بسم الله الرحمن الرحيم
#بين سلاسل العادات
بقلمي: kefeyah
متابعة للحساب 🤍
تصويت وتعليق بين الفقرات✨
"" "" "" "" "" "" "" "" "" "
صعب من تغلي بيك النار
بس تخجل تصيح ال آخ
حد ما تبدي تتبخر! 🍁
"" "" "'''''''''' " "" ""
اليل يخنگ، هدوئة مرعب للمجروحين احسة مابية نسمة هوة،، طلعت للحوش اتمشة على اطراف اصابعي رجلية ماعانني طحت بالكاع اشهگ بصوت عالي مخنوگة متعوبة محترگ گلبي دموعي تنزل وحدة ورة الخ احس داخلي مشتعل نار ليش هيج يصير وياي ...
تتأذة لاذية الشخص التحبة تتألم من تشوفة ضايج وشلون متغير عليك هذا اكبر عذاب يمر على الانسان ...
لو ادري كلمة وحده تگلب حياتي ماكلتها ولا اعترفت الة بمشاعري عقلي وين جان من كتلة احبك وخليتة يدري بمشاعري المفروض حب البنية يضل سكتة حتى الماخذ كلبها مايدري عنة بس انة مافكرت كلت من اكلة احبك امنعة يروح لغيري بس صار العكس لا صار الي ولا لغيري بس فضحت روحي جدامة ....
نفسي يضيع وينگطع اموت وارجع اعيش من اتذكر ذيج الفترة شلون ضليت عايشة لهذا الوكت وي كل هذا القهر الدخل گلبي...
الدنيا غريبة محد يتوقع نهايتة ولا احد يعرف شني المنتظرة من حياة وردية ماكو لاهم ولا غم الى الم وفراگ....
مسحت وجهي من الدمع وايدي مخليتها على گلبي اوگفة عد حدة صفنت بالفارغ ورجعت لذيج الايام اسوء ايام مرت علية اخذن من حيلي وعافيتي مو بس عافيتة....
حادث عباس موتني واذاني جنة كاعدين على نار بس نريد نعرف شبية اجة نزار و فجر خبر جبير، محد رضة على تصرفة جان المفروض مايكول عيوني اشتعلن نار من كال...
-زينة صحت عباس بس كسور عدة و...... بعد مايخلف
صدمة بانت بوجوة الكل خبر اشبة بالصاقعة غير حياتة وحياتي، من بعد الحادث عباس تغير كلش صار انسان ثاني جاد عصبي بارد استفزازي وبليلة ويوم من بعد ماصارت صحتة زينة دمر كلشي....
جنت كاعدة اقرا اجت وسن بالمطبخ بس تصفن وجهها احمر حسيت بيها شي جانت هادئة كلش ضليت على هدوئها لفترة من الوكت عيني عليها وعيني بالكتاب الفضول كتلني يربي اريد اعرف...
جانت ساعة وحدة فقط...
صاح علية ابوي للديوانية مشيت على وجهي ماعرف شيريد مني لاگتني وسن تمشي بسرعة وكفت اعاين وراها رمشت بعيوني ومشيت من صاح علي طلع فارس اخذني من ايدي وضل واكف وياي برا سمعت صوتة واحس معدتي خبطت وكلبي اشتعل نار....
طلگني اي ضليت جامدة لا اخذ ولا انطي دخلت بحالة صدمة اخذوني يمشون بية ضليت فاتحة عيوني اشوف وسن طلعت بيدها جنط كبار دنكت على راس حبوبتي باستة وكالت موجهة حجيها للكل..
أنت تقرأ
بين ًسًـــلاسل العادات
Aktuelle Literaturالعادات هي سلاسل قيدت العديد منا.. أما القدر فلة كلمة لاتتجزأ.. رواية جميلة تستحق القراءة متنوعة فلا تتوقف في بداية سطورها.. تعالو معي لنرى كيف تسير الاحداث ومن منهم ينتصر ؏ الاخر.. بقلمي:كفايه 2023/8/23
