يـــــا رهيف القلب عزيــــــز النفس

Part 7

﴿صَلوٰ عَلى نَبِينَا مُحَمَد ﴾❤.
—————
فِي أواخَر شَهرُ شَعبَان /بيت أبو عبدالعزيز

أم عبدالعزيز وهي طالعة مع عبدالعزيز: يا بنات أغسلو السجادات وشراشف الصلاة والبيت ترا ما بغى الا يومين،، يلا أنا رايحة مع أخوكم إنتبهو للبيت
وجد: أبشري أميمتي ما عليكِ
وعد وهي تأكل تفاحة: أبشري يمه أنتبهي لنفسكِ
أم عبدالعزيز: تبشرن بالجنة يلا أبدأو من الحين الجازي بتجيكم بعد شوي يلا وانا أمكم، وطلعت
وجد لفت لوعد: هييييي أخلصي انتي والأكل بأقسم الشغل 
وعد راحت رمت البقاية: تمام وش انظف
وجد رفعت كم الدراعة: انا أغسل السجادات وشراشف الصلاة وأقمشة الخداديات وغيرها والمطبخ وترتيباتها ومجالس الحريم والرجال،، انتي عليكِ دور العلوي كامل والدور الأرضي والحوش والحمامات- يكرم القارئ- هاه
وعد: تم يلا، بدأو يرتبون وينظفون
دخلت عليهم الجازي شمت ريحة الصابون والكلور وصوت الغسالة والساجدات وشراشف الصلاة منشورة
ووعد صوت ضحكها واصل لأخر البيت
الجازي: هييييي وعييييد وينك صوتك واصل لأخر الحارة يالدلخة
وعد من فوق: انا فوق تعالي ساعديني أنكسر ظهري تكفييين ذي الورعة وجدوه اعطتني أشغال أكثر من عمري
وجد من تحت بصراخ: هيييي من الورعة أقوللل عن الدلع تراكِ بتصيرين برميل من كثر ما رح تصيرين سمينة ولا بعد كل الأكلات رح تكون عجينة والخميرة تنتفخين مع الخميرة يا وعيد هههههههه
وعد بقهر: لا تتمسخرين علي وروحي شوفي شغلك
الجازي متخصرة: هييي تراني موجودة استحو مني على الأقل قليلات الآدب
وعد بضحك: تربيتكم
الجازي: ياويلي ياطول لسانك يلا جايتك لا تنقهري صارو يتساعدون بعدها أنتهو واخذو كلهم شور وسوو لهم شاي وجلسو عند الحوش في جلسة صغيرة ظريفة
وصلت أم عبدالعزيز: ماشاءالله عليكم سنعات يلا تعالو خذو ذي رتبوها في المطبخ، قامً [ن] وعد ووجد والجازي راحت تلبس عبايتها ترجع البيت
في المطبخ:
وجد: ماشاءالله وش كثر الأغراض
وعد وهي تفتش الأكياس: يمههههه ما جبتي الكاكاو
وجد قبصتها: صدق إنك فاهية شوفي عند الدولاب مصفوفة
وعد حكت راسها: نسيت، اييه صح وينها الجازي
وجد رفعت كتفها: مدري روحي شوفي،
قامت وعد وراحت شافتها طالعة: وين وين الحلوة رايحة
الجازي ابتسمت: برجع البيت عبود قال ارجعي بدري ترا بجيب الأغراض
وعد: دقيقة بروح معك اسلم على جدتي وجدي واسمر معك
الجازي بفرح: يا حلو وعييد
وعد ضحكت وراحت عند امها: أميمتي حبيبتي عادي اروح عند جدتي
أم عبدالعزيز: روحي
وعد: بسمر معها
أم عبدالعزيز: زين سلمي لي عليهم
وعد باست راس امها: ابشري، راحت عند وجد،، هيي بروح عند جدتي بتقعدين لوحدك اخخخ رح تشتاقين لي صح، غمزت لها،
وجد: يا شينك يا شيخة
وعد: ادري ادري ما تبين تبينين ما علينا بسمر عند الجازي
وجد: تقلعي بس وكملت الترتيب، وهي اصلا ما تبي وعد تروح لأن وعد هي بالأساس نجمة البيت لو أخذوها يصير الدنيا غريبة عندهم
وعد لبست عبايتها وطلعت: اففففييييه متحمسة اتحارش مع عبود
الجازي بضحك: حدك على اخوي
وعد: تراه عمي
الجازي: اخوي من قبل يصير عمك
وصلو بيت الجد:
عبد الرحمن متخصر ورافع حاجبه بمزح: سلامات جتنا فأرة تبي تأكل كل المطبخ؟؟
وعد جت فقرتها المشوقة الي هي مناقرتهم اليومية: بأكلك انت بعد وش رأيك
عبدالرحمن يمثل الحياء: اخخ اخخخ تكفيين استحي
وعد كشرت: هييي بلا سخافة وعععع
عبدالرحمن بضحك: وينها وجدي ليييه ما جت
وعد: انا بدالها يصير؟؟
عبدالرحمن يمثل القرف: يععععع شينة ما رح تخلين فيني عِظمة تأكلينها كلها
وعد: اااااءءء لا تهرج واجد
عبدالرحمن فطس ضحك لأنها ما لقت لها رد: ياويلييي وعييد
وعد بركض: الجازي ساعديني أخوكِ مزعجني
الجازي طلعت: احتزمي وانا عمتك
وعد: والنعم فيتس
عبدالرحمن بصدمة: عرق القصيم طلع فيكِ ياويلييي خرعتك كذا
وعد بضحك: ماعداني بتكلم زيكم خلاص وقعدت تسوي حركات غريبة
عبدالرحمن: يلا اهرجي لي زيهم ياحلو لهجتهم
وعد: انقلع عني عادد
عبدالرحمن: واخص اقص لسانك يا ورعة ﴿ الا هيبته لا يطير ﴾
وعد طلعت لسانها وهجت
عبدالرحمن كان يبي يدخل وشاف وحدة مدرعمة: وجدييييييييي تعالي انتي العاقلة
وجد بضحك: وش سون ذول الخبلات
عبدالرحمن: ياربي لا تتكلمي عن ذولي القليلات الآدب تعالي بذيك المكان الي دايم نجلس فيه عندي لك سالفة
وجد: أبشر، راحت علقت العباية وجت قعدت عند عبود
عبدالرحمن: افااااا لابسة دراعة أسود طالعة تهبلين
وجد بحياء: شكرا
عبدالرحمن: بداء يقولها السالفة.....
