فصليه شيوخ

32

- لقد تظاهرتُ و كأنَ الأمر لم يكن مؤلماً، و لكنه كانَ كذلك 🖤.
:::::::::::::::::::::::::::::::::::::::::::::::::::::::::::::::::::::::::::
سومان:كم الساعه هسه!.

رضا:ب4:25 دقيقه

:شو حتى الفجر ما مبين الدنيا مغيمه

رضا:الجو مال مطر 

:هسه تمطر عليك وينكع الفراش هه

رضا:يسويهه الحظ...

:بنفس الوقت رعدت الدنيا وبدت تنكط واني كبل فلتت ههه... مو كتلك هسه تنكع

رضا:خرب بل حظ تعاي شيلي وياي البطانيه وكعت

:هههه اني راح اشيل النركيلا شلت النركيله واركض وهوه بطانيه عل راسه والفراش بيده هههه اضحك عليه التفتت دا اركض وردمت بوائل...

وائل:هاي شكو شديصير

رضا:ههه كاعد بأمان الله وهاي تكلي هسه تمطر عليك وتنكع يمكن الله استجاب دعائه ومطرت عليه اني محتار بغراضي وهيه تضحك ههه حظي

:قريبه عليه ابتعدت منه.. ءاا هاي نركيله وراح اروح

وائل:زين انتم من شوكت كاعدين

رضا:تدري بيه ما انام وسومان كعدت ب3:00وما كدرت تكمل نومته سهرنه وسولفنه

وائل:اي لو مكعدني وعازمني وياك عل كعده

رضا:هوه انت شيكعدك اذا تنام بعد ما تكعد

وائل:لا والله ما نمت زين بس اتكلب

رضا:اي طبعا غير مو بفراشك يله يأبه تصبحون على خير

:وانت بخير راح رضا ووائل التفت عليه ورفع حاجبه

وائل:روحي نامي عيونج حمر

:اي اريد انام بس انت نام بل غرفه واني انام بل صاله

وائل:روحي للغرفه نامي اني بل صاله

:واني ماريد انام بل غرفه اني بل صاله وانت روح لغرفتك

وائل:انتي عنوديه روحي نامي

:اي اروح انام وانت خليك عفته ورحت التفت عليه ويضحك ودار وجهه دخلت الغرفه كعدت افكر شنام واني منتضره حظي شيصير الصبح يا ترا اكو كتاب

يمي اسمه عالم النفس واكو ورقه بل اخير الكتاب فارغه أخذت القلم وكتبت ما اعرف شنو جان شعوري بس حبيت اكتب هل كلمات.. اني ادري مصيري لأن اعرف ابوي ما وراه خير وائل اي شي يصير الصبح ان كان خير وبقيت هنا اني اشك لورقه اما اذا صار شر ورحت منا اتمنه تسامحني لانو سببتلكم الاذئ وبس

المشاكل جبتلكم واني اسفه لانو ما بادلتك الشعور واعرف انو معجب بيه بس هاذ مصيري ولي مكتوب عليه يصير فرصه سعيده تذكرت الحلقه مال امه بيدي نزعته وشديته بل خيط مال كتاب  اكو رقم تلفون مكتوب بنص الكتاب ومكتوب عليه وضاح الرقم الثاني شكيت طرف الورقه وأخذت الرقم وخليته بصدري عفته  نمت بعد صراع مع أفكاري......