فصليه شيوخ

6

سويت العلي بالدنيا وزيادة
حلم ردته بحياتي والله ماراده.

..........................

سومان:كعدت عل دكة الباب..... ايي كعدت

كرم:فتحي الباب

::كمت فتحت الباب كرم خيير

كرم:جنتي نايمه

::لا جنت منطمره

كرم:شنو لفرق بينهن يعني نايمه وكعدتج

::خيرر شرايد ما تجيني خاليي لازم عدك شي

كرم:تعاي كعدي اريدج بسالفه وراح احجي بس لحد ما اخلص جاوبي

::اتخيله بابا يحجي لانو طريقه كلامه مثل بابا بكل تصرفاته....... اي كوول

كرم:صمد شنو بي وشنو صار بل ظبط سولفيلي كلشي تره صارت كلش كلهه تعرف ومحد يحجيلي ومتاكد انتي تعرفين

::شنو قصدك شعرف وعل شنو جاي تحجي

كرم:لا تغشمين عليه تره جاي احجي عل موضوع صمد من تحاجه وي بابا وحت بل مستشفى من كتيله يوجعنك هيه بس هاي سمعته هوه حجه وياج بس ما نتبهت عل كلامه فااا كلاوات امي تكلي لانو بابا سطره راشدي ما عبرت عليه سولفيلي شنو بي صمد واني تفاجأ بي وحتاريت لانو يدافع ويحجي وكاعد بل بيت ماكو هيج لازم اكو سالفه

::شبيك انته بيك شي وذا كعد بل بيت واذا سولف غير اخونه وبيتنه قابل غريب

كرم:تره ما جان لا يكعد بل بيت ولا يسولف بس عل كد السؤال وحت لو ماكو شغل يطلع من البيت يفتر لو يروح يم صديقه شنو لغيره هسه

::وانت ما تفرح انو رجع لطبيعته ويسولف ويكعد بل بيت

كرم:افففف انتي ما تفهمين اكلهه لازم اكو سبب احجيلي السبب

::ماكو اي سبب وكلشي ما اعرف اني وكل الي صار لانو بابا ضرب صمد راشدي لا أكثر وذا متريد تصدك لا تصدك ذاك صمد وروح احجي وياه اني شنو جايني ومكعدني من نومي.....

كرم: سهله اعرف اني شلون اعرف السالفه

::اي روح انت اعرف لو سمحت اريد اناام
ديطلع كرم وندك الباب

    فتحت الباب صمد

صمد: هااا كاعده تعاي نتغده صعدت غده بغرفتي تعاي هناك لانو غرفتج مابيهه بروده وهناك السبلت مشتغل

::اي جايه هسه يله كرم اطلع اذا تريد تغده ويانه

كرم: ماريد تغدو انتم يله جاااو

صمد:شعده هاذ هنا راد شي منج

::واحد ماعده شغل وعمل بايخ هيج مو مهم لا تفكر بي غسلت وجهي بس بعدني نعسانه شفت الساعه ب3 الضهر يعني 3 ساعات نايمه عااا

صمد:ما كعدتج كلت اشبعي نوم حت نتغده اني وياج وجبت غده من بره

::الله صار شكد ما ماكله اكل من برره
كعدت وبدينه ناكل فجا تذكرت جروحه ما راحن من بالي لانو صدمه الي اشوف هيج شي
تنهدت وسحبت نفس وذبيته