ضِماد .....
امَـل:- من گال هيـچي رفعت عيوني عليه برعب ، ايده على اليـده مال بـاب
دار عليه انطاني ابتسامه وطـلع
زفرت الهوه بقلق
:- لهذا السَـبب، ارجع اگـلچ ركزي بالمُهمه امل ،وتذكري الي صَـار وياچ وشلون انغدر بيـچ
الي يغدر بوحـده تجمعه بيها علاقة لمده 11 سنه راح يرجع يغدر بيـچ
امَـل:- وليش متوقع اني هيجي غَبيه؟ احمد گلبي ميت
من زمااان مات، ومـا احس بي
ولا راح يتغيـر شي صدگني.
:- اتمنى هالشـي.
سلمت عليه وطلعـت ايدي بجيوبي ومدنگه راسي بقـلق
بدون وعي مني ضربت شخـص وتبدت الگهوه الي بأيده بالگاع!
رفعت عيوني بـصدمه
: عَقيل؟
:- امَـل!.
دنگت لميت الأوراق الـي بالگاع تطشر عليهم الگَهوة وهو وياي
:- اعتذر
عَقيل:- مصار شي بَس شتسوين هنا؟
:- صديـقتي بالمُستشفى، وانت؟
:- موكلتي، اجيت الـتقي بيها داخله مُستشفى
امل:- نفضت الـگهوه من الورق وانطيته اله ابتسم إلي
:- راجـعه للبيت ؟
:- اي خلصت
:- لعد امشي وياي نرجع سوية، ليش ترحين تكسي ومطر بره قَوي
-لا خاف ااذيك وياي
:- يمعـوده شنو؟ امشي معليـچ.
اومأت الـه ورحت وراه ، لابس كوت خريفي بيجي وجواه ملابس رسمية لونهم اسـود
وبيده جنطه وسط حجمها
بقيت امشـي وراه لحد ما دخـل للغرفة ودخلت گلي سدي الباب
شفت بنيه بمتوسط العُمر ،وجها مشوه من الضرب!
عقيل:- الحمدلله على سلامتـچ نسرين شلون صرتي؟
:- الحمدلله احسن أستاذ
ابتسم الها، گعدت عَلى صَـفحه ، وبقيت اركز وياهم صار عندي فضول لـيش هيجي مضروبة
عقيل:احـسن شي سويتي هو التقرير الطبي، اخذنه من الدكـتور وشرح حالتج بالتفصيل
هسه صار عدنا دليل قاطع انتي تتعرضين للعنف من قبل زوجج
ومراح اخليج ترجعين بعد
: - يعني مراح يغصبوني؟
:- لتخافين ،هايهيه اصلا اضمنلج حضانه اطفالچ واضمن النَفقة
لان القاضي مراح يسمح لشخص مثله
يتكفل بحضانه أطفال.
:- شكرا استاذ والله لوما مشورتك چان بقيت تحت رحمته
:: كتلج من البداية ، محامتج قضية ما تخسر، بالخصوص تحت ايـدي.
شخصيته حلوه ،كارزما مو طبيعـية
يشرح بهدوء وبرزانـه
سحبان الله هو وعبدالله ولا عبالك اخـوان عمر ومهند!
أنت تقرأ
ضماد |عراقية
Romanceتـوكل مهمه قتل رائد في الجيش العراقي لامل فتاة غريبة ذات ماضي مجهول،هل ستتمكن من تحقيق المهمه؟ وما هي اهدافها الشخصية؟
