جَبروتي ولوعتِي

وصف

لم يكُن هنا بجانبي شيءٍ سوا القليل من الراحَه
والكثيرُ من الظُلم ، ظلامٍُ يُحيط بي ، يسكن أوجاعي
يروي لي مُصيبتي ، لم يكن سوا وجعٍ هامش ؟
كان وجعٍ يُسكرني إلماً ، ويُضحكني وجع ، عظم ألله أجري ، ورحم ألله نفسي ، ومسح عن فؤادي ما كان يسُكنهُ ، ما كان يجرحُه ، ما كان يُسبب موتيِ وهجراني
لدنيُتي ، هل يُعقل كُل ماحصل بسبب ضعف جسدي ، أم ضعف قوتي ، ماحل بي كأن ألماً يرادوني طول سنيني ، من صغري لمشيبي ....
_________________________________________
_________________________________________
# جبروتي ولوعتي
بقِلم : أنهار ال مُسلم
.
مقتطف //
_________________________________________
: كلبي يرعد من الخوف وأطراف أيدي ورجلي ثلجن أحس كلبي وعقلي تضاربوا معقوله هيج يصير بأحلى يوم بحياتي معقوله يصير هيجي بيه أخ يايابه ع الوجع بهالحضه

: اخخخ يا حمد يايمه راح أبيككك من عدنا ، شحصل بالأزلمه كبل ساعه فرحان بعرس أبنيهه ، شنهي ولج شترستي دارنا بس ما طبيتي عتبة الحوش هاج الرجال علينه سوده بويهي يابو حمد يابويههه

: شجرالج  يا يمه البنيه شدخلها هي لازم تنعه وتبجي لأن خربت ليله عرسها

: شنهي ولج ، رغيده أم اللسان أبيج هذا نحزن عليها ليش يمه الليله أفرظ من أبيج

: يمه أنه مو هيج قصدي بس البنيه هم حريمه حرام ناخذ ذنبها وهي مكسورة خاطر

: رغيده خلاص عوفي أمي وفكي نزاعج وروحي نضفي البراني كله هوا والسياج أنه نكسر ظهري من صبح الله لسه أكرب وانتِ مكضيتها بس حجي ونعثله بالجلمات

: خيه شمالج حاطه دوبج ودوبي فكي عني عاد ترا أحطنج وادوفنج بالحوش انضفه بشعفتج

: ولجنن امشن من جدامي اريد أشوفن أنتن ماهمجن أبيجن بالمستشفى وتتماطلن كبالي بكل عين صلفه امشن ماريد اشوفنجن جدامي خفت هالجهره

: خاله ماتخابرين محمد والله بناته موتني هم شوفي عمي شلونه وهم يجي ينطيهن زمخه ينيمهن جفي

: صارت الساعه بال١ بالليل وانه وبدلتي تارسين الغرفه وآلاله بدت تبهت والغرفه صارت خنكه بعز الشتى ورا شويه سمعت صوت مال زلم هواي دريت أجو

: هلا يا بعد جلاووي شجرالك سوده عليه يا بوحمد

: ها شنهي موتتيني بساعه تردين تتخلصين مني يكتيبه

: ماكو شي يمه كال الدكتور مهبط سكره بسبب التعب أنطي لكمه ياكلها وهسه يصير زين يلا عادل روح لمرتك خويه فشله متانيتك

: لاخويه شني مرتي أهم من ابوي خليني اباتن يمه اليوم ذيج خليها

: خويه أستهدي بألله وروح انه يم ابوي اذا يحتاج شي

: دخل للغرفه وحواجبنه معكوده واضح التعب علي  دارسته واعرف تفاصيله من تتعب ويضوج جان عبالي مقهور على أبو ف واسيته واني كلبي يوجعني : لاتزعل ياعزيز روحي ان شاء الله الفجر مابي شي ،

: وخري من كتري وذبي هالجفن من وجهج مو انه اختنكت

: روحي أنمقتت وملامحي بهتت ونزعت البوشيه بعد ما جنت منتضرته ساعات حتى هوا  يشيلها

________________________________________

: ولللجججج الماس تعاليي ادخلي

: يمهه عفيه حاجي جدي والله ماسويت صوت بيبيتي ودتني ع الجداحه من يمه

: دموعي تنزل ومابيدي اسويلها شي: روحي الجدج يمه مايسويلج شي كليله مثل ما كلتيلي ان شاءالله يهدء ، راحت وراح كلبي وياها ورا ٥ دقايق أسمع صوت الضرب على جسم بنتي كأن هالضربات بكلبي مو بيها طلعت ووجهه باهت لونه ودموعها على خدها الناعم الأبيض يم عينها الصغيره وحواجبها الشكره مكان ازرك كأن يحجيلي وجعهه وقوة ضرباته 

: يمه والله كتله ماكعدته اني والله مشيت بدون صوت جبتها واجيت  بس ماسمعني وضربني بالعوده حتى وحده يم عيني همزين ما عميت

: لايبعد امج الوجع بضلوعي ولابيج اعذريني يانور دنيتي والله لو بيدي اخلصجن من هالضلم بس مابيدي يايمه شي غير دموعي والحسره الله كفيل بينا