ضماد |عراقية

part 1

Baghdad...2:20 Am.

امَـل:- صوت رنين التلـفون زعجني ، اخذت المُخده وخليتها فوك راسي ونمت على بطني
احاول اقفل أذني من الصوت، شخص مثلي نادر اسمع صوت احد يتصل عليه!

رفعت المخده من راسي وباوعـت على الرقم بعجب!
الساعه قرابة الـ2:24 دقيقة بليل
عدلت گعدتي ورفعت التلفون

:- الو؟

-هلا ابو الامل

:-صاير شي؟

-غيري ملابسج وتعالي بسرعة

قفل الخـط قبل لا يخليني افهم شنو يريد مني حتى

:- طيح الله حظك احمد

، تنهدت بضيق... احمد ما وراه غير المَصايب ... گعدت على حيلي احاول اركز شوي ما نايـمه غير ساعة ونص وغيرها جنت ادور على شغل

نزلت مِن الچـربايـه، وتحركـت بهدوء للحمام غسلت وجهي بالصابون وبقيت مغمضه عيونٕـي
وغيرت ملابسـي ، بدون حتى ما اباوع على شكلي بالمراية
اكرهه ... اكره شكلـي.

اخذت جنطتي وطلعت بباب الشقه البس بالبـوت الأسود...
خليت كبوس القمصله على راسي ونزلت بسرعة حتى ما تلمحـني.

بنيه بهيجي وقت ليش تطلع، هذا اول شي راح ينگال بالعمـارة الي اني عايشه بيهـا.
وكفت بالشارع ايدي بجـيبي وعيوني بالگاع تباوع على اثار المُطـر الي مببله الشـارع
قطرات رسمت نفسها على الرصيف واحـتلت مساحة واسعة

رجعت الي كل ذكره سيئة عشتـها، وكفت كدامي سيارة صفرة تكسي عادي، بس الي بيها مو عَـادي
فتحت الباب وركـبت وره بدون ولا حـىرف

:- وعليكم السلام.

:-رضا بدون كلام وصلني للـمقر.

ابتسم وخلا المراية مال سيارة على وجهـي ، رخيت راسي علـى الجامه وبقيت اباوع للسماء وهي تمطر النـدى.

كل ما ارفع راسي يباوعلي لحد ما خزرتـه

وصلنـه، اخذت جنطتي ودخلت للمقر، غمضت عيوني بقـرف اصوات الاغاني تصدع الراس .. اجساد عارية ترقـص.
غطيت وجهي كـله وعبرت من بيت اصوات السكر والفشار.

دخلت للمكتب وسديت الباب، اتنفست بهدوء، رفعت راسي شفت احمد رفعت حاجبي وباوعت عليه

:- وراك مُصيبه وجايبني بهيجي ساعة؟

:- لا بالعكس ، خيـررر امل خيرر يرفعج ويرفـني للسمه