باعَو العِشرة ونِسونه

البارت الاول

#باعو_العشره_ونسونه
#زهره_النرجس

اود ان احدثها بعد هذا الانقطاع واخبرها انني مازلت مريضاً متعب من اثار الفراق
لكني لا أستطيع💔

.
.
.
.

اسمي رعد مواليد ٨٤ ساكن بالبصره مواصفاتي طويل ١٨٢ وجسمي بذاك الوكت كان نحيل لان جان الوكت تعبان وزمن صدام ملامحي اسمر وشعري زيانه عادي ملامحي حلوه بس مرات الفقر يأثر ع الواحد اني صح عدنه بيت ملك بس اعتبر فقير لان جان حصار

عندي اخو احمد مواليد صف رابع ابتدائي وخوات اثنين زينب وزهراء توم يداومن صف ثالث متوسط اني الجبير لااهلي ابوي ابوي متوفي قبل جان معلم وصارت حادث سياره واتوفى وامي هواي تعبت علينه جنت اشتغل ويه عمي بمكتبه وعمي عرض ع امي يتزوجه بس هي ماقبلت لان عايشه ع ذكره الوالد

جنت احب ارسم من صف ثالث دخلت معهد معلمين اول سنه خلصته بالكوه ماحبيت المعهد تركته وره سنه ثانيه دخلت معهد فنون اول يوم الي بالمعهد حبيته لان امارس مهنتي هي الرسم بيتنه جان قريب ع الثانويه مال البنات يعني اذا كعدو بالصف لو بالبلكونه اشوفهن جان الطابق الفوك محد يصعد بي بس بدايه السنه الجديده فتحو الصفوف الفوك جنت ماامتواجد بداوم الثانويه اني اطلع الصبح للمعهد من وكت حته اصعد فورتات واوصل للمعهد
المفروض اني سنه ٣ معهد بس من عفت معهد المعلمين رجعت سنه اوله

ام رعد...يمه رعد كوم اتاخرت ع المعهد ماكافي نوم
لوهم تريد تترك الدوام

رعد...يمه والله تعبان امس الشغل بالمكتبه ويه عمي تعبني عنده قرطاسيه جديده جايه ولنص الليل اني ارتب بيهن

ام رعد...جايمه هذا باب رزقك شنسوي تقاعد ابوك الله يرحمه مايكفي

رعد..جايمه هسه شكايل اني خليني اغفى شوي

ام رعد...نام يمه خلي اروح ابدل لااخوانك

رعد..ردت اغفى ماكدرت هوسه اخواني وهوسه الطالبات مال المدرسه الي يمنه تمغطت شوي وكمت اني ادخن بس امي ماتدري بيه ولاعمي بالبوكه اخذت الجكاره وقفلت الباب وفتحت شباك الغرفه شمس حلوه والجو بارد اني جنت مخلي ورقه الرسم بالبورد الخشب ومااعرف شنو ارسم هواي عندي رسومات صفنت ع المدرسه وشفت طالبه واكفه بالبلكونه مال المدرسه والهوى يلعب بالكذله جانت مسويه كصيبه شعرها ثخين وطويل مبين عليه متوسطه لورابع اعدادي ملامحها جانت حلوه جذبتني شكله مثل اليابانيات بيضه وخشمه زغير وحلكها زغير ملامحها ناعمه وحلوه بس دبدوبه وعده خدود بيض بحيث من تضحك يضيعن عيونه

انتبهتلي شلون اتفرج عليه جانت المسافه بينه كلش قليله لان بلكونه المدرسه تشرف مو ع الساحه لا وره الساحه حديقه زغيره كلش وبصف سياج المدرسه بيتنه

يعني مسافت ١٠ مترات بينه لو اكثر شفته صفنت عليه وابتسمت اشرتله اوكفي خلي ارسمج جنت لازم القلم والبورد مبين من الشباك سمعتني هي وافتهمت شنو اريد