فجوة زمنية (Disney في حارتي)

الفصل الرابع |وريث الغالي|

علشان انا بقالي فترة مش بنزل حاجة ف هدية مني ليكم فصلين النهاردة علشان عيد الأضحى كل سنة وأنتم طيبين.....فصل دلوقتي وفصل بليل ❤️

صلوا على نبي الرحمة
_________________

خطر على بالها فكرة ثم رحلت أما هو فلم يسمع صوتها فقلق عليها ففتحت ذلك الباب لم يجدها بالخارج فحسب أن تلك العجوز الخرفاء أخذتها فدخل يجلب شيئا ويذهب لها .
وجدها أمامه.

تميم :"انتِ كنتِ فين ؟"

زمرد :"دخلت من البلكونة "
ثم أثارت استفزازه حين قالت له :"يا أكرم."

تميم :"مش هتكلم معكِ يا حشرة  "

تركها وذهب إلى المطبخ يعد طعام له ولتلك الحشرة أو زمرد .... إنتهى ثم وضع الطعام أعلى الطاولة وجلس .... تقدمت هي من الطاولة وجلست :"مش تعمل حساب إن في حد هياكل معاك بتغرفلي في بانيو !"

ضحك تميم عليها ثم جلب غطا زجاجة بلاستيكية ووضع لها بعض الطعام به .

زمرد :"بتاكلي في إيه يا لوزة ؟ باكل في غطا أزازة اه يا بختك يا زمرد اه "

تميم :"كفاية صداع وكولي خلينا نخلص "

زمرد :"انتَ يا استاذ بعد كده هات أطباق على قدي تمام ؟! "

تميم :"حاضر "

انتهوا من تناول الطعام وحمل تميم الأطباق إلى المطبخ وجاء ليجلس فطرق شخصًا ما على باب منزله فأخبأ زمرد في أحد الزهريات الفارغة ثم فتح الباب وجد باربي "نوسة".

نوسة :"إزيك يا تميم انا قولت أجي أطمن عليك انتَ كويسة ؟"

تميم :"ايوه يا نوسة كويس انتِ أخبار شغلك ايه ؟"

نوسة :"عسل شغلي عسل اوي "

تميم :"طب تحبي أساعدك فحاجة ؟ محتاجة حاجة أقصد ؟"

نوسة :"لا تسلم بس قولي انتَ عملت إيه النهارده  فأرض الجنيات ؟ "

تميم :"ولا حاجة زي كل يوم "

نوسة :"احنا حطين أمل كبير أوي فيك انتَ الغالي ابن الغالي . "

تميم :"حاضر يا نوسة تصبحي على خير ."

نوسة :"وانتَ من أهله يا عسل لو عوزت أي حاجة أي حاجة أوعى تتكسف تعالى المحل وقولي على طول وأنا هبقى أجي أشقر عليك يلا فوتك بعافية "

تركته وغادرت وقالت في ذاتها :" عليه واحدة نوسة بتخطف قلبي ."

أما هو حين أغلق الباب وجد زمرد واقفة في غضب وجهها أصبح باللون الأحمر فتحدث هو
:" مالك يا حشرة في ايه ؟"

زمرد :"أكرم متنرفزنيش وتقولي يا حشرة انتَ عارف كويس إني بغير عليك ديه كانت هنا بتعمل ايه ؟"

تميم :"مش عايزاني أقولك يا حشرة متقوليليش أكرم ديه هنا فدا شيء ميخصكيش ."

زمرد :" أكرم هو أنتَ عايز تعمل إيه في الجنيات ؟"