باعَو العِشرة ونِسونه

البارت الخامس عشر

#باعو_العشره_ونسونه
#زهره_النرجس

كعدت من النوم وزهراء اشوفها بعده كل شوي تخابر

زهراء فهميني شبيج شنو صاير ماادري شبيج من الصبح لهسه

زهراء ...احجي وماتضوج

رعد...احجي مااضوج على شنو اضوج

زهراء ...ابتهال مااعرف شبيه موعوايده ماترد وماخابرت من امس ضل بالي عليه اريد اروحله واستحي منك خاف تزعل عليه

رعد...من اروح بعدين للمطار اخذج اوصلج يمهم

زهراء ...لاتزعل مني وتروح  والله مااروح شعندي شسويله اذا ماردت

رعد...ماتدري انه كاتلني الفضول ازيد منه واريد اعرف وين راحت من امس
لاانه اصلا اريد اسافر المغرب اروح للمطار واوصلج لهناك بس رجعي بتكسي لوهي توصلج لان مااكدر اوصلج

اخذته وصلته لبيت جبير وحلو نزلت زهراء واطفاله
بقيت اتفرج على البيت واذب كل حسره شكبرها

هوهذا الي بعتيني علموده شنو الي استفاديتي من الفلوس بوقته معدتي كبت نار السايق كلي وين اوصلك هسه كتله للمطار وصلني

قبل لااوصل للمطار كتله اطبك على صفحه كمت اتقيئ كلشي ومعدتي كبت نار اريد اي شي بارد يطفي ناري  كلي السايق اوصلك للمطار وهناك اكو طبيب يشوفك
وصلني واخذت علاج مناك بس بعدني مختنك يعني هذا مويوم كضيته بالبصره هجي تعبت لو اكعد هناك شنو اسوي اكيد اموت من قهري مااطول يومين

وصلت لااربيل ومناك لكركوك مايدرون بيه راح اجي
وصلت لكيت رحاب متخربطه وماخذته امي وعمتي  واحمد لان اليوم اجت عمتي من العمره من كعدت بكركوك لهسه عمتي كضته سفرات وزيارات ماتكعد بالبيت

لكيت زينب بس بالبيت كالت اليوم الصبح صار عده الم وتعبت واخذوها للمستشفى ردت اطلع من الباب وهم نزلو ويه احمد  اخذت رحاب واستندت عليه دخلته للبيت ماقبلت تمي تصعد فوك

ام رعد...يمه موزين عليه تصعد الدرج مرتك بنهايه السادس وعده يمكن ولاده مبكره والبنيه نازله كلش الدكتوره كالت لازم تبقى بالفراش لحد ماتكمل السابع بس يومين وبعدين تسويله عمليه

رعد...يمه بس بالسادس خاف اسم الله مايعيش

ام رعد ...يمه ماعليه شي انه جبت زهراء وزينب بالسابع

ومرتك بيه بنيه وحبالت البنيه تعب ورحيبه ماتبطل من الملح ضغطها ماجاي يستقر رجليه مورمات وماتكعد والله هسه تموتني يله ترتاح

رحاب...اسم الله عليج خاله بس والله مااشتهي الاكل بدون ملح شنو اسوي موبيدي

رعد...تقدمت عليه ودمعت عيوني من عرفت بنيه
حبي انتي ليش ماتسمعين الحجي شلون بيج كليلي بنتج اكيد راح تطلع مثلج عنوديه