#باعو_العشره_ونسونه
#زهره_النرجس
طلعت بره انه ومصطفى لراس الشارع نشتري لفات ونسولف
مصطفى...رعد انت شلون تحب هاي البنيه الكوريه
رعد...عكدت حواجبي منو قصدك ؟
مصطفى ...الي شفناها ذاك اليوم ومشيت وراها
ليش شبيه
يااخي ذاك اليوم لابسه صدريه ضيكه كلش ومقسمه ع جسمه كوه تمشي بيه
وانت شكو هجي مركز بيه
ها لا موجاي اكلك يعني
لزمته من التشيرت ولك شوف هاي حبيبتي وبالمستقبل مرتي مااريدك تقترب منه
ع كيفك رعد بس انه جاي انبهك تره والله ماعندي شي وياها بس ذاك اليوم واحد تحرش بيه ويمشي وراها ويسمعها كلام موحلو وتره من الاخر هي لبسه يجيب التايه لان الوكت تغير وكثرو بي السرسريه
رعد...متت من سمعت هجي حجي مصطفى شوكت شفته لابسه هجي ضيك
بيوم الخميس
اخ يعني هم لبسته بيوم الخميس انه اله وين تروح مني وانه اكول خطيه قشمرتني بدموعها وانكسر خاطري عليه
رجعت للبيت كبل خابرت عليه
الووووو
هلو حبيبي شبيك هجي تحجي بصوت عالي
منو يمج هسه
محد يمي امي اخذت ابوي عنده موعد ويه الطبيب
شوي وراح ادك بابكم وطلعي
رحت بسرعه لبيتهم سويت الطريق خطوتين دكيت الباب طلعت جانت لابسه تراك ضيك كلش ولابسه فوكهنن شال جان الجو بارد وخلي ع راسه كبوس
دخلت للطارمه
هلو حبيبي شبيك معصب
روحي جيبي صدريتج الضيكه
ها لا هاشسوي بيه
امي تريد تفصل لزينب مثله ودزتني اخذه
هااي خوش هسه اجيبه انتظر هنا
ابتهال...ماي بارد ونزل ع كلبي من عرفت تريده زينب اخذته وخليته بعلاكه وانطيته اله
اتفضل هاي الصدريه
رعد..بعد تحلمين تاخذينه هسه بااقرب زباله اشمرها
ابتهال...لاعفيه لاتشمره ماعندي غيرها كمت احجي بدون مااحس
رعد...ليش ماعندج غيرها انه شايف غيرها تلبسين
ابتهال...موووو
رعد...شنو احجي شبيج
ابتهال...رعد انت تعرف حالتي والفقر موعيب امي ماعده فلوس تلبي طلباتي اني القميص البسه من الباله وملابسي كلهن من الباله بس الصدري زي نيلي وماعندي اجيب قماش الصداري غالي والي بالسوك ع قياسي غاليات امي جابت قماش كوه دبرت الفلوس وجابته وخيطته باايده الي وهاي صدريه العام لان كبر جسمي ماتكفيلي احجي وابجي
رعد...انتجيت ع الحايط ومقهور عليه صح احنه حالتنه الماديه موكلش زينه بس الحمد لله مستورين ناكل ونشرب احسن اكل واحسن لبس انقهرت عليه
أنت تقرأ
باعَو العِشرة ونِسونه
Romanceاود ان أحدثها بعد هذا الانقطاع واخبرها انني مازلت مريضاً متعب من اثار الفراق .. لكني لا أستطيع💔
