فصليه شيوخ

5

وتبقى العائلة هي المكان الوحيد لتحطيم الأحلام ):
..........................

كرم:مابيدنه شي والله موجود تمام لا تبجين كافي

سومان:زين انت تكول صمد منعزل لانو من المشاكل ليش يعني حت من يفكر يسافر من وره اهلي

كرم:اي هوه يحب الهدوء وملل من المشاكل ومن بابا مشدد حت لو بابا مفضلنه عليج بس هوه صمد ميحب القسوه وهم اكو مشكله ما اعرف شنو بس صمد عده مشكله وي بابا يعني سالفه قديمه بس اني ما اعرفه شنيه
لهاذ السبب هوه منعزل عل كد الشغل والاكل وينام وبس ومو هل كد متواجد وي الكل

سومان:اووووف راح كرم ونزلت جوه ورحت للمطبخ شفت ماما واكفه تسوي غده وتبجي وتمسح دموعه بشالهه انتبهت عليه وكالت..

ورده:تعاي سومه تعاي

::رحت وكفت يمهه ومقهوره بس ما بيدي شي

ورده:شوفي سومه حاولت وي ابوج وراح أضل احاول وياه لحد ما اخلي يشيل الفكره من باله ما راح اعوفه يزوجج بس أكثر شي حسيت اكو امل ويكول بس تغسل ازوجهه

سومان:وليش حت يزوجني ليش اني شمسويه حت لو يحبسني بل بيت قابله وحت لو بل غرفه انحبس هم قابله واصير خدامه بس لا يزوجني ماما والله كلشي مااعرف ويني وين الزواج واني ماريد اني لهسه مقهوره عل دراستي
فدوه حاولي وياه بس لا تتعاركين
احجي وياه حجي عل كيف

ورده:ما اتعارك اني هوه ابوج عصبي ما يتفاهم بل كلام اذا كلام ما يعجبه
يضل يصيح وعادي متعوده عليه يمه انتي بعدج زغيره وما شايفه ابوج من يتعصب لهاذ السبب مصدومه بس ايام كدامج وتشوفينه شنو واني جنت مشدده عليج يمه مو بيدي ومابيدي حيله بس طكيت وانفجرت بعد ما اتحمل القسوه
والله كريم ييمه لا تنقهرين........ ومن يحاجيج احجي دافعي لا تسكتين

سومان:اي ماما ما اسكت احجي بعد وان شاء الله الله يهدي عليه

وذا عل دراسه اتخطه بمرور الوقت بس الزواج لا ماما لا والله اموت ماريد ازوج ما ريد فدوه

ورده:لا يمه اني هم ما اقبل لو اضطر اخذج واهج وما اخلي يزوجج بعدج زغيره وفوكاه يريد ينطيج لعائله جبيره واني اعرفهم شنو هوه عده كل الناس زينين ما معاشرهم ببيوتهم

سومان:زين انتي شتعرفين عنهم ليش هيج تحجين

ورده:ااااااخ يابنتي سالفه اكبر من عقلج لا تخلين ببالج.... اشششش اسكتي

سومان:تفاجأت من ماما تكلي اسكتي اششش وسوت روحهه تطبخ ولتفتت وراي وكان بابا واكف يباوع بغضب عل ماما ضليت جامده بمكاني خاف سامع كلامنه اوووف...............

يُرمم الاباء ارواح ابنائهم ما بال أبي هدم روحي؟

ماجد:ورده تعاي وراي