ذنُب

9

كعد الصبح بنشاط وابتسامه مفرحه غير عن العاده كونه البارحه كدر يتقرب من وهب وقضى وياه يوم وسهروا ووهب عزمه ع عشه يحاول بقدر الامكان يتقرب منه ونجم من النوع اليحارب ومايستسلم

راح عالطول لحمامه باوع ع نفسه
بالمرايه شايف روحه فرحان لاخر درجه مردد بين نفسه
"ماراح اخلي شي يضوجني ، راح اخذ وهب وحيصير الي والايام حتثبت"

"صباح الخير حبيبي جدو" مثل المعتاد نازل لجده وبعدها متجهه لبيبيته بايسها

راد عليه جده وكايم بايسه "صباحنا عسل لان صبحنا بوجه نجومي" ضاحكين مكملين فطورهم وسوالفهم المعتاده ومشاغبة نجم الهم

__

مستغرقة بالنوم بشكل عجيب بس الي قلق منامها صوت الباب الي حينكسر بعد شوية هلكد مادكو عليه لتفتح عيونها بارهاق متريد تتحرك من الفراش ولا تحس اصلا انو هي تكدر تتحرك بس اجبرت تنهض بعد اصرار الطارق ،

نهضت من مكانها متجهه نحو الباب فتحته لتتفاجىء بنوسة تحضنها وكأنها عادت من الموت "مو جانت نايمة وكعدت" لتدفع نوسه بهدوء ناضره لوجهه بنعاس لتراها عابسة

تتحدث شهلاء بينما ترجع لسريرها
" هاي شبيج يمعودة كمزتيني ، اكو احد يكعد احد هيج "

نوسة بلهفة تمسك شهلاء ناضره لوجهه "بيج شي حبيبي "

لتجيبها شهلاء باستغراب "شبيه يعني ، انتِ شبيج!"

نوسة " ضل بالي يمج ما اجيتي البارحة وادك عليج متردين ودكيت ع نور يكولي نايمة وقافله بابج ضل بالي اكثر ما صدكت الصبح طلع حتى اجيج "
شهلاء " مابيه شي لتخافين بس شربت حباية صداع وحباية منوم ونمت مادريت بنفسي اصلا ماذكر قفلت الباب "

لتنضر نوسة ناحيتها بشفقة لتتعرف شهلاء على الفور على هذه النضرات

" لا باوعيني ، اني ماريد احجي بموضوع البارحة وماريده ينذكر اصلا واذا انذكر بكعدة واني موجوده بيها اذكري عادي هو وخطيبته اني معليه بي ورجاءا نوسة قفلي الموضوع ولتفتحي مره لاخ لا ويايه ولا ويه غيري رجاءا حبيبتي انتي " لتنهد نوسة هازه رأسه بموافقة لتتلحف شهلاء مره اخرى راجعه نايمه وبجانبها نوسه الي بقت تلعب بشعرها..