فصليه شيوخ

30

- كان خطأي دائمًا هو الغفران والتسامح، لازلت أتذكر جميع الذين خذلوني وبكل طيبة قلب سامحتهم، لازلت أتذكر تلك الكلمات والنظرات الآسفة.
================================================================

سومان:احجي ودموعي تسبقني توقفت من ليث وكف وجدي اشرله يكعد بس رفض ودار وجهه يبجي وطلع من الصاله توقفت عن الكلام....

وضاح:جدي اروح اصيحهه

جدي:عوفه هاذ لولد ما عاجبني تصرفاته شبي عوفه خلي وحده

ابو ليث:هوه حساس بهيج أمور ما يكدر يتقبل يشوف انسان يتاذه...

جدي:امسحي دموعج احنه هنا نريد نكون الج عون ونساعدج اما بخصوص الزواج انتي شكد عمرج حاليا

:حاليا عمري 18

جدي:زين 18 جبيره مناسب للزواج طبعا ما نجبرج احنه جاي ننقذج من حكم ابوج يعني احسن ترحين لفصل وما تعرفين مصيرج لو احسن تزوجين وائل تعيشين بيناتنه بحب ونكون اهلج ونحبج

:طبعا لازم اختار الأفضل بس اني ماريد اتقيد بل زواج لانو ما افكر واشوف نفسي زغيره بعدني عل هل خطوه

ابو وائل:عموو حقج تكولين هيج انتي تحسين نفسج زغيره تدرين اني تزوجت ام وائل عمرهه 14 سنه وهم جانت طفله بس من اجت يمي صارت مره وأم بيت معدله واحنه هنا ماراح نتعبج ولا راح تخدمين احد بس زوجج بيتج وحدج ومعززه مكرمه ووائل يمج يسندج وشنو الي تردي يجرالج بس اطلبي

جدي:احنه ما نجبرج عل راحتج ومن حقج ترفضين او توافقين بس اني اختاريت الأنسب وماريد ترحين للغربه وهم ابوج قاسي والناس ما نعرف اصلهم الي ياخذوج يابنتي فكري براحتج وذا عل دراسه ارجعج اني هنا بيدي وكملي دراستج

وضاح:احنه ما جاي نجبرج جاي نخيرج بل احسن احسن ما ابوج ينطيج للناس وفكرنه بيج لأن مثل اختنه وبنيتنه

:افكر بل موضوع ممكن تنطوني مهله افكر.....

جدي:كل الوقت الج فكري عل راحتج بنيتي

:اترخص منكم ترخصت منهم وطلعت ووائل عينه بل كاع ابد ما رفع راسه عليه واحسه محتار او يفكر طلعت للحديقه جانن البنات كلهن بل مطبخ يسولفن رحت عل حديقه وليث كاعد عل كرسي يم لورد رحت يمه وكعدت بل كاع رفع راسه عليه عيونه حمر مبين باجي هواي عض طرف شفته ودار وجهه ياا شبي هاذه....

ليث:فوتي جوه بارده الدنيا

:لا زين الجوو ما بردانه شبيك

ليث:مابيه شي

:زين ليش تبجي

ليث:انتي موافقه بوائل

:هاا اني اصلا ماريد اتزوج ما ادري بس ماريد وبس اريد صمد وعيش وي اخوي وبس ماريد شي ثاني

ليث:يعني ماتردين وائل

:اي ماريده كتلهم افكر بس بنفس الوقت احس كلام جدي صح احسن ما اروح لناس ما اعرفهم شبيهم مابيهم وشنو مصيري عاد هنا هم بابا ما يكدر ياخذني بعد وهم وائل