بين ًسًـــلاسل العادات

بارت 1

                         ﷽

"بين سلاسل العادات_ وحكم القدر
بقلمي:-kfeyah ✨

لاتنسون متابعة للحساب
التصويت والتعليق بين الفقࢪات 🤍

______________________________________

مابين السلاسل والاقدار
هناك انسان على قمة الانهيار
يعيش على الاذكار
قتلو روحة باحكام
ليقرؤا الفاتحة لتستقر بسلام

تمر السنين و الايام
لتأتي سيدة الزمان
حسناء
سهلة المنال
ليس من الذي يقال عنهم احذرو كيدهن
فهي كالاطفال
تلعب وتسرح في كل مكان

تدخل في عالمة الهلكان
تستوطن روحة
فيتركهها ليعمر الدار..

ومن ثم حيث لا احد يعلم كيف يجتمعان!!

ايها القارء استوقفك واصارحك لا يغرك الامان
والفرحة المستوطنة في الدار...
فهناك عادات واقدار يتصارعان
فلا نعلم ايهما المنتصران..

في احد مناطق ‏‌بغداد الساعة 12:00

صباحآ..

امشي ؏ اطراف اصابعي و ادعي متلزمني امي اذا تلزمني تگطع النعال ؏ راسي طلعت من الصالة ادور ؏ "ميمو" عسى ولعل الگاه وگفت بالباب الجو يگصگص من البرد لفلفت الكوت علية وبقيت ادور علية بعيوني همست بصوت ناصي..

-تعال ميمو يلة تعال راح اجمد من البرد ليش تتأخر اووف

اجت ميت فكرة سلبية  براسي ضربت رجلي بالگاع راصة ؏ اسناني بقوة..

-ماات ماات راح ماات كلة من وراي عايفتة بهل برد اخ شبيدي عليك اخاف تموت شبيك تعال

وگفت بالساحة عيوني دمعن من البرد انقبض گلبي من تذكرت عادل (ابن عمي) يمنة درت وجهي ؏ الباب، يربي هسة يطلع الحظ يسويها اي يسويها وتصير سالفة نفضت الافكار من راسي وتقدمت للحديقة بقيت اتلفت واصيح بصوت ناصي..

-ميمو اجيت وينك ميمو گلبي ࢪاح يوگف اويلييي عليك ميمو غير تطلع اجيتك اطللع عااد

شهكت بخوف من اللتف ؏ رجلية يتدفأ ضحكت وشلتة من الگا؏ الباردة ضميتة بحضني قافلة ادية علية ادفية من البرد مررت خشمي ؏ فروتة ورجعت ادخل جوة مابية راح اطفي الوقت ڪولش تأخر ..

دخلت للصالة اريد ارجع لغرفتي، انسحبت من ايدي للمطبخ شهگت مرعووبة خليت ايدي ؏ صدري ميتة خوف ذبيت نفس عالي و ارتجيت ؏ الكاونتر انظم انفاسي ..