" မေမေ.. သမီးကို ခေါ်တယ်ဆို.."
ဒေါ်ခင်ခင်သစ် သမီးဖြစ်သူကို ကြည့်ကာ သဘောကျနေမိသည် ။
၂၉နှစ် ဆိုသော အရွယ်နှင့် တင့်တယ်လိုက်ဖက်စွာ သမီးလေးက လှလှပပ ကြီးပြင်းလာခဲ့သည်ပဲ။
မိဘတွေ စိတ်ပူစေရမယ့် အရာမျိုး မလုပ်ခဲ့ဖူးသလို မိဘတွေဘက်ကလည်း ဘာကိုမှ အတင်းအကြပ် ခိုင်းစေခဲ့တာမျိုး မရှိခဲ့ပါ။
ဘွဲ့ရပညာတတ် အိမ်အလုပ်လုပ်ဟူသည့်အတိုင်း သမီးလေးက အိမ်၌ပင် ဖခင်ဖြစ်သူ နှင့်အတူ အိမ်စီးပွားရေးကို ကူညီနေသည် ။
သားဖြစ်သူကတော့ တက္ကသိုလ်ကို အဝေးသင်သာယူ၍ ရွာအပြင်ဘက်တွင် ဆန်စက် တည်ပေးထားရသည်။ ထိုမှ တစ်ဆင့် မြို့နှင့် အလှမ်းဝေးသော ရွာတွေဘက်သို့ ကိုယ်ပိုင် ထော်လာဂျီဖြင့်ပင် ဆန်လိုက်ဝယ်ကာ မြို့သို့ တင်ပို့ခြင်းပါ ပြုလုပ်လေသည် ။
ဒေါ်ခင်ခင်သစ် အတွေးတို့အား ဖြတ်ကာ
" အေး သမီး...
မေမေ မေးချင်တာလေး ရှိလို့... သမီးမှာ သဘောကျရတဲ့သူများ ရှိနေပြီလား.."
နှောင်း တစ်ယောက် လန့်သွားပြီး မျက်လုံးကလေးဝိုင်းလျှက်
" မေမေက ဘာလို့ မေးတာလဲဟင် "
" အင်း.... သမီးအသက်လည်းမငယ်တော့ဘူး ဆိုတော့ မိဘတို့ ဝတ္တရားအရ စီစဥ်ပေးချင်လို့ပေါ့ကွယ် "
နှောင်း တစ်ယောက် ကြောင်တောင်တောင်ဖြစ်သွားရကာ
" မိဘ ဝတ္တရားအရ..........
မိဘ ဝတ္တရား အရဆိုတော့ မေမေတို့ ဘယ်လို စီစဥ်ပေးချင်နေလို့လဲ "
ဒေါ်ခင်ခင်သစ် လည်း သူမတို့ သူငယ်ချင်းနှစ်ယောက်၏ မဟာ အကြံအစည်တော်ကြီးကို သမီးအား ပြောပြလိုက်လေသည် ။
" အဲဒါ သမီးနဲ့ ဟန်သာလေးကို နေရာချထားပေးချင်လို့ကွယ်... သမီး သဘောထားကို သိချင်လို့ပါ "
"ဟို"
နှောင်း ဘာပြန်ပြောရမည် မသိသဖြင့် တွေဝေနေစဥ် မေမေက
" အတင်းလက်ခံခိုင်းနေတာ မဟုတ်ပါဘူးကွယ်
သမီးမှာ သဘောကျရတဲ့သူများ မရှိရင် စဥ်းစားပေးစေချင်တာပါ...
မေမေတို့ ဘယ်တုန်းကများ ဖိအားပေးတာ ရှိခဲ့သလဲ သမီးရယ် "
YOU ARE READING
ချစ်ခြင်းထပ်တူညီ
Short Story" ဟန်သာ.." " ဟင်" " ကိုယ် နမ်းချင်တယ်.. " " ဒဏ်ရာတွေ ပျောက်မှ " " အဲဒီကျရင် အကြာကြီး နမ်းမယ်နော် " " အင်း.... အကြာကြီးနမ်း" စိတ်ကူးယဥ်ရေးသားထားခြင်းဖြစ်ပါတယ်ရှင်... အမှားအယွင်းများပါရှိပါက ကြိုတင် တောင်းပန်အပ်ပါတယ်ရှင်... ဝေဖန်ထောက်ပြ အကြံပေးကြဖို့...