وبعد الفقرات التعب والأرهاق والكرف رجعو الكل بيوتهم ينامون
غرفة وجد ووعد:
وعد: بنت بالله لا تنامي ابي اسهر الين الفجر
وجد عدلت جلستها: متحمسة لبكرة نسمع الإعلان عن رمضان اخخخ النوم طار مهو راضي يجيني
وعد: صادقة يا إن الاكل رح يكون كثير
وجد ناظرتها بطرف عين مكشرة: إنتي ما تشبعين كل السالفة أكل ياربي خلاص إنتي الي تطبخي وانتي الي رح تأكلي
وعد انضجعت: عادي بس تصدقين اكلك يجننن
وجد: لا تمثلي علي مالي خلقك
وعد بقهر: ياخي لو ما أكلت يوم رح تشكون فيني
وجد بضحك: احس إنك رح تقطعين الصيام يوم نبدأ الطبخ
وعد إنقهرت أكثر: من زينكم عاااااد
وجد فاطسة ضحك وهي تتخيل كيف رح تقطع الصيام وتأكل
وعد: هيييي لا تضحكي تراي مثلي مثلكم وأعرف وش معنى الصيام والقيام والأكل المحدد
وجد مسكت ضحكتها بالقوة: طيب عددي لي أركان الإسلام
وعد بصدمة: تحسبيني بزرررة، لكن ما عليكِ رح أعددها وألقى أجر إني أعلم بزرة
١/ شهادة أن لا إله إلا الله وأنّا محمد رسول الله
٢/إقام الصلاة
٣/ إتاء الزكاة
٤/ صوم رمضان
٥/ حج بيت الله الحرام
هاه عديت ياربي مصخمة ورعة
وجد بتصفيق: أحسنتي يا وعد
وعد عصبت: وجدددددد ترا وصلتي حدك يوم تعامليني كأني بزر، ورمت عليها الخدادية
وجد قامت: تعالي الحوش نجيب الشاي ونسمر هناك
وعد بفرح: تم أحلى شيء تسوينها
وجد: أحلى الأشياء أسويها من يومي
وعد: اففففف يالنرجسية، وعد بهمس: وجد تعالي ننادي عزوز وعقاب
وجد: انا بروح أسوي الشاي وأعدل الفرشة
وعد: طيب، هي راحت تنادي أخوانها ووجد راحت تسوي الشاي وبعده جلسو يسمرون وعقاب كان نايم عبدالعزيز طلع لهم وجلسو يتذكرون أيام طفولتهم منها يضحكون ومنها يحزنون ومرت اليوم بسلام
،،،،،
صباح يوم جديد الكل مستانس فيها 🌤/ بيت الجد كل الأعمام والعمات مجتمعين عندهم
الجازي كانت جالسة بجلسة العيال: عزوز بسألك سؤال
عبدالعزيز لف لها: عيوني أسألي
الجازي: إنت قد حبيت
عبدالعزيز بصدمة وبنفس الوقت قاعد يضحك: وش له السؤال لا والله ما قد حبيت للحين
الجازي: اما عاد احسبك تحب من سرحانك الدائم
عبدالرحمن غمز لها: شكله واحد صدق يحب ومحد سمى عليه
الجازي ضحكت قربت وهمست: من هو علمني ابي افضحه
عبدالرحمن بهمس وطبعاً اللقاف البطل موجود عزوز: حيان ناظريه بس ههههههه
عبدالعزيز شهق: يمهههه صدق يا حيان تحب
فز حيان من سمع الكلمة: وش بسم الله
عبدالرحمن والجازي فضطسو ضحك والجلسة كلها معهم
عبدالرحمن: ياويليييي طلع صدق يحب
حيان: وش فيكم 
الجازي جلست جنبه: من تحب رح أجيبه لك
حيان ناظرها من فوق لتحت: وانتي وش عرفك
الجازي ضربته من ظهره: ياويسييي بزر ويحب من هي
حيان قرب من أذنها: ما تقولين لاحد اوعديني!
