ضِماد...
امَل:- عيوني على اوس من شفت عبدالله وگع بالمَي تخبلت!!
:- عبدالله!!!!
ركضت حـاولت الزمـه ماكو فاقـد الوَعـي اضرب على وجهه بكل قوتي
واصـرخ
:- عبدالله بس باوعليييي عبدالله
خلينه بحضني اريده بَس يكعد ماكـو ! فزيت على صوت عياط قوي
عقيل :- شصااايرر؟؟ منووو جايبة هنا للشلالات ؟؟
كأنما طيف امل انزرع بيه من شـفت عقيل صرخت بكل قوتي
:-حبااااب تعال شووووفة ،تعاااال مدرييي شبييي
ركـض عليه واخـذه من ايـدي وبقه يحاول يگعده
ماكو منتهي
وگفه وسنده وخلا ايده جوه حضره واني من الصفـحه الثانية
:- اووس تعال ورانا
عقيل:- منو جابـه هنااا؟
:- ا اوس جان ديـبچي وااني اجيت وراها عبدالله شافـنه
من گلت هيجي خزر عقيل اوس لدرجه لـزم بملابسي بقوه!
كلبي وجعني من الخـوف! شبيج امل خايفة على الشخـص الي تردين تقتلي
شنو جديده عليـچ؟
الحمدلله جانت سيارته على صفـحه مددته وره وخليت راسة بحضني واوس صعدته يَـم عمه
:- وين راح نـروح؟
:- للبـيت وين يعني؟
:- ليش مو للطبيب خاف صار بي شـي؟
:- مصار لـتخافين
من شده خـوفي حتى نـسيت سالفة التسجيل
بقيت امسـد على راس عبدالله عَسى ولعل يِهده
عَقيل:- راح ادخـله من الباب الوره وانـتي ابقي يمه
اهل سمر ما اريدهم يشوفونه بهيجي حـاله.
:-وشـراح تگول الهم؟
:- رجـلچ انجرحـت معلـيچ .
اومأت الـه.. ورجعت حچيت
:- شبي ليش هيجي وكع ؟ شنو دخل الشلالات؟
بقت عيونه عَـلى الطريق حَتى ما انطاني نظره وحـده بالمرايـه.
:- افضل هو يحچي الـچ من يگعد.
:- بس...
:- امل فدوه والله راسـي راح يصير طبلة دايخ ومتخبل فدوة سكتيييي
:- شبيك ؟ ياا
ما جاوبـني نزلت عيوني منه على عَبدالله
بقيت امشي ايدي على وجهه وتقاسيـمهم حواجبه الثـخينه
شفته وفكـه ... عبدالله حلو بشكل رجـولي..
ايده جانـت تتحرك لزمها مثل الي قبـض عليها بكل قوته
،ابتسمت وهمـست
:- انـي يَمك.
وصلنا للبـيت دخلنـا السيارة من وره ونـزلنا عبدالله وره وودينا لغرفته
طلع عقيل ويه اوس ،رتبت فراش عبدالله
وگعدت على صَـفحه اباوع عليه بتعب
أنت تقرأ
ضماد |عراقية
Roman d'amourتـوكل مهمه قتل رائد في الجيش العراقي لامل فتاة غريبة ذات ماضي مجهول،هل ستتمكن من تحقيق المهمه؟ وما هي اهدافها الشخصية؟
