يلعب سوني و يصارخ و رن الجرس و صرخت طيف : فيصل افتح الباب
تنهد فيصل و قام يفتح الباب و صرخ بفرح : عمو عيسى
نزل له عيسى يحضنه و قال فيصل : طولت علي
بعد عنه عيسى يدخل الشقة : اشتقت لي ؟
جلسو و فيصل قال : مرا اشتقت لك الدمام مو حلوه بدونك
ضحك عيسى : يا الكذاب دايم انا بالرياض
ضحك فيصل : يعني
طلعت طيف بسرعه : فيصل وين رحت ؟
ناظرها عيسى كانت لابسه فستان احمر ناعم للبيت و سليبر ابيض و خلاخل وقفت قدام المطبخ بتوتر و دخلت تصارخ : فيصل جب عبايتي
فيصل : طيب
قام فيصل و تنحنح عيسى بابتسامه يتذكرها شكلها الناعم و اللي ما كأنها ام معجب فيها و يبيها بس الظروف توقفه و ناظر الشقة يفكر لو وافقت عليه و تزوجوا و عاشوا مع بعض هنا هو وهي و فيصل و ابتسم بس من الخيال و طلع فيصل و وراه طيف و ابتسمت : الحمدلله على السلامة
ابتسم لها : الله يسلمك
جلست قدامه : ما تعبت ان شاء الله بالسفرة
عيسى : لا الحمدلله كل الامور تمام
ابتسمت له وهو لف على فيصل : شوف الكيسه الزرقاء فبها هدايه لكم افتحها اذا رحت
هز راسه فيصل و جلس يسولفون عن الاشياء اللي صارت لهم اما طيف اللي سألت عنه و دخلت الغرفة لان هذا طبعها تجلس معه شوي ثم تروح لانها تستحي تجلس معاه بمكان واحد و اخذت معها الكبسه و جلست على السرير تشوف ايش جاب و شافت انه جايب العاب و ملابس لفيصل و ناظرت فستان ناعم و حلو و ورقة : [ ما قدرت ما اجيب لك هدية و ما اعرف ايش تحبين و لما شفت هالفستان تذكرتك ]
-
جالسه بالحديقة تشرب قهوتها و تناظر مسلسلها و رفعت راسها على دخوله وقالت : اهلا بزوجي العزيز
ناظرها : الحمدلله انك هما زين اني لقيتك
سهام : لهالدرجة مشتاق
جلس : حدي مشتاق
ناظرته بصدمه : مين سمح لك تجلس ؟
قوس : انا و سكت شوي ثم كمل : المهم ابيك بموضوع
سهام : تفضل ايش الموضوع ؟
قوس : ابيك تشيكين على هالاوراق
رجعت ظهرها : ايش هذي ؟
حطها على الطاولة : اوراق شغلي
سهام : وليه معطيني اياها ؟ ما عندك محاميين ؟
قوس : عندي بس ما اثق فيهم لو سمحتي انت شوفيهم
ابتسمت : يعني تثق فيني
قوس : مالي انتِ وش اسوي ؟
اخذت الاوراق و بدات اشوفها و هو طلع سيجارته يدخن و قالت : لو سمحت لا تدخن
ما رد عليها و جلسو على هالحال ربع ساعته و لمحته واضح انه تعبان و دايخ و قامت و قال : على وين ؟
سهام : انتظرني
راحت و بعد دقيقة رجعت و معها جهاز قياس السكر و قال : خير
مسكت يدها تقوس له السكر و لقته منخفض و صرخت : مريض انت سكرك منخفض و فوق هذا كله تدخن و مسكت الدخان ترميه و مدت له الفاكهه اللي كانت على الطاولة من بعد جدها و قال جت : تاكلها بسرعة قدامي
اخذه منها : حركات يا الزوجة الصالحة
ناظرته بحدة : قلت لك مابي اصير ارملة
هز راسه و هي رجعت تقرأ الاوراق
-
دف نفسه يمشي من عند الرصيف و ناظر الشاطى و شافها تلعب بالدباب و تصارخ يسمع صوت صراخها و حماسها و غناءها مع عوض و شافها لما طلعت و انتبهت له تبتسم تقرب منه و ابتسم يمسك يدها و باسها : انا اول مره اشوف عروس مسويه تان
ابتسمت تدفه : I'm different
ضحك : ايه والله انت مختلفة
مشت معه و وصلت للشاليه و شافت عوض اللي قال : قولي للبنات يجون و نجتمع كلنا
امل : ايه والله من زمان عنهم و طلعت لغرفتها تبدل و قال عوض : و انت كل شوي ناط عندنا ترا ما بقى على زواجك الا كم يوم
ضامي : والله ما جيت عشانك جيت عشان اشوف عروستي
عوض : تكفى ضامي لا تاخذها
ضامي : خلاص انسى هي الحين حقتي
و ناظر ضامي عوض و شافه متكدر : خير يا ابوي لا تصدق ترا ماراح اخذها ترا بس بتسكن معي و متى ما تبي تعال شفها و اذا تبيها اي وقت بتكون معك و بتنام عندك لا تخاف
عوض : يعني ماراح تسرقها ؟
ضحك ضامي : موب صاحي قسم بالله
