#باعو_العشره_ونسونه
#زهره_النرجس
رعد...رجعت للبيت لكيت امي وزينب وخطيبه بالبيت ومحمد ماخذ عمتي للبغداد للامام الكاظم من الصبح رايحين صعدت بسرعه للحمام الفوك رحاب جانت ملتهيه ويه الجهال كعدت على الطلبه بالحمام وانه اتذكر ابتهال شلون جنه وشلون صرنه جنت حاب اسلم عليه حته لوثواني بس اريد اركز بشفافه ويه تحجي اوووف ياحسره كلبي يمته اخلص وارتاح
شفته شلون متغيره وشلون لابسه والله لو الزمه اكسرها على هذا اللبس
مويكولون الرجال نادرا مايبجي انه من اتذكرها مااتحمل دموعي لوحدهن يكومن يصبن مابقت رجوله عندي من عافتني لهسه شنو من سحر عده وهجي ساحرتني ومخليتني ماافكر بغيرها ياربي انت وحدك تعرف بحالي غسلت وجهي ورحت كعدت يم خطيب زينب
اتفق ويانه بعد اسبوع العرس مالتهم لان هو مكمل كلشي ماراد يسوي حفله راد زفه وللفندق لان هو حالته الماديه موكلش وكون نفسه بنفسه وانه حبيته واحترمته لان حب زينب بالكليه واجه اتقدم اله بدون مايصارحها وانه شجعت يشتغل وياي وهواي ساعدتهم اشوف روحي بي بس انه وينه الي احبه
وره يوم خابرت زهراء وكاعده نسولف انه وياها وخالد على الشغل هي صح مااداوم بس تساعدنه على الحاسبه سمعت صوت بنته تحجي ويه وحده
رعد...شنو منو عدكم اليوم
خالد...ابتهال عدنه بايته
رعد...شعجب بايته عدكم شنو موانت موجود بالبيت شنو ماتستحي هاي
خالد..امس زوجه توفه وجبناها يمنه لان خافت ولد زوجه يجوها للبيت ويطردونه
رعد...مااعرف شصار بيه من سمعت زوجه اتوفه فرحت كلش مااعرف ليش يعني معقوله هم تصير الي بيوم من الايام بقيت مبتسم طول اليوم فرحتي ماراح انطيه لااحد صح متزوج وصح احب رحاب بس ابتهال حبها يختلف
بيوم زواج زينب حضرنه كلشي وزينه البيت وعزمت صديقاته الي وياها بالكليه وشكم جاره وعمتي عزمت اهل زوجه ورحاب عزمت هم كم وحده من قرايبه
اخذت زينب ورحاب للصالون والجهال بقو يم امي وعمتي خلصت رحاب من وكت رجعته للبيت ورجعت انتضر زينب تلفونه واغراضها جابتهن البنيه الي تشتغل بالحلاقه كالت تكمل وتطلع اجاها اتصال فتحته جان الاتصال من زهراء بعدني ماكلت الو سمعت صوت ابتهال تذكرت هي بالعده لازم مااحجي وياها كمت غلقت التلفون بعدين من اجت زينب حجت وياهن زهراء ماكدرت تجي لان بنته مصخنه ويتعبونه بالسفر وبعدين حجت وياها ابتهال وسلمت عليه الي عرفته من زينب ابتهال راجعه لبيته وزهراء اليوم يمه هي وجهاله
ماابدي تكعد بيت رجله حته لو بااسمه ضجت شلون خالها مخليه هجي
خلص زواج زينب وانه جنت واعدهم بسفره لتركيا اخذتهم واخذت رحاب وبنتي ابتهال وحيدر بقى يم امي تونسنه كلش هناك بس هي ماتجوز من الملح شكم مره تخربطت عليه اسبوع ورجعت بس زينب ١٠ ايام سفرتهم
رحاب...الله هاي احله سفره وياك وماادري ليش حاسته اخر سفره
رعد..من وره بنتج طبعا تصير اخر سفره
أنت تقرأ
باعَو العِشرة ونِسونه
Romanceاود ان أحدثها بعد هذا الانقطاع واخبرها انني مازلت مريضاً متعب من اثار الفراق .. لكني لا أستطيع💔
