بين ًسًـــلاسل العادات

بارت 33

بسم الله الرحمن الرحيم

#بين سلاسل العادات
بقلمي:kefeyah

متابعه للحساب لطفا 🤍
تصويت والتعليق بين الفقرات 🔥

"" "" "" """" "" "" "" ""

كلها شربتها الرسايل
و احنه چا ساعي البريد
شماله مايندل دربنه

"" "" "" "" "" "" "" ""

الخير يخص والشر يعم مقولة بمحلها اليسوي شي مو زين وغلط مو وحدة يطيح يطيح عشيرة كاملة..

الصحبة بهلزمن ماتنراد ولا الميانة الزايدة بس الناس متجاهلة هلشي وماتدري من ورة سالفة لو حجاية تنكال بالغلط تروح نفس وتنهدم عوائل..

باحد المقاهي القديمة في محافظة الناصرية يجتمع الشباب ليقضوي وقت للتسلية والترفية ليدخلو في نقاشات خاصة بحق احدهم لتحدث جريمة قتل...

اخو مرت حمزة قتل صديقة لانة عيرة باختة وبلحظة غضب قتلة بطلق ناري و راحت نفس بسبب حجاية...

انهزم القاتل وهزم عائلتة بس اكيد اهل المقتول مايسكتون ومثل مانعرف كلنة يحركون بيت المجرم ويدگون بيوت اقاربة..

عادات انمدت من سنين ولا زالت مستمرة ليومنة هذا

_الليل كلة الرمي فوك روسنا ميتين من الخوف اذاناتنة تطورشت بلة احنا مايصير علينة شي بس ولدنا خاف ينكتل واحد منهم وتصخم وجوهنا..

خفت كلش نخسر شخص من عائلتنة واكثر اشخاص مايتحملون اخبار صادمة هما الاكبار بالعمر حبوبتي الضغط مجلب وياها وحالها مايبشر بخير تلطم وتصيح على ولدها..

عمي فايز مانعرف عنة شي لحد الان مات عاش قلق ورعب وصريخ شني ذنبنة احنة النسوان شني ذنب الاكبار بالعمر والاطفال مرعوبين يبجون محد يفكر بذولة مالهم ذنب...

البنات حاضنات نوف الگلبها راح يوكف من البجي والرجيف يمكن احنا متعودين نسمع دكات بس هي لا
كلش تخبلت بيدينة..

نحير وين نروح وجوهنا مصفرة قطرة دم ماضلت بينة لا اكل ولا شرب حالنة مايسر العدو محد جان من زلمنة موجود البيت بس النسوان والجهال بية..

خلص هاليوم الصنفناة من اكثر الايام الخفنة بية تدخلت ناس واخذو عطوة من اهل الولد وبعدها يصير الفصل مثل مامعروف..

رجعو عمي فايز مايكدر يمشي لازمينة منا ومنا حلكة انعوج وايدة هم بنسبة قليلة طبعاً هذا حالة من سمع الناس تعايرهم والمصيبة الصارت..

دخلوة لحجرتة ماطلع منها بعد علة العلاجات والمغذيات..

البيت استقر نوعا ما بس القلق والخوف بعدة مترسب بينة واكفة اسوي ريوك واجت نوف عيونها حمرر والشعر منفوش بعدني مامتحركة صوبها وصارت تصيح وتبجي..