#باعو_العشره_ونسونه
#زهره_النرجس
حزنت علي ابوي كلش هواي سنه كامل انه ضحك مااضحك حزنت على حضي وعلى امي وعلى رعد الي مااعرف وين صار يوميه اخابر علي رقمه ويطلع مغلق متت ردت بس واحد اعرفه يواسيني لازهراء ولازينب ولاصديقاتي بقيت عباره عن قطعه مزهريه بالبيت للعرض طلع متزوجني حتى يتكشخ بيه يم زوجته واهله يريد يثبتلهم هو موعاجز محد من بناته تجيني ولاولده وزوجته ماشفته كرهت الناس والشارع بقيت بحدي بالبيت انه والخدامه اليوم عبرت سنتين على وفاه ابوي سويت ثواب وزعته الخدامه على روحهم كعدت اقرالهم قران وابجي ندم لان تزوجت وعفتهم لو باقي مقعد ولاعايفني ورايح بس ماكو اعتراض على حكم الله
جابلي ابو احمد لابتوب طلبت منه وجان توه نازل النت لان مره رحت احف والحلاقه كالت الفيس بوك تكدرين تشوفين الناس تنشر وتتعرفين على الناس ويطلعولج الناس الي تعرفينهم بس تبحثين بالاسم انه فرحت من كالت
تبحثين على الاسم ويطلع
جاب واحد سوه النت بالابتوب كعدت اتصفح باليوتيوب وبالكوكل واتفرج على هواي شغلات اكو مسلسلات تركيا جنت اتابعهن تعجبت من شفت ناشرين نهايتهن كمت ادور بالفيس بوك وطلعلي الفيس بوك مالت ابو احمد كاتب مثنى العراقي وناشر هواي صور وبعدين طلعلي صفحات اولاده
رحت ادور على البحث كتبت اسم رعد وابوه طلعلي هواي اسماء مالكيت صورته
رجعت دورت صفحه صفحه وصوره صوره لكيت صوره طفل كلش حلو اشكر وعيونه ملونه كلش ماجنت متصوره هاي صفحته نزلت بالصفحه اشوف منو صاحب الفيس شفته منزل صوره لازم بيده طفل بالكماط وكاتب فرحتي بالدنيا ابني حيدر شفت صورته وخليت ايديه وراسي على ميز الحاسبه وكمت ابجي بقيت فتره طويله ابجي متت قهر اخ الله انه الي خسرته شنو سوتلي الفلوس وانه موسعيده عايشه بقصر وكلشي متوفري بس السعاده ماكو هو عاش حياته ويه اهله وتزوج وصار عنده طفل وانه شنو حصلت اخذت رجال شايب يجي كل اسبوع عصريه ويروح شنو استفاديت اشتهيت طفل واحد بس العبه وافرح وياه انسه هاي الوحده بس منين اجيب الطفل كمت اشوف منشوراته كله رسوم وكاتب فوك شعر وكل رسوماته حزن والبنيه مخليه ايديه علي وجه توقعته راسمني كل منشور اقراه ابقى ساعه صافنه بي
شفت راسم نفس بدلتي مال العرس وصوره ضباب وجهي مامبين عليه الكليل وكاتب فوك الصوره
ويـن الله ويگـولـون ردت تـراهــه
اخـذهـا لو عـشـرين يـاهـل وراهــه..
انقهرت كلش احس بعد ماعندي طاقه صار كل وقتي ابجي افكر بزوجته شلون شكله وشلون يحجي وياها اكيد يحبه كل شوي ادخل على صفحته واشوف صورته كمت حته لو اريد اتغده اخلي صورته صرت مثل المريضه نفسيه اشوفه شلون مبتسم وهو لازم ابنه ماعنده غير هاي الصوره لان مبين جديد الفيس بوك مالته
جان اسمي بالفيس بوك عاشقت طيفك وجنت مخليه الصوره الي رسمه الي اول مره لهسه محتفضه بيه ومخليه صوره الغلاف ابوي الله يرحمه
أنت تقرأ
باعَو العِشرة ونِسونه
Roman d'amourاود ان أحدثها بعد هذا الانقطاع واخبرها انني مازلت مريضاً متعب من اثار الفراق .. لكني لا أستطيع💔
