فصليه شيوخ

14

وها انا ليوم اكبر سناا وها انا اليوم كبرت ولقد ندمت ويا ليت لو بقيت صغيرا......

/////////////////////////////////////////////
سومان:راح صمد حتى يجيب عشه اخذ سياره فراس وفراس بقه بل بيت..
بل استقبال واني بغرفتي لشوي وسمعت صوت فراس..

فراس:سومان ممكن ادخل....

::تفاجأت لانو طلب يدخل لبست شالي عل سريع.... ادخل..

فراس:الحمدلله على السلامه مره ثانيه

::الله يسلمك... اجه تقدم ناحيتي جر الكرسي وكعد مقابيلي بس مسافه كد مترر

فراس:شلونج سومه

::ياا هاذ شبي يتحلم شنو شلوني... اااء زينه

فراس:اتمنه منج بعد ما تاذين نفسج ابد
لا تعيديها سومان لا تاذين روحج مهما صار وياج من موقف من امرر من اي شي سيئ ايااج تاذين روحج لا تفكرين بل موت ولا تفكرين بل اذيه لروحج

::قاطعت كلامه وكتله... ليش مهتملي هلكد وليش جاي تحجيلي ودوم بالي هل سؤال ليش مهتم منتبهه هواي مهتم لأمري

فراس:بعد وكت حتى تعرفين يجي يوم وتعرفين

::بس اني اريد اعرف هسه....

فراس:سومااان اني......

::بنفس اللحظه اجه صمد وفات النه قبل لا يكمل كلامه فراس......

صمد:ايبااا هاي شنو الأخ الكريم هنا خير ولك

فراس:اسولف وي سومان عدك مشكله..

صمد:اي خوش عوف السوالف كوم رتب الصينيه جبت عشه بحياتك ما ماكله وهاا رتب ثنين صواني وحده بس الك والثانيه اني واختي

فراس:اي عيني اني مشحووت

صمد:بكيفك تريد تاكل ويانه

فراس:لا شكرا خليني مشحووت

::راح فراس يسوي الاكل وصمد كعد مقابيلي وكتله.. انت شو عدك عادي يكعد فراس ويسولفون وياي

صمد:اي عادي لانو فراس مو اي احد ولا شخص غريب هوه صح غريب عليج بس بل نسبه لي اخوو الي وثاق بي واعرفه شنو وذا انتي متقبلين يسولف او شي كليلي اطيح حظه

::هه لااا هوه ما حاجي شي يضوج
اجه فراس وجايب الصينيه واخذه صمد منه

فراس:يابا اخذو راحتكم اني ماخذ عشاي ورايح لبيتي واي شي تحتاجونه اتصل عليه اليوم عدي سهر ما اناام

صمد:هااا شتغل دماغك...

فراس:اي والله دماغي بي هوااي شغل
خليني بزماني حاير وهيه تصفه

::راح فراس وتعشينه اني وصمد جايب دجاج وكباب اني اكل الدجاج بس مو هل كد وياه بس صمد يموت عليه جايبلي كباب..... صمدد

صمد:عيون صمد

::صار عدي فضول شنو قصده فراس انو عقله اشتغل