الجازي: وعد
حيان فز يوم قالت وعد وهي قالتها بطريقة إنها يعني سر بينا
الجازي ضحكت يوم عرفت إنها وعد: افااااا طلعت سلوقي ما تعرف تختار
حيان ب طرف عين: اشوى منكم
الجازي بمزح شهقت: خالتك يا مضخم
حيان ضحك: خلاص انا فداكِ لا تزعلي
الجازي: ايه كذا كفو عليك
حيان: كفوك
عند الحريم:
جاهم إتصال من أم ذياب إنها بتجي لكن ما قالت لأي سبب وقالو حياها على بالهم طبيعي وصلت أم ذياب ومعها ذياب وأبوه والكل إنصدم من جيتهم الغريبة لكن استقبلوهم أحلى إستقبال الجازي كانت جالسة في الجلسة مع العيال ولا هم دارين قامت الجازي ودخلت داخل وشافت أم ذياب ومزون ارتبكت ورجعت الغرفة لأنها من ذاك اليوم وهي كارهتهم مع إن مالهم ذنب بالي حصل
مجلس الرجال:
أبو ذياب دخل وسلم عليهم: السلام عليكم
الكل بصوت واحد وفخم: وعليكم السلام
الجد قام: اقلط اقلط يا أبو ذياب حياكم الله
أبو ذياب: الله يحيك
الجد: الله يبقيك ، قامو عقاب وحيان يضيفونهم بالقهوة والتمر والمعمول وغيرها من الحلا
أبو ذياب: مالكم بالطويلة جيتكم يأبو عادل طلب يد بنتكم الجازي على سنة الله ورسوله
الجد ابتسم: هذي الساعة المباركة أبد ذياب ولدي ونعم الرجال لكن نأخذ رأي البنت ونردكم
ذياب بتوتر: عادي تسألون الحين
الجد ابتسم: ايه يا وليدي عادي، عبدالرحمن قم شف رأي اختك
عبدالرحمن قام و معه عبدالعزيز: أبشر يبه، في الحوش بجهة الحريم عبدالرحمن: يمههههه الجازيييييي
جت الجازي: هلا وش تبي
عبدالرحمن ابتسم: نادي أمي وتعالي وياها
الجازي: طيب راحت و نادت أمها وجت
عبدالرحمن يا رأس أمه: يمه كيفك اليوم
الجدة: والله الحمدلله بخير ياولدي بغيت شيء
عبدالرحمن: أبد يمه الجازي جوها خطاب
الجدة ضحكت: يعني جاء نصيبها قبلك زي ما قلت
عبدالرحمن ضحك: اي والله شفتي شفتي رح تتزوجي قبلي
عبدالعزيز: ومن قالك إنها موافقه من حضرتك
عبدالرحمن حك رأسه: نسيت، تنحنح، يمه ذياب خطب الجازي على سنة الله ورسوله ويبغون يسمعون موافقتها وش قلتو
الجدة: انا ما عندي شيء اقوله رجال والنعم وسبعة أنعام ف أنا موافقه الجازي وش تقولين
الجازي في نفسها: ونعم الرجال أصلا ما يسمى ذي رجولة، مني موافقه
عبدالرحمن و عبدالعزيز بشهقة: افاااا ليه
الجازي: هذا كلامي يلا خلهم يتوكلون
عبدالرحمن سحبها: أستخري ثم ردي مهي على الفور رفض
الجازي بصراخ: م نيييييي موافقققققققه خلاص افهمو مهي غصب
عبدالرحمن مسك أذنيه: طيب لا تصارخي هي دخلت وهم راحو وجيههم ما يبشر
أبو ذياب: هاه وش ردها عساه خير
عبدالرحمن: شكله مالكم نصيب عندنا
ذياب واضح عليه الزعل والحزن: خلاص عادي يمكنه خيرة لنا قام وطلع
أبو ذياب: أعذرونا على الإزعاج يمكنه خيرة لنا ولكم عن إذنكم وطلع هو الثاني والكل مصدوم الا عقاب زعل عليه
عند ذياب: ركب سيارته وحرك لجبل طويلللل وقعد فيها وصرخ صرخة القهر والعتب الي بداخله
عند الجازي: دخلت غرفتها ورمت نفسها على السرير وقعدت تبكي بكتم محد عندها تفضفض له عن سبب رفضها مقهورة أكثر من ذياب......
———
إنتهت البارت بزعل
ذياب وعقاب وبكاء الجازي ❤️‍🩹.
لكن معوضين في البارت الجاي إنتظروها.
هل بالغت في زعلهم؟؟ 😂😭
إذا الجواب نعم ﴿طيب البنت في موقف لا تحسد عليه ﴾....