ضماد |عراقية

الخَاتـمه🧡

عبدالله:- الحَياه بدونها جانت اشبه بالعدم، اشبه ان تكون
جثه تأدي مهامك اليوميه بدون حافز
بدون شغف
بدون اي شي....

جمالها ، ضحكتها ، عيونها
كلشي ناقص بدونها، الاكل بدون طعم، الهوه بدون نفس
الاغاني بدون صوت
الاصوات ناقصه..

امل چانت املي الي رجعلي الحياة ،

ترقيت ، عُمر وتبارك رجعوا عاشوا ويانه
واني اشتـريت بيت الي وحدي
ابني اخلي يم امي بالدوام ومن ارجع اخذه. حسيت لازم ارتاح وَحدي
اكون بعيد عن العالم وبعيد عن كلشي.

امَل:- طلعت من المَصرف الساعه بـ٧ ونص بليل
دا اطلع تلفوني من الجُنطه فزيت على صوت

:- خالةةة

رفّعت عيوني مصدومه! ضحكت بقوه وصرخت

:- اوسسسسس

اجه يركض عليه ، حضنته بكل قوتي لصدري واني ابجي
:- يا روحييييي مشتاقه الككك

وخرته من حضني واني اشوف شكد كبران ابتسمت وبوسته

:- مشتاق الججج خاله

:- اني اكثر يا عُمرييييي

وگفت شفت عبدالله خال ايدي بجيوبه ومدنگ راسه
گلبي يلعب ملاكمه بصدري
ليش هيجي صاير حِلو! ليش هيجي الشيب زايده جمال

صاير ضخم وعنده عضلات لزمت ايد اوس ورحت يمه

:- شلونك عبدالله ؟
مديت ايدي بهدوء صافحته عيونه بعيوني تحجي هوايه اشياء

:- بخير الحمدلله انتِ شلونج؟

:- اني زينه، شعجب اجيت على بالك؟

:- اوس راد يشوفج مشتاق الج وجبته

:- اوس بس؟

ما علق شي على سؤالي بدله بسرعه

:- عندج شي؟ نروح نتعشى

:- أي ميخالف هسه خَلصت دوامي

:- جيد

رحت وياه واني لازمه ايد اوس، صعد هو وره
واني گعدت يم عبدالله
حرك السياره عيوني عليه، اريد اشبع منه
شكد مشتاقه اله؟ سنتين بدون ما اشوفه جانت هوايه على گلبي

:- خالتي شلونها؟ الولد

:- خالتج زينه، والولد مهند تحجين وياه وتفتحين كامره ليش تسألين