ئارێز
—————
کۆتاییەکانی ساڵی یەکەمی ناوەندی بوو بەهۆی نۆژەنگ کرنەوەی باڵەخانەی تەنیشت قوتابخانەکەمانەوە چەن درزێ کەوتە دیواری مەکتەبەکەمان
بەجۆرێ کە لە ئانو ساتی داڕوخاندابوو
قوتابخانە داخراو لەپاش گردبوونەوەی دایک و باوکی قوتابییەکان و ناڕەزایی دەربڕین
ئیتر دەبوو مشورێ لە حاڵی ئێمە بخورێ ، بۆیە لەپاش بێنەو بەردەیەکی زۆر ، بڕیاردرا ئێمە بخرێینە بینای قوتابخانەی کچان ، کە چەن گەڕەکێ لەولای قوتابخانەکەی خۆمانەوەبوو تاکو کێشەی قوتابخانەکەمان چارەدەکەن
بەو ئاوایە ئێمە چوینە بینا تازەکەو دەوامەکەمان کەوتە پاش نیوەڕوان ، لە پاش دوو هەفتە پشوو دەبوو بڕۆمەوە بۆ مەکتەبێکی جیاواز کە کەشێکی تەواو کچانەی هەبوو
پێشتر هەروەخت بەپێش قوتابخانەی کچاندا بڕۆشتمایە پێمخۆشبوو بزانم لە ژوورەوە چی ئەگوزەرێ و چ جیاوازییەکی هەیە لەگەڵ قوتابخانەی کوڕاندا ؟
بەو هۆیەوە هەر لە ڕۆژی یەکەمدا بەوردی دیقەتی شتەکانم دەدا ، ویژدانەن هەموو شتێکی بەسەلیقەو جوان بوو
بەڕێوەبەرو جێگرەکەی هەمیشە چاویان لەسەرمانبوو نەوەک سەرپێچی بکەین ، خوێندن لەم قوتابخانەیە هەستێکی جیاوازی هەبوو
بۆنی عەتر و سەرپۆشە بەجێماوەکانی ناوپۆل و تارە مووە درێژەکان کە جارو بار بەسەر کورسی و مێزەکانەوە بەدی ئەکران ئەمانە ئاوێنەی دونیای ڕەگەزی بەرامبەر بوون
دونیایەکی پڕ لە داستان بەلای کەمەوە بۆمن شتەکان وا دەهاتە پێش چاو
.
.
YOU ARE READING
||ئەشقی نەبینراو||✔️
Acción" مەڵێ ناکرێت! ئەوینی من و تۆ داستانێکی پڕ لە هەست پێناسەنەکراوە مەگەر گوناح نیە ئەم هەستانە هەلپروسکاو بمێننەوە؟ گەر تاوان بێت خۆشویستنی تۆ من دەست هەڵناگرم لە کردنی ئەم تاوانە" ئارێز&سۆز هەموو مافێکی ئەم چیرۆکە بۆخۆم دەگەرێتەوە بردنی قەدەغەیە⚠️
