ضِماد....
امَل:- گـاعدة على القَنفه ممده جِسمي بتعب
عيوني ما ادري مِن شكد ما رامشه ،عيوني على البـاب
كلام رسالة البـارحه
شلني شل ، افكر اگله؟
اسكـت واتجاهل...
تبارك يم امي واوس نايم، عبدالله بالِشغل ، بقت عيوني عَلى الباب
وايدي عَلى بطني
انـفتح الباب دخل عَبدالله ،ابتسم من شافني نزع بسطال الشغل واجه عليه باس راسي
: شلونج؟ صرتي احسن
:: اي حبيبي ، الله يساعدك
گعد يمي وتمدد عَلى القنفه وخلا راسه بحظني
بقيت امسد على شعره الناصي
رفع عيونه عليه وابتسم
:- فانيلا
كرصت خده وابتسمت
:: شبيج؟
:- شبيه؟
:- براسج كلام احجي فرغي
:- شمدريك؟
:- من طلعت اليوم الصبـح جنتي ضايجه، من عوايدج تحجين هواية
وتعلقين على كلشي ،وتبتسمين
هسه حَتى ابتسامـتج طافية أمل
وخر من حظني ،گعدت عَدل وباوعت عليه دعكت فخذي بتوتر وحجيت
:- اريد اوريك شي
-شنو؟
طَـلعت تلفوني ووريته الرسـاله... اخذ التلفون وبقه يقره
:: من وين حصل رقمج؟
:: والله ما ادري، اكيد احمد مراح ينطي رقمي
شوف من وين حصله
فتح البيت مال شريحه وطلعها وكسرها
:- خلي الموضوع عليه
:- بس احنى منعرف اسمه حتى عبدالله شراح نسوي؟
خلي نحجي ويه احمد حباب بس هو يعرف اسمه
من گلت هيجي فرك جبينه ودنگ راسة!
:- شصاير عبدالله ليش كل ما احچي وياك على احمد تسد الموضوع
احمد بي شي
:- امل هذا الهامچ؟
:- عبدالله شنو الي هامني؟؟ احمد وين
هو بس الي يعرف كلشي خل نحجي وياه ونسد الموضوع
رفع عيونـه عَليه وحچه
:- احمد انتحر.
:- شنو؟
وكفت على حيلي ،لزمت بالقنفه
:- مات؟ مااااات!!
:- اي انتحررر وره نهال
هزيت راسي بالنـَفي ، بقيت اهز براسي بالنفيي
:- لااا ميعوفنييييي ،احمد حلف الي ميعووفنيييييي
عبدالله شداااااا تحجييييي
من شافني تهسترت صرخ بوجهي
:- امللل؟؟ كافييييييي
تبجين على رجال غريب گدامي !!!
:-هذا الي هاااامك؟ هذا بس الي انتبهت عليه!!!
اخووووية هذاااا
بالوقت الي كلها باعتنيييييي احمد معافنيييييي
تريد تحاسبنيييي لان ابجي عليه؟؟
أنت تقرأ
ضماد |عراقية
Romanceتـوكل مهمه قتل رائد في الجيش العراقي لامل فتاة غريبة ذات ماضي مجهول،هل ستتمكن من تحقيق المهمه؟ وما هي اهدافها الشخصية؟
