بين ًسًـــلاسل العادات

البارت 3

        بًسِمً آلَلَهّ آلَرحًمًنِ آلَرحًيَمً

#بين سلاسل العادات_ وحكم القدر
بقلمي: kefayah

لاتنسون متابعة لحسابي +التصويت +التعليق بين الفقرات قراءة ممتعة 🧡

تعال الحگ
‏المحطة المايمرها الريل
‏تهدم روحها وتزهگ..

     ♕_____________________♕

  بعدني بالباب واسمع صوت حياوي عااالي وامي تهدي بية  گلبي وگع بين رجلية من الخوف..

دگيت الباب فتحة الي مهند لگيت حيااوي نااار صاير كمزت من صاحت امي علية بصوت عالي..

-روووحي بدلي بسرررعة

احمد:-نووووڤ متررروح ررروحي ااانتي ووحدج

:-حياااوي انجبببب لاتتدددخل ماتررروح ماجابرررتك بس هي لا مجبووورة ترروح

بقيت مفهية شبيهم ذولة! كل شوية واحد بيهم ساحبني علية بقيت التلفت ؏ حياوي الصاير نار و؏ امي  ممستوعبة، ولاول مرة يدخلون بنقاش حااااد ... سحبتني  امي من ايدي دخلتني جوة وسحبني حياوي  من الايد الثانية يكول ..

-مترروحين

همست خايفة:-وين اروح

سحبتني امي من ايدي لغرفتي اسمع بس صوت التكسير درت وجهي حياااوي مسوي اعصار يكسر بالغراض نغزني گلبي ؏ حياوي شبية شصاير وياة..؟

- روحي بساع بدلي يلة بنيتي

-اي ماشي بس وين

-خالج حمزة مريض نروح نشوفة ونرجع مانطول

-هاا

-اي يلة بسررررعة

-لعد شبية حياوي

-خيولي ماعليج بية صاير  عصبي ويطلع حرگتة بينه يريد يلا يوم انزلي وراي

هزيت راسي بالموافقة ورحت بدلت ، اول مرة  ازور بيت خالي امي مشددة علية  متخليني اروح لاي مكان حتى اخوالي مشايفة شكولهم ؏ ابو محافضات اخر مرة رحتلهم من جنت سادس ابتدائي
بس خالي حمزة الوحيد اليجينة بالسنة حسنة عود بنفس المحافظة وحسب علمي هو نفس ماما ميروح لاهله هواية..

بدلت ونزلت حيلي رايح من الصبح تتلگاني المشاكل وبعدهي مستمرة متعرف شنو حيصير..

رحت للمطبخ صبتلي امي غدة اكلت شوية واجة سجاد رحت سلمت علية من بعيد لان امي موجوده
والا اني متعودة الا احضنهم ..

سجاد:-يلا امشن

طلعنة ضايجين امي وجهة ميگصة السيف ضااايجة

-نووڤانة

درت وجهي ؏ حياوي جان مكتف ادية فتحهن الي رحت اركض لحضنة بوسني ولزم وجهي بين ادية اباوع لملامحة حزينة متعوبة مو نفس ذاك حياوي ..