بين ًسًـــلاسل العادات

آلَبًآرتٌ 9

         بًسِمً آلَلَهّ آلَرحًمًنِ آلَرحًيَمً

بين سلاسل العادات_ وحكم القدر
بقلمي: kefeyah

لاتنسون المتابعة للحساب
التصويت والتعليق بين الفقرات 🌼

گلبي إتلـــوع إتلـــوع بعـــد ميطيب !

          ♕__________________♕

انصدمنا بالحجي الصار معقولة حقيقة؟؟ رحيل التزوجت فارس عن حب راح تعوفة علمود  اطفال ، التفتت وجمدت اطرافي من شفت الدم تارس الگاع...

الگلاص مكسور بيدة والدم ماخذ مسراة بالگاع ماادري شوكت كاسرة، صاير نار عكس رحيل التمثل البرود لو  فعلا باردة تجاهة غمض عيونة يحاول يكتم غضبة وگال بعلو صوتة..

-شترررريدين؟؟

-ردت برود: طلگني

-انتي طالگ طالگ طالگ

نطقهن بنفس واحد بقينة مصدومين لا ناخذ ولا ننطي عاف الجو محترگ وطلع.. بيوم وليلة تخرب علاقة مثالية مليانة بالحب ، صار البيت خبصة كل واحد يحجي بصفحة متأثرين كلش بموضوع الطلاگ مو شي هين  الكل تأثر وضاج الا رحيل الوضع عدها طبيعي ساعة  واجة اخوها اخذاها  وانتهى كلشي يخصها وصارت بالماضي ..

مر اسبوع محد بينة مستوعب الصار البيت صاير ماينطاق من جهة حجي عمامي ولومهم لفارس شلون تسرع وطلگ بهلسهولة  ومن ناحية امة (رضية) ضالة تلوب علية، من يومها بعد ما اجة للبيت حتى  موبايلة قافلة ..

-وين يروح هالولد

سجى:-شبيجن ترة  معارفة وصحبانة هواي لاتنسن هو اعلامي مفتوحة بوجهة

رغد:-احتمال يبات بفندق بس باليل وبالنهار بالقناة

سفانة:-الله يكون بعونة مايثتاهل ومن جهة امة خطية رضية شفتن شثاير بيها وين جانت مضمومتلها

رغد:-الله يساعدها حقها ابنها ماهو صح هو سالم مابية شي بس گلب والدة بعد

سجى:-ديلا مو زين افتك منها شلون رحيل تتنعوص علية تنعوص زين ومنة ومتحملها

رغد:-يااا شبيج انتي ويانة علينة

سجى:-انتن ضلن مثل العميان كلشي ماتشوفن اصلا هي ماتريدة ولا بحالة واخذت سالفة ماتخلف حجة حتى تتطلگ  ماتشوفنها ايدة تصب دم وهي ولا يمها

سفانة:: لا تحكمين  على هذا الموقف انتي ماتشوفين شلون يحبون بعض ومتفاهمين يمكن الحجي التسمعة من عمي ومن غيرة  خلاها تاخذ هيج قرار

سجى:-ديلا خل تحبة شعلية بيهم اريد اخذلي فرة بالبستان ياهي تجي وياي

رغد:-شعندج بالبستان كثرانة روحاتج اله هالايام ولج احنا بيا حال باجر عدنة امتحانات خل نخلص ولعبي بكيفج