:
رهف صحت من النوم وسوت روتينها الاعتيادي بعد ما تصحى وطلعت للحوش وصارت تتمرن أبو غيث صحى من نومه واتجهز ونزل يبي يفطر شاف من طاقة الصالة الي قبل المطبخ بنته حبيبته تتمرن في الحوش
طلع أبو غيث بإبتسامة: على القوة يابابا
رهف ضحكت: صباح الخير والورد ياحلى ابو
أبو غيث: صباح النور والسرور يا احلى بنت
جت أم غيث بإبتسامة: لنا الله قاعدين تصبحون لبعض من غيري
أبو غيث حاوط رقبتها: إنتي صباحي ونوري وكل حياتي لا تخافي
أم غيث بمزح: ايييه على بالي مكاني أخذته بنيتك
رهف ركضت بضحك وحضنتهم: صباح الفل والروقان اليوم صراحة احلى يوم
أبو غيث وأم غيث كانو يردون عليها بكل حنية طلع غيث: لالالا ما تحضنون بكركم يعني افاااااااا بس
أبو غيث: تعال انا بحضنك وكل الي تبيه تلقى مني
غيث حضن ابوه: صراحة اليوم مره مروق يبه
أبو غيث: يارب يدوم هالروقان
الكل: آمين... فجأة قطع سوالفهم غزل وحور ببكائهم
أم غيث: الروقان دامت معي لكم ثانية
الكل بدأ يضحك ودخلو افطرو وراحو لشغلهم وبطلتنا راحت أخذت غزل وطلعت للحديقة الخلفية وبدأت تلعبها وحور مع أم غيث
أم غيث: رهف يمه روحي جيبي من المطبخ عصيرات يبرد القلب
رهف قامت: ابشري راحت جابت اربع اكواب اعطت امها و رعد وغدير وأخذت حقها وجلست تسولف مع امها ورعد وغدير يلعبون غميضة في نص سوالفهم جاء اتصال لأم غيث قامت رهف وراحت جابت هاتف البيت واعطت امها
أم غيث ردت: هلا وعليكِ السلام
أم عبدالعزيز: أهلين ايه يارغد تعالو لنا اشتقنا لكم واجد الكل موجود عندي باقي انتي
أم غيث بإبتسامة: إن شاءلله إذا جاء مشاري بأكلمه
أم عبدالعزيز: عاد لا ما جيتو بزعل
أم غيث: افاااا لا والله إن شاءلله بجيكم
وقفلو من بعض
رهف نطت عند امها: يمهه وش تبغى أم عبدالعزيز
أم غيث بضحك: بعدي شوي ابد والله تبغى منا نروح لهم تقول إن كل اعمامك وعماتك موجودات
رهف بفرح: الله والله إني مشتاقة لوعد ورتيل حييل يمه تكفين بنروح
أم غيث: خلاص روحي جهزي الأغراض بتصل على ابوك
راحت رهف ركض على غرفتها وصارت تجهز أغراضها واتصلت على وعد وكانت جنب وعد رتيل وصارو يسولفون وكل وحدة فيهم متحمسة ويخططون لفعالية جديدة خلصت التجهيز ونزلت شافت ابوها وصل
رهف بإبتسامة: يببه تكفى بنروح عند عمي ابو عبدالعزيز مشتاقة لهم بالحيل
أبو غيث: من عيوني هاه امك تقول إنك من سمعتي خبر الطلعة نقزتي لغرفتك هههههه
رهف: والله يبه مشتاقة له بالحييييل
أبو غيث: خلاص بنمشي الفجر
أم غيث من عند المطبخ: رهيفففففف تعالي ساعديني ثلاث ساعات تجهزين
رهف: جاية يمه جاية يلا يبه بروح اجيب الغداء
أبو غيث: يلا تسلم يدينكم
رهف بإستعجال: الله يسلمك واعطته قبلة في الهواء وراحت تساعد امها ونزلو الغداء اتغدو وطلعو ينامون بدري عشان السفر والفعاليات
رهف وغيث من الحماس ما نامو طلع غيث ونزل للحوش شاف رهف قاعدة بالحوش بكوب شاي ومتلحفة بالشال ومستمتعة جلس جنبها
غيث بإبتسامة: الله الجوو يجنن بالله روحي جيبي لي زيك
رهف: تمام راحت جابت له شاي وجلسو يسولفون الين أذن الفجر قامو راحو يصلون غيث راح المسجد ورهف لغرفتها وبعدها اتجهزو وحركو لديار حائل في سيارة أبو غيث
غيث معه حور يلعبها فجأة غيث صرخ: يمهههههه شوفي بنتك بللتني يععع
أم غيث فزت طقته على راسه:أنت حمار ليه تصرخ
رهف ميته ضحك كانت جنب غيث
غيث: اعطيني غزولتي هيي احليلة حور لك مالي دخل
رهف وهي لسه تشهق من الضحك: خلاص جيبي يمه حور بأخذها انا وغيرت لها وفي نص الطريق أذن الظهر وقفو وراحو يصلون وأم غيث ورهف جلسو عشان غزل وحور بعده لما طلعو غيث وأبو غيث هم نزلو صلو بعدها دخلو في سوبر ماركت القريب من المسجد وأخذو كم أغراض ومشو وصلو بيت أبو عبدالعزيز والكل بدأ يهلي ويرحب الا العمة فايزة منفسة
رهف ركضت لرتيل ووعد: اشتقت لكم بالحيل جت من وراها الجازي: ما اشتقتي لعمتك صح
رهف لفت لها وحضنتها بقوة: انتي اكثر وحدة اشتقت لك
وعد ورتيل: اففف اففف وش ذي الجحدة ما اتوقعت
عبدالرحمن دخل يسلم عليها: سلاااااااام يا رهيييفتي
رهف: وعليك السلام والكلام يا عبييييد
الكل صار يضحك من سلامهم الغريب على بعض
عبدالرحمن سحب رهف ومعها وجد: تعالو تعالو انتو ثنتين لي لكم سالفة
وجد: وشو انا دايم بوجهك
عبدالرحمن هز راسه بنفي: لا لا خليتها الين نجتمع احنا الثلاثة
رهف: وجدد تعالي مشتاقة لجلساتنا كل ما نجي هنا
الجازي بعصبية: عبووووووود انت ليه تخرب جلساتنا دايم ياخي روح للرياجيل ابي رهوف وجودي معنا
عبدالرحمن: لا ما في بناتي وبكيفي
الجازي: رهف ووجد وين تبون ترحون انا ولا عبدالرحمن
رهف ووجد مع بعض: عبدالرحمن
الجازي: مالت عليكم خلاص وعد الوحيدة الي تحبني ما رح اجيكم وراحت عند جلست البنات
ورهف ووجد و عبدالرحمن راحو لجلستهم الخفية في الحوش الخلفي نادراً يكون فيها احد راحو جلسو يسولفون سوالف ما يمل احد منها وكل شوي يضحكون ضحك هستيري ~عاد عبدالرحمن سوالفه يضحك~
عند الرياجيل:
أبو غيث: وينه اخر العنقود السكر المعقود
عبدالعزيز بضحك: اختفى شكله ما يبيك
أبو غيث بضحك: هذا كل ما جيت انا يختفي بالله عبدالعزيز روح دوره لي لازم يأخذ طراق مني
عبدالعزيز بإعتراض: لالا ما في عبودي لا يأخذ طراق من احد ههههههههههههههه
أبو عبدالعزيز: وش عبودك ياولد
وكل المجلس صار إزعاج من ضحم وسوالف طلع عبدالعزيز يبي يدور عبدالرحمن وصرخ بصوته الجهوري
: عبدالرحححححمممن ياخيي وينك
عبدالرحمن طلع ووراه كانت رهف وجد كانت بالمطبخ تسوي لهم هوت شوكليت
عبدالرحمن: هلا هلا وش تبي مني مو كافي 24ساعة بوجهي
عبدالعزيز عصب لما شاف وحدة وراه: هييي وين كنت ومين الي معك
عبدالرحمن ناظر ورا: ادخلي داخل لا يشوفك احد
عبدالعزيز بصدمة: هيييي مين ذي لا تلعب علي
عبدالرحمن دفه: وللللد اعقل انا عمك واحترمني
عبدالعزيز: صرت عمي هالحين هاه اقول من ذي وكيف هي معك بذا الوقت طلعت وجد
وجد بخوف: وششش فيكم اهجدو في ناس
عبدالعزيز لف لها وعيونه حمرا: ومن هم
وجد: ش فيك عماتي وزوجاتي اعمامي ومن غيرهم
عبدالعزيز: ومين الي كانت مع عبدالرحمن
عبدالرحمن من وراه غمز لها بمعنى لا تقولي وابتسم
وجد: ااااءءءء رهو..... مسك فمها عبدالرحمن يبي يمقلبه
عبدالعزيز دفه: اقولللل من ذي
وجد ما قدرت تتحمل وبكت: ياخييي رهف رهف بنت عمي مشاري
عبدالعزيز هجد ومسح وجهه: عبييد كان قلت لي فهمتك غلط
عبدالرحمن حضن وجد: حصل خير وش كنت تبي مني
عبدالعزيز: أبو غيث يبك يقول يبي يعطيك طرااااق هههخخخخ
عبدالرحمن بخوف: والله والله ما اروح قال طراق قال
وجد: ليه تخاف
عبدالرحمن: والله ما تدرين كيف يدقك على راسك يعور واجد حتى ابو ما سواها معي
عبدالعزيز سحبه بمزح: بتجي عشان الضربة ليه تمقلبني
عبدالرحمن: بعععععد عزوز وخر عني باطيحك اذا سحبت نفسي
عبدالعزيز بتحدي: اتحدااااك
عبدالرحمن: سحبه من رجله بحركه سريعة وطاح وطاحو معه ضحك وبعده جاء وقت العشاء اتعشو وراحو الكل ينامون ومر اليوم على خير بكل حلوها ومرها
---------------------
إن شاءلله عجبكم 🤍.
[أعطوني رأيكم ياحلوييات /ين] 💫.
أنت تقرأ
يـــــا رهيف القلب عزيــــــز النفس
Romanceفي الديرة في بيت أبو عبدالعزيز عبدالعزيز يصادف بنت عمه رهف وتبدأ حكايتهم من الديرة 🥺.
