ذنُب

17

وجان منتبه لنور اللي اكثر ايامه يكضيها بغرفته وشايف شلون طافي لونه ومو اخوه اللي يترس البيت بصوته ويخبصهم ع ادنئ سالفه وملاحظ السواد الجوه عيونه وهالشي ازداد عنده القلق والخوف ع اخوه

جانت كل انضاره لغرفة نور اللي مفتوح بابها شوي داخل عليه وهو يرسم او يشخبط كاعد بصفه بادي يتكلم وياه بعشوائيه بعد ماجان هدوء مخيف
" الحب شي غريب يانور فجأه ومن غير حساباتك ، يجي شخص يغير كل موازين حياتك يكلب حياتك ، يجي يفتح عليك الضوه من بعد ماجنت بالعتمه ، يجي يكعد يمك ويداويك من بعد ماجنت لوحدك ومجروح ، شي ملموس يلمس كل احاسيسك شلون ثلج وينحط ع النار هذا هو الحب"

ومن بعد كلامه سائله كونه حاب يفتح موضوع وياه يحاول يطلعه عن قوقعته وينسي الضوجه "وانت شنو رأيك ع الحب؟"

مبتسم بخفه من بعد ما ادرك رغبة اخوه ويريد يطلعه من الهوسه اللي بباله "ما اتفق وياك ، صح الحب شي حلو وكلنا نحبه ونتمنى نعيش احساسه ، بس كلشي وهم ، بعدين حتوكع بي وبفخه ، بعدين تعرف هو اسوء شعور وجنت منعمي ع گلبك ، ويمكن يموت گلبك وكل احاسيسك"

"ومنو كدر يموت گلب اخوي؟"
من بعد ماناطق كلامه وهب ضاربه ضربه خفيفه ع گلبه ملاحظ غصة نور وهو يحجي

مبتسم ابتسامه جانبيه يحاول يخفي جانبه المضلم
"محد وماراح يكدرون يموتون گلبي ، مادام اخوي موجود"

ومن بعد ماناطق بكلامه حاضن وهب اللي بادره مطبطب ع راسه بخفه ناطق كلامه نور "سولفلي انت شلونك وي نجم ، علاقتكم زينه؟"

ضاحك من بعد سؤال نور متذكر نجم
"نكدر نكول عليها زينه ، مرات يراسلني ومرات يخابرني ، ويعني ماشيه حالها حال كل صداقه"