ضِماد....
امَـل:- صَبيحه يوم الأربعاء بعد مرور شهر ونـص على الحـادث، طرقات غريبة انسابت بمسامعي على الباب؟
رفعت شعري بهدوء وگمت مِـن القَـنفه
امي مثل العـادة طالعـه ، فتحت الباب وبقيت واگفه بمكاني
سمر:- ماكو تفضلوا؟
هزيت راسـي بالنفـي وباوعت على سمر ونهال وعبدالله!شنو الي جابـهم وبهيج وقت!
:- تفضلوا، بَـس لو سمحت ما اگـدر ادخـلك ،اني بشقة لوحدي وانت شخص غريـب.
تجهمت ملامـحه وخلا ايدي بجيوب سترته الجـلد، واومأ بدون ما يحجي شي
باوستتي سمر ودخـلت ،وكذالك نِهال، قفلت البـاب رتبت شعري بأيديّ
درت عليهم
:- تفضلوا
سمر:- شقتكم حلوه ما شـاء الله.
-من ذوقـچ
عفتهم ورحت للمطبخ ، سويت چـاي ومي ورجعت، انطيتهم وگعـدت
نهال:- صارت رجلچ زينه؟
:- اي احسن ، اگدر امشي عليها.
سمر:- عايشة وحـدچ؟
:- لا امي وياي بس طالعة للسوگ
سمـر:- اجيت احچي وياج بموضوع واتمنى ما ترفضيني ، بس بالبداية شغلج بالروضة رجعتي اله؟
:- لا طردونـي ، تغيبت هواية.
سمر:- شرأيج تشتغلين عندي بالبـيت
:- ما فـهمت؟
:- تدريـن بأبني وشفتي بعيونـچ ، ما يختلط وما يحب يطلع من البـيت ، دورت هواية على مربية اله بَس ما لگيت
وهو متعلق بيج ويمشي ويگول خاله امل احبها
شرأيج تجين عندي بالبيت تديرين بالج عليه؟
اني اغلب وقتي بالشـغل، وابو مثل متشوفين ضابط وملتهي وما عنده وقـت
وعمتي حجيه جبيبره مو مال تركض وره طفل
امـل:- اشتغل شلون ما فهمت، اجي ادير بالي عليه واروح؟
:- هـذا الشي بكيفج بَس احسه صعب عليج، عمره هسه خمس سنوات الا كم شهر ، وبين ما يصير سته ويدخل مدرسة خاصه
تبقين يمنه
امل:- صعب عليه واني بنيه شابـه، وبيتكم اكيد بي ولد شـباب.
:- من هل ناحيه خليني اشرح الج، البيت جبير وحمويني بالطابق الثاني والثالث
وجوه بَس اني وزوجـي ،الج غُـرفة كاملـه وحدچ
حماي عمر بالمستشفى وبالمختبر اغلب وقته ما يجي لوجه الليل ،من غير الخفرات
وعندج عقيل محامي ما يطلع من غرفته بس للمحكمه والمكتـب هم يرجع متأخر
ومهند صغير
:- ما شاء الله اربعه؟
نهال:-خمسه ، واحد مسافر بمصـر.
امل:- دعكت فخذي بأيدي ، اول خطوه لعدم الشك الاستماته
اذا شخص شافك مستميت لشـي عنده تتغير نظرته عليك
رفعت عيوني عليها وحچيـت ببرود
أنت تقرأ
ضماد |عراقية
Romanceتـوكل مهمه قتل رائد في الجيش العراقي لامل فتاة غريبة ذات ماضي مجهول،هل ستتمكن من تحقيق المهمه؟ وما هي اهدافها الشخصية؟
