اسمعني.

6 - وهبْتُه روحي.

..

استمتعوا 🤍

..

؛عبد العزيز؛

..

"معذبٌ من هجرهِ
أشكو بُعاداً وقَلا
روحي به هائمةٌ
منه فقدتُ الأملا
في حُبّه لي قصةٌ
غدَتْ لغيري مثلا .."

ما قد اشتيكت من بعده و لا حتى للي خلقني
و كل سطر غنيته به شكواي و حزني كان مجرد كذبه

روحي و لليوم هائمة به
من سنين و هي تدوره
و من لقتيه من زود الحب و الخوف قامت اعترفت له
خبرته وش كانت السنين تخبي و يا ريت رده اشفاها

ما زادها سوى نار ع نارها

فاقد الامل فيه انا من زمان
بس أكابر و اتحدى الايام اني بأخذه قبل تأخذني السماء و شكل الايام فزت عليي و رح تأخذني ..

..

ما ادري وش صار ، بس يمكن زود الكبت يخلي الواحد ينفجر .. صار سنين احبه و لا قد علمته أو علمت أحد عن وش بداخل فؤادي ، كنت احبه بيني و بين نفسي ، ما طلبت من الدنيا الكثير بس أنه يكون بخير و اني اشوفه بخير ، بس دحين روحي تطالب بيه و بشوفته ، روحي تبيه ..

احس بداخل نفسي اني لو ما ملكته المرة ذي ما عاد في سنين املكه.
اني لو ما خليته على اسمي هالمرة ما عاد يصير لي و لو اشعلت له صوابعي العشرة نار .. و ما يصير اسمي عبد العزيز لو ما اخذت وش هو لي ، و وديع لي

..

مر اسبوع عن اليوم لي فقدت فيه نفسي للمرة الثانية ، عن من شفتي لمسة شفته ، عن قلبي لي فز و مشاعري لي فاضت .. للحين المس شفايفي و اسأل نفسي ، انا صدق لمسته ؟
صدق خذيت قبلتي الاولى معه؟

و رغم انه صفقني و هرب الى اني كنت سعيد اني اعترفت له و اني تشجعت و فتحت له عجاف السنين كله .. حتى لو رده كان خنجر حافي ذبح قلبي و فر

طول هالاسبوع كان يتحشاني، ما يناظر عيوني و انا لي عيوني عييت تناظر غيره ..

كان لو بغى شيء حتى لو كان بيدي