ذنُب

6

واخيراً كدر يتغلب ع أرقه وينام من بعد 5 ساعات محاولات للنوم ضل يتقلب وهو نايم ومغمض عيونه بقوه وخوف فز من الكابوس اللي دمر كل حياته نهـى عيشته بالكامل عباله گدر يتخلص منه متلفت لزوجته اللي رجعت ،كام من سريره بفقدان امل وخمول متوجهه للمغسله غاسل بعده وجه متوضي متوجه الى صلاة الصبح

خلص صلاته وردد دعائه المعتاد بخوف من الله "يا الله دخيلك ياربي  ، صعب ، كلش صعب ماجاي اكدر اتحمل ، أ- أنا متحطم هالحادث ثكل ع كلبي ، يمتى تبشرني وتفرحني ، من هذاك اليوم ولحد هاليوم ماشفت طعم السعاده شلون يصير" غير قادر ع اكمال دعائه ناهي كلامه بدموعه وونين مستمر

راجع لسريره مغمض عيونه يحاول يرجع ينام فارك راسه من كمية الألم والصداع براسه كاض موبايله بملل "نجم ، شكو ياستار مخابرني مرتين ، اخابره هسه لو نايم ، اكيد نايم تشوف نفسك مانايم اوف" راجع لمحاولة اكمال نومه

جانت كاعده تتأمله وهو شلون نايم لاعبه بشعره وكثافته فاز ع ايدها فاتح عيونه بوجها "زينه شبيج داتباوعين علي!"

مبتسمه اله بخجل "لا ، بس جنت اتأمل بيك مشتاقتلك تعرف مر وكت طويل وماشفتك بيها ولا حسيت بيك"

قاطع كلامها مايحب يسمع هالحجي يعتبره سخيف "انا كلش جوعان اذا سويتيلي لكمه اكلها ، اكون ممنون منج"

كايمه بعدها من سريرهم متجه نازله جوه داخله للمطبخ تسويله اكلته المفضله بيض وطماطه وفلفل كونه يحب هالخليط ومتعود يفتح ريجه بي

مكملين ريوكهم وسوالف العائله الجانت احلا شي عند وهب كونه يحس بأمان لمن يشوف ابوه واخته الوحيده سعيدين ويسولفون انفصل عن اهله من رنين موبايله كايم من السفره

شاف اسمه اللي سماه اخر مرا ب نجم ابو شعر راد عليه "هلا والله ابو شعر شلونك"

اتفاجئ من لقب وهب الجديد ورد بابتسامه "ابو شعر ، مو لقب غريب بس طبعا هو انت غريب كلك شنو اتصور منك ، المهم البارحه خابرت عليك مرتين شدعوه ماشلته ، ولا رديت خابرت شفت شبي هالولد المسكين محتاج شي"