بين ًسًـــلاسل العادات

البارت 28

         بسم الله الرحمن الرحيم

#بين سلاسل العادات
بقلمي: kefeyah 🦋

لاتنسون متابعة  الحساب
التصويت والتعليق بين الفقرات 🔥🔥

شلون بارت طووويل 🔥

"" "" "" "" "" "" ""
‏انتهينا !
‏وانتهى
‏الما ينتهي وخلَّص حچينه،،،

"" "" "" "" "" "" "" "

جسمي كزبر واني اباوعلها صرت ارجف من شفت راسها مفتوح جرتني سجى للمطبخ ونترت بية..

سجى:-شبيييج  شكوو رااح تمووتين

نوف:-لج شفتي هاي شنو صاير بيها خطية

سجى:-لاتضوجين روحج على مودها ترة ماتستاهل بعدج مامعاشرتها

عافتني وطلعت باردة كلش رغم البيت انضج ضج بس اشوف البنات مالهن دخل وخاصة سفانة ولا يكول اختها رحت اباوعلهن وجهها احمرر وراسها شدنة الها مددت بحضن امها وثنينهن يدعن ويلطمن
راسي سطرنة..

نوف:-اكلج هاي اختج شبيها

سفانة:: متعاركة وي رجلها مو شي جديد

-بس ليش هيج ضاربها بلة ماتت

-ماتموت لاتخافين للعثر ترجع بقوة

راحت تحضر غدة ولا يمها بس اني شبيه هيج متأثرة
سكتن شوية يلا البيت هدأ رحت غسلت وجهي وبدلت ملابسي اكلت نستلة ولزمت كتبي اقرا عدنة امتحانات شهرية مر اليوم هوسة كلش كل واحد يحجي شكل هسة هاي منين اجتنة ناقصين دوخة راس تأفأفت من شفت شروق تبجي..

نوف:-اهوو والله خبصتينة هسة على شنو تبجين يعني واذا ما اجة شراح يصير

شروق:-من وراي ما اجة بلا صار بية شي

نوف:-شنو يصير بية ذاك انهار شكد صارلة مختفي

شروق:-الله ينطيني برودج انة مو مثلج كلبج بارد

نبتت هاي الحجاية بكلبي اني باردة لو هو العافني وابتعد حتى ماكلي وين راح يروح شنو اسوي اطلع ادور علية طفل هو انكلب مزاجي كلش وخلصت اليوم كاعدة بالغرفة..

كعدت الصبح بدلت ملابسي واخذت جنطتي لكيتها بالمطبخ كاعدة تارسة الطاولة اشكال الريوكات من اجبان من بيض مربى تاكل بشهية بقيت صافنة عليها
خزرتني  وصاحت بية..

عبير(اخت سفانة):هي انتي شبيج ماشايفة

-ها لا

يمة اسم الله تخوف هاي تشبة امها ردت اصعد للبنات وصاحت بيه اكعد مقابيلها كعدت بس الصدك خايفة جنها شقاوة صبتلي جاي وخلت صمون كدامي

-اكلي وراج دوام

جني اخذت نضرة عليها مبينة حبابة بديت اتريك وهي تسال بية..