للكاتبه المبدعه :شهد _حسني
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
_لا يا ماما مش هروح الفرح يعني مش هروح.
= يابنتي بنات عمّاتك وخالاتك كلهم رايحين بدل ما تقعدي لوحدك .
= لا أنا مليش في الأفراح المختلطه وبعدين مصدعة وعايزة انام.
=انا مش عارفه لي بطلتي تخرجي في الافراح مع ان لو حد من صحابك قالك تعالي نروح مطعم ولا تشتري حاجه مش بترفضي واما انا كنت عايزاكي تروحي معايا بترفضي اهوو.
= يا ماما يا حبيبتي انا من أمتي وبرفضلك طلب انا بس دماغي بتصدع اووي من الافراح وباجي تعبانه روحي انتي انا مش رايحة.
= طيب براحتك الأكل جاهز ف التلاجة لو حبيتي تاكلي .
= ماشي .
{{انا تُقى عندي 22 سنة وانا الحمدلله ربنا مَنّ علي بالهدى والتوبة والحمدلله ربنا اعاني وبفضله بطلت اسمع اغاني طيب والافراح كلها اغاني وفحشاء وانا عايزة ابعد عن دا وامي مش راضية قولتلها ان الاغاني حرام والافراح مينفعش حرام يا ماما لكن مفيش فايدة لكن لما اقولها مصدعة وكدا مبتروحش بس المرة دي فرح أبن عمي ومينفعش متروحش انا قلتلها روحي الصبح قبل ما الاغاني تشتغل ودا لازم لكل اللي عايز يبعد عنها وميكسفش اللي جه دعاه للفرح لكن مقتنعتش ،معلش طولت عليكم لكن لازم تعرفوا الموضوع علشان تفهموه}}
= السلام عليكم ورحمة الله وبركاته .
= هاي بقولك يا تقي انا والبنات خارجين نتعشي برا تيجي معانا .؟
= لأ شكراً
= مالك هو انتي زعلانه.؟
= ااه .
= ليه.؟
= لأن انا حييت بتحية الاسلام ديني ودينك وانتي شوفي قولتي اي،«إذا حييتم بتحية فحيّو بأحسن منها أو ردّوها إن الله كان علي كل شيء حسيبًا»سورة النساء (اية) 86“)
= خلاص يا شخيتنا متزعليش وعليكوا السلام المهم بما انك مش هتروحي فانا رايحة البس علشان الوقت اتاخر.
= ماشي ربنا يهديكِ.
« أنتو شايفين أني غلطت في حاجه ؟ انا الكلام اللي قولتو مش كلامي دا كلام الله جل وعز، وبعدين احنا مسلمين ودي تحية المسلمين تحية ديني ودينك! فـ هاي دي جات من فين احنا مش اجانب!» ربنا يهدينا جميعًا .
= ألو.!
= الو السلام عليكم ورحمة الله وبركاته اخبارك يا تُقى عامله أيه.؟
= وعليكي السلام والرحمة والبركة يارب بخير الحمدلله سبقتيني بالتحية يا بطة.
= اوعاااا وشك .
