قلب عيونه بملل من ذلك المدير الأحمق كما يطلق عليه :
_ و هو عايز ايه من اللى خلفونى ده كمان ؟؟
_ عمال يسأل عليك و يقول لو مجاش علشان يمضي على الحضور هيكتبك غياب و يخصم من مرتبك
زفر بحنق فهو أكثر ما يكرهه تحكمات شخص به و لكنه سار رغمًا عنه متجهًا نحو غرفه المدير ليدق الباب و عندما فتحه حتى أغمض عيونه بملل و هو يستمع لمحاضره كل يوم من المدير الذى يبلغ من العمر حوالى سبعه و خمسون عاماً :
_ انت دايمًا متأخر فى الشغل كده يا إلياس نفسي يوم تيجى فى معاد مظبوط يا بنى حرام عليك التزم بمواعيدك و لو مره فى حياتك ده انا خلاص قربت أتشل بسببك و بسسب تأخريك
قاطعه إلياس لينهى ذلك الحوار المضيع للوقت بلا فائدة:
_ آخر مره يا فندم
نظر له المدير بنفاذ صبر:
_ كل مره بتقول آخر مره ... يلا امضي على الزفت دفتر الحضور ، انا مش عارف انت بتاكل لحم حمير علشان كده غبى
ابتسم له إلياس بسمه غبيه :
_ متقولش كده يا فندم ده دخلتك علينا تساوى ألف حمار والله
أنهى حديثه ليهرول خارج المكتب سريعًا و هو يستمع لصوت المدير الغاضب و هو يأمره بالخروج قبل أن يقتله
___________________
دمتم سالمين♡
أميره إسماعيل
أنت تقرأ
مجانين رسمي | قيد الكتابه |
Mystery / Thrillerرحله الى عالم الجنون و المغامرات و الضحك داخل حاره شعبيه بها أصدقاء مجانين بمعنى الكلمه ، إذا كانت الروايات الأخرى تتحدث أن البطل يكون له شركه كبيره و سيارات كثيره و حراس و يتميز بالغرور ... إلخ ، فهذه الروايه ليست كذلك أبدًا فالبطل هنا يمزح و يفعل...