: happy birthday to you
: happy birthday to you خلصنااا يالله نصفق
صفقو و قالت امل : ماما شوفي هديتي
جلست تشوف هدية امل و قال عبداللطيف : والله يا غاليه انه هالبنت تعبتنا الا بتشتريلك هذي الهدية
حضنت غاليه امل و قال عوض : و انا ماما شوفي حقتي
فتحت الهدية و حضنت عوض : الله تهبل و حضنتها كلهم
وفجاة بدون سابق انذار يمتلي البيت بصوت انفجار و بثواني احترق البيت كله و بخلال دقايق امتلت الحارة باصوات الاسعاف و اصوات رجال الاطفاء و اصوات الرجال و كلهم يقولون جملة وحدة : انا لله و انا اليه راجعون
-
فتحت عيونها و ناظرت للسقف لثواني و بعدها مسكت راسها بتأفف من الكابوس اللي يراودها من يوم الحادث و ناظرت لجوالها اللي مليان اشعارات و جلست تقراهم و اخر رسالة كان عن الحالات الجديدة اللي وصلو اليوم سكرت جوالها و قامت تتجهز
-
وقفت السيارة و ناظر للجدار اللي مكتوب عليه " مدينة سلطان بن عبدالعزيز للخدمات الإنسانية " و رجع يناظر لرجال الأمن اللي سمح لهم بالدخول للمدينة و بدا يناظر المدينة من الداخل و وقف عند المبنى اللي المرضى عشان يكمل اجراءات دخوله
نزل من السيارة بمساعدة السواق و جلس على الكرسي المتحرك و دخل للمبنى و حرك الكرسي و دخل احد العرف عشان يكمل اجراءاته
دخل للشقه اللي اعطوه اياها و ناظر من الشباك المدينة كاملة و لف على الممرض اللي دخل ياخذه عشان يعلمه عن المبنى و عن التمارين اللي بياخذها
-
واقفه باحد الاسياب تاخذ قهوة و وقفت جنبها ابتسام : امول خذيتي من الحالات الجديدة ؟
خذت القهوة : ايه عندي حالتين جدد
دفعت لطلبها : مو كأنها حالاتك كثيرة
امل : لا بس خمس يعني مو كثير باليوم
ابتسام : والله مدري عنك بس انتبهي لا تتعبين عمرك و نصير نعالجك معهم
ابتسمت لها امل : معليك منتبها و يالله على اذنك وراي حالات
ابتسمت لها ابتسام : روحي روحي
راحت امل و بعدها بشوي خذت ابتسام قهوتها وراحت
-
دخلت الجناح اللي مليان بالحالات و جاءها الطفل نزلت له : هاي خلودي
حضنها و قال : هاي
ابتسمت و وقفت تمسك يده : اليوم بلعبك لعبه حلوه
جلست على الكرسي اللي قدام الطاوله : يالله نلعب
و بدت تجيب له التمارين اللي كانها العاب و بدات تدربه عليها : يالله اول شيء يدك اليمين
مسك اللعبه بيده اليمين و بدا يتدرب و هي تساعده
امل سألت ام خالد و هو يلعب : هل تشوفين ان في تحسن ؟
ام خالد : الصراحة ايه والله اشوف تحسن صرت اشوفه يستخدم ايده الثنتين و صار يقدر يساعد نفسه باشياء كثيره
امل : حلو ماشاءالله و انا اشوف انه خلاص ما بقى الا شوي و يصير يعتمد على نفسه بشكل كلي
ام خالد : ان شاء الله و يعطيك العافية اعرف تعبناك بالبداية
ابتسمت امل : ولو واجبي
و كملت تمارين لخالد لين ينتهي موعد جلسته
