جالسة بالسيارة تسمع اغاني و وقفت عند محل عصيرات ... نزلت من السيارة و دخلت للمحل و طلبت العصير و جلست تنتظر العصير و جلست تناظر الناس لين يجي الطلب وشافت البنت اللي تحضن طفل و تذكرت قبل سنتين و نص تقريبا
-
قبل سنتين ...
كانت توها راجعه من اجازة دامت اسبوعين و توها جاية من استراحة الغداء و وقفت لما شافت اللي لف و جاء يركض لها و حضنها ... انصدمت و وقفت مكانها و قال : ليه اختفيتي ؟
بعد عنها و ابتسمت و قالت : ما اختفيت بس خذيت اجازة و الحين رجعت
عطاها عصير و قال : اذكر اول و حنا نتكلم قلتي احب عصير بطعم التوت و جبت لك و مده لها
ابتسمت و اخذته منه و دخلو للغرفة مع ام علي و قالت ام علي : جينا و هو زعلان انك مو موجودة و لما شاف اسمك مكتوب على الورقة انك موجودة قال بيروح السوبرماركت عشان يجيبلك العصير اللي تحبينه و زي ما انتِ شايفه
ابتسمت لها و ناظر لعلي اللي مستحي و قالت : شكرا علي صدق فرحت و فتحت العصير تشربه عشان تبين لها انها ممنونه
و بدو جلستهم
-
قطع عليها الذكرى العامل يعطيها العصير تنهدت و اخذت العصير و ركبت سيارتها
-
كان جالس بغرفة بظلمه الا من نور صغير و رفع راسه على فتحة الباب و دخل منها الرجال ... رجع ظهره و جلس الرجال : قل اللي عندك
ناظره : اقول ايش
الرجال : انا حققت مع كثير فماراح تقدر تتهرب
قوس : اهرب من ايش ؟
المحقق : لا تلف و الدور انت كنت مع سامي يوم الجمعة تاريخ ١٣/٦/٢٠٢٣
قوس باستغراب : مين سامي ؟
صرخ المحقق : قوس انطق
صرح قوس : ما اعرفه مين ذا ؟
الفحص صرخ : يا عسكري
دخلو العسكر و قال : خذوه
مسكوه و ودوه لزنزانته
-
بعد يومين ...
كانو يكلمون بعض فيديو و قال عوض : كيفك الحين ابراهيم ؟
ابتسم ابراهيم : اموري على احسن حال متعود
ضامي : وين اصابتك ؟
ابراهيم : بطني
عوض : انا ما يقهرني الا انه يضحك يا حبيبي اصابه هذي اصابه
ابراهيم : يا شيخ بس و سكتو ثم كمل ابراهيم : و وين قوس ؟ ماله حس
عيسى : صدق ماله حس اللي بالدمام ما شفتوه ؟
ابراهيم : انا بالمستشفى صارلي يومين تقريبا
عوض : و انا ما لحمته
ابراهيم : اصلا غريبة ما كلمني و لا جاء المستشفى
عوض : انا اصلا عندي نيه اروح بكره ان شاء الله
ضامي : ايه رح بالله شف
هز راسه عوض و قال : اسمعو انا بقفل اختي بالله تكلمني
ابراهيم: رح رح مع اني ما اتوقع انها اختك بالله
ضحك عوض : والله امل يالله روحو لا تقفل و تقول لاهي مع سرابيتك
ضامي : روح روح
قفل منهم يرد على امل و العيال كملو تحريات عن وين مكان قوس
-
جالسة بالصالة على الكنبة تشرب قهوة و و حاطه سماعتها تكلم عوض : ايه قولي كيف الدمام ؟
عوض : تمام بس نشوف قوس مختفي
عكرت حواجبها : غريبه وين راح ؟
رفع كتفه : مدري
سكتت تشرب قهوتها و قال : وكيف البنت اللي عندك ؟
ناظرته بطرف عين : عوض
ضحك : والله مو قصدي بس اسأل
امل : لا تسأل و امورها بخير
دخلت نور : امل
رفعت راسها : لبيه
نور : اقدر اجلس ؟ لانك تكلمين اخاف ازعجك
امل : وشدعوه اجلسي
و قال عوض : هذي هي ؟
امل : اسكت و بعدين يالله روح خلني اشوف البنت
عوض : انت اللي داقه ترا
امل : لانك قليل خاتمه تنساني و ما تكلم
عوض : اشغال الدنيا
امل : انقلع بس و سكرت بوجهها
و لفت على نور : ايه اخبارك ؟
