باعَو العِشرة ونِسونه

البارت الثالث عشر

#باعو_العشره_ونسونه
#زهره_النرجس

_يارب مثل ما تلاشو من امامنا اجعلهم يتلاشون من قلوبنا ولا تجعلنا نحن لهم يوما وجعل الليل هدوء لنا يارب تعبت من البكاء الا يكفي قد مرت خمس سنوات على حالي اريد ان انسى

مرت ايام وانه يوميه اشوف صفحه ابتهال ماتنشر شي بس شغلات ندم وحزن من اشوفها هجي ناشره افرح احس انه الي انتصرت صح تزوجت ورحاب احبه واحترمها بس تبقى ابتهال حسره بكلبي

وره سنتين حملت رحاب وخطيه شكل وياها الضغط هي من الاول عده بس عادي موهجي ضلت يوميه تتخربط واخذه للمستشفى

رحاب...اكولك انت تورطت بيه اروح يم خالي احسن انت تتعب بالشغل وتتعب وياي وامك تتعب هي وزينب وياي خلي كم يوم اروح يمهم وارجع

رعد..اش ماريد هذا الحجي انتي زوجتي وام ابني والي متعبج ابني اذا مااداريج منو الج

رحاب...الله يخليك النه بس انته شنو تكول الي بطني ولد لو بنيه

رعد..الي يجي من الله نعم الله بس اذا بنيه وهجي حلوه مثلج انه افرح

رحاب...ههههههه انشاء الله بنيه

مسحت كل المنشورات الحزينه العندي وخليت بس صوري تعمدت انشر صوره ايدي انه ورحاب اريد احرك كلبها نار كلبي لهسه ماراضيه تطفى من حملت رحاب لهسه انه فرحان احب الاطفال مره باليل كاعد احجي ويه زهراء بخصوص الشركه بالبصره  لان اجرت شركه وفتحته وخليت زهراء هي وابن خالتي يديرونه لان انه مااريد اوصل للبصره بعد بس صار عدهم شغل ضروري يستلزم اروح

زهراء...لازم تجي رعد مايصير عندك توقيع اوراق

رعد ...انتم دبروها من يمكم

زهراء ...والله اليوم رحنه لعمو لكيناه كلش تعبان وسئل عليك يكول صار هواي مارايح للزياره وماشفته

رعد...يصير خير يجوز اجي اذا طخت عندي

ختمته وياها وكملت شغل وياها بقى عندي شغلات اراجعهن

رحاب...لشوكت تبقى كاعد والله تتعب هجي

رعد..نامي انتي لاتنتضريني اليوم شغلتي اطول عدنه اوراق نقليات وخربطه صايره

رحاب...اصلا اني راح انام قبل ماتكول راسي يأذينب وتعبانه كلش

رعد...اوكفي قبل لاترحين تعالي اقيس ضغطج لايصير بيج شي
قست ضغطها طلع عده ارتفاع درجتين كمت عصرت اله ليمونه
وصعدت نامت بقي اكلب بالاوراق ودخت شوي ودك نقالي رقم مامسجل رديت

رعد ...الووو

ابتهال..تنهدت ..الووو مرحبا

رعد...من كالت الو عرفته منو كمت الهوى الي تزفره احس يدخل بصدري غمضت عيوني وطلعت بره اشرب جكاره كعدت على المرجوحه بالحديقه