يوم جديد :
في الدمام
توه مقفل من عوض اللي عطان الخبر اللي ما توقع يسمعه و دخل يدف نفسه للصالة و شاف كل الاهله مجتمعين و ناظر مي و عمته ثم ناظر امه و تنحنح : يما
رفعت راسها نوال بما انها كانت تقرأ : هلا
ضامي : انا قررت قرار و ابيكم تشاركوني
نوال : ايش قرارك ؟
ضامي : بتزوج
ناظرته مي بصدمة و قالت عمته : و تعرف بحالتك ؟
ضامي بسخرية : لا خدعتها
نوال : مين هي اللي تبيها ؟
ضامي : تعرفين خويي عوض يما ؟
نوال : ايه
ضامي : اخته
رسيل : كيف عرفتها ؟ وش اسمها ؟ و وين تشتغل ؟
ناظر ضامي نوال اللي تسمعه باحكام : اسمها امل اخت عوض الصغيرة اخصائية وظيفي في مدينة الامير سلطان كانت اخصائيي لمدة اسبوعين
مي بعصبية مكتومة : قلت لك تحبها
ناظرها : ايه احبها و ابيها فيك شيء
مي بحزن : ما ابي شيء و قامت تطلع لغرفتها
عمته : و راضية بوضعك ؟
ضامي : راضية و تبيني و انا كذا عندك مشكله يا عمه
عمته : ابدا ما عندي الله يهنيكم
ضامي : ها يما وش قلت ؟
نوال : موافقة بس عطني رقمها اكلمها اتعرف عليها
ابتسم ضامي : زين بقول لعوض
دخل ضاري و قالت رسيل : ضاري تخيل ضامي بيتزوج
جلس ضاري و شاف انهم مبسوطين و عرف انها مو مي : اوف اوف مين ؟
ضامي : امل اخت صديقي عوض
ضاري : حركات ماشاء الله الله يتمم عليكم يارب
ابتسم له ضامي و تنهد براحة : يارب تمم
-
< خطبة امل و ضامي >
واقفة قدام المرايا بغرفتها و ناظرت شكلها فستانها مفتوح الظهر بشكل بسيط و حده تحت الركبة و شعرها اللي مموجته و مكياجها اللي مبرز جمالها و ناظرت بتمني تمنت انها ما تكون لحالها قدام اهل ضامي تمنت لو كانت امها معها بهاليوم و لفت على تغريد ( ام ابتسام ) : كنت متوقعه اننا بتخليك هاليوم لحالك
ابتسمت لها امل تحضنها : خاله تغريد مرا شكرا انك جيتي
شدت عليها و بعدت : طيب يالله يا عروسه ننزل للناس
بعدت امل و ناظرت نفسها لاخر مرا و مسكت يد تغريد و نزلت معها و ناظرت نوال و رسيل و مي و عمته نوره و ناظرت الجهة الثانية البنات كلهم و جلست و قالت نوال : ماشاء تبارك رحمن لو هقيت انه ذوق ضامي كذا كان ما الحيت عليه يتزوج
ابتسمت امل و قالت تغريد : عاد هذي امول الزين كله
رسيل : والله يا بختي لو تصيرين مرت اخوي
تنحنحت نوره : انت تعرفين انك اذا تزوجتي بتعيشين بالدمام؟
امل : ايوه اعرف
نوره : و عادي ؟
امل : عادي
نوال بصوت اعلى عشان نوره تسكت : اخصائية علاج وظيفي صح يا امل ؟
هزت راسها امل و كملو سوالف عشان يتعرفون على بعض
-
جالسين بالشاليه و قال عوض اللي شاف ضامي توه داخل : حي الله النسيب
ابتسم له : الله يحييك
قوس : وديناه يتعالج و شكله لقى علاج ثاني افضل
ضحكو و قال عوض : طبعا ما سميناها امل عبث دواء لكل داء
ابتسم ضامي و قال ابراهيم : اقول عوض وش سوت فيه اختك شوفه يتبوسم
عوض و هو قايم يصب لنفسه قهوة : شفت قلت لك دواء لكل داء
ضحك ضامي : خلاص عاد غيرو الموضوع انا ما احب الرومانسية
ضحكو كلهم و كملو سواليف مع طقطقة على ضامي
