عايشينها صح

Part 24 "تجلط شرياني بحبك وتعافى بخذلانك"

عارفة اني متأخرة اوي عليكو انا اسفة والله حقكو عليا ♥
من ساعة م نزل البارت الي فات وده جاهز بس واتباد معاندني وواقفلي في كل حاجة مش عارفة ليه
يلا المهم نبدأ وواثقة اوي انه هيعجبكو بإذن الله ♥
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ

فرنسا،،

تقف مريم تحت أمطار باريس أمام برج إيفل، يقتحم هدوءها صوت المطر كالأفلام القديمة، تبحر رائحة المخبوزات الفرنسية الساخنة داخل أنفها خاصة الكرواسون الملقب بنجمة فرنسا، لا تشعر بلذته رغم حبها له ولرائحته الذكية، تخوض عَبَراتها منافسة مع الأمطار، تهطل لتبلل الغارق بالفعل، لتأتي ذكرى طائرة من مصر "ما هربت منه" لتعافر المسافات، والمشاعر، وتعبث بخلاياها، وقلبها المرهق.

"منذ سنوات عديدة"

_مريوم بصي الرسمة التحفة دي
هكذا صاحت رهف لتخرق طبلة أذنهن وهي تشير على لوحتها لبرج "إيفل"، ذكرى قديمة لدرجة أن رهف لم تكن بارعة حتى في فنها وقتها

وضعت مريم يديها على أذنيها صائحة بدورها:
_قولتلكو ١٠٠ مرة بحبكو تقولولي ميرو
ثم نظرت وتمعنت في اللوحة ثم صاحت بفرح
_الله! قرطاس كمون!

أنتهت جملتها العجيبة متعجبة لتستقبل وسادتين على رأسها من حياة وأسيل، لتمثل دورانها ڪ"توم" في برنامج الرسوم المتحركة الشهير القط والفأر وفي مقولة أخرى Tom&Jerry ثم تقفز بحماس لتحادثهن بصوت عالٍ:
_هتجيبولي ارتجاج في الجمجمة علشان شوية كمون؟ ده انا لسه جايبالكو بخماشر جنيه بحالهم!

كادت تصرخ رهف حتى ضحكت مريم واحتضنتها بحنان لتقول:
_أنا آسفة.. بجد حلو اوي اللهم بارك انتِ رسمك أصلًا زي القمر وانتِ قمرين

فابتسمت لها رهف ونظرت بغرام للوحتها:
_ياه لو نلبس كلنا فساتين سودة.. ونحط روچ أحمر.. وماسكرا حلوة ونلبس برنيطة.. ونسمع أغنية وقت المطر عند برج إيڤل في باريس..

ووقفت ضاحكة لتمثل ما ترويه بكوميديا:
_وييجي شاب فرنساوي يخبطني براحة ويبصلي بعينيه الواسعة ويقولي
_Pardon madame

فآخد شنطتي وابصله بتناكة واقوله:
_موزموزيل من فضلك!
وابصله من تحت لفوق كده واقوله عمومًاPas grave

_بتجرفي ازاي يعني؟
هكذا قالت أسيل بعدم فهم
فوكزتها مريم وقالت بغرور:
_بجرف يا جاهلة يعني اتشرفت بمعرفتك بالهيروغليفي

نظرت لهن رهف وتبدو على وجهها معالم الجلطة لتضحك وتقول:
_أنا غلطانة أصلًا إني بشارككو احلامي وطموحاتي

فاحتضنتها حياة وقالت:
_لا يا روح قلبي شاركينا احلامك علشان احنا كده كده هنشاركك في تحقيقها