وفي عز الامانَ
ضاع مَنّي الامان .
..............................
سومان:نزلت ساعه 8 ونص مهضومه من كلام بابا وطلع بوجهي كرم شو هاذ يباوع عليه بغضب شبي هاذ وماما اصلا ما تباوع عليه وصمد صافن عليه نزلت بوجهي للحمام غسلت وتوضيت ورحت صليت الضهر والعصر والعشاء
لانو نمت الصبح وما دريت بروحي من القهر
رحت للمطبخ حميت مركه وتمن وصبيت وكعدت يمهم اكل ولا كانو شي وبس ساكته وكلهم يباوعون عليه اكلت وخلصت وكمت
جاي اريد اصعد واجه وياي كرم
كرم:سومان اريد احجي وياج..
سومان:تفضل..
كرم:بخصوص المدرسه لا تشيلين بالج من بابا بس لانو يخاف عليج
سومان:تمام مو مهم...
كرم:سومان بيج شي شنو الي مو مهم
سومان:مابيه شي اريد اناام
كرم:مو هستوج كعدتي
سومان:بعدني نعسانه ميصير اناام بعد.....
كرم:براحتج....
سومان:عفته وصعدت ورحت غرفتي ضليت افكر بنور وبل مدرسه ويامنه زين اني شلون رح اعوفه صح هيه قريبه عليه بس ما دام اهلي منعوني من المدرسه فشي اكيد يمنعوني منهه اوف ياربي شنو يلي سويته بحياتي حته بابا يمنعني من دراستي هوه احسن شي الي الدراسه ليش هاي تقاليدهم وعاداتهم ليش عدهم تفرقه بيني وبين اخواني ااااخ يا جويات قلبي طلعت ورقه وقلم وفكرت اكتب رساله النور وكتبت نور عزيزتي جنت اتمنه أضل وياج فتره أطول بس شائت عادات اهلي انو اترك الدراسه واسفه ما اكدر اجيج وما اكدر اطلع قررت اكتبلج رساله حته يكون عندج علم انو تركت الدراسه واتمنه منج ما تكطعين بيه تجيني دائمأ ونبقه صديقات واخوات لئن بس انتي عندي.......
كتبت الرساله وكملت وخليته في الدفتر ضليت افكر شلون اوصللهه الهه فكرت انو كرم يوصلهه نزلت الكرم وكتله
سومان: كرم ممكن طلب
كرم: كولي
سومان: عندي رساله اريد توصلهه النور صديقتي ممكن لو سمحت
كرم: صار تدللين شوكت تحبين اوصلهه
سومان: وصلهه هسه لانو كاعدين واي احد يطلعلك من اهلهه كللهم هاي امانه لنور من سومان
كرم:تمام ماشي نطينياها
سومان:شكرا هسه اجيبه صعدت جبته وخليته بضرف ونطيته إله وراح واني ضليت منتضره لحد ماراح واجه وركضت للباب ها منو طلعلك
كرم:طلعتلي نور ونطيته الرساله كتله من سومان الج كالت صاير شي كتله ما ادري انتي اقريهه وشوفي واجيت كبل
سومان:تمام تعبتك
كرم:لا تعبج راحه بس لا تزعلين من بابا والله تره نحبج اكو اب ما يحب بنته قابل بس لانو يخاف عليج ويحسج كبرتي
أنت تقرأ
فصليه شيوخ
General Fictionالقصه تتكلم عن بنت عاشت مراره الحياة وقسوته ووحشيه اباها وتقاليد اشبعتها حزنا وقساوه الايام ... ثم تذهب فصليه لجريمه لم ترتكبها.. وشائت ان تعيش حياة قاسيه مع وحش... قسا عليها وسببهه اهل واليس الاهل الامان لابنتهم ولقد شائو ان يكونو معذبيها وسببهه...
