ضِمـاد...
امـل:- من انساب صوته بـمسامعـي، قبضت علـى الچيس بأيدي ما اكدر ارجعه راح يلاحـظ ، رخيت ملامـحي ودرت عليه بثقة
وخليت ايدي وره ظَهـري
عبدالله:- ارجع اجيب مفتاح المَكتب الگاج بغرفتي؟
كتف ايدي وباعد بيت رجلي مثل وگـفته الجنود والضبـاط
:- احتاج تفـسير؟
امل:- رخيت ملامـحي تمامًا حتى ما يشك وگلت بنبره عـادية
:- خاله دَزتني على الواقي...
:- واقي ؟
امل:- من اسـتوعبت شنو حجيت فزيت بسرعة وگلت
:- اقصد مقياس الحراره
دعكت فخذي بـتوتر ،نظراته ما تساعد، اومأ براسة وهو بعده مكتف ايدي
عبدالله:- مقياس حراره ، وشنو الي وره ايدچ وخايفة علية الواقي
اقصد المقياس!
تقرب عَـلية بخطوات بطيئة، عصرت قبضـتي بكل قوتي وگف كدامي ما يفصلنه بَس خطوه
رفع حاجبه بشك وگال:
:- مدي ايدج
:- ما عنـدي شي
:- ايـدچ.
قبضت عليها اكـثر ودرت وجـهي من وجهه حَتى ما اتوتر
همس بصوت ناصي
:- اعـذر من انـذر.
ايده نمدت وسحب ايدي من وره ظهري، جذبني عليه بسرعة
رفعت عيوني عليه بـتوتر
حان قابض على ايدي بقوه واني سادة قبضة ايدي حتى مـيشوفه بيـن ايدي
:- افتحي ايـدج
نظراته تحولـت لشي ثاني مرعب، بلعت ريگ وفتحت ايدي وگع الچيس بأيده الي فاتحها جوه ايدي
ابتسامه سُخرية نمت على شفته
:- مقياس حراره؟
دنگت راسي محرجه، حاولت اسحب ايدي بَس لازمها بقوه
:- مـ ما تقصدت افـتح الميز بس هو صار كدامي وعبالي المقياس
:- لا صـح، وين تخـلينه باللسان؟
من گـال هيجي دفعتة من صدرة بقوه وخليت ايدي عـلى وجهي وطلعت اركض بقوتي
اسمعه يضحك!!!
دخلت غرفتي وقفلت الباب ، وجهي احـسه صخن من الفشلـه.
بقيت اهفي عليه بأيدي
:- شسـويت اني؟ شسويت شلون اباوع بوجهه بعد؟
عبالي مقياس
هذا الي طلع بأيـدج امل؟ مقيااااس
دعگت وجعي بأبهامي والسابة وبقيت افتر بالغـرفة
شلون لو عبـالة اتـعمد؟
گعدت على الچرباية، هسه يلا استوعبت
ليش واقي؟ معقولة ميردون يخـلفون بعد! ميريد اطفال بعد خاف يطلعون بيهم توحد؟
قطع سلسلة افكـاري صوته امه وهي تصيح
:- هااا أمـل وين صرتي؟
أنت تقرأ
ضماد |عراقية
Romanceتـوكل مهمه قتل رائد في الجيش العراقي لامل فتاة غريبة ذات ماضي مجهول،هل ستتمكن من تحقيق المهمه؟ وما هي اهدافها الشخصية؟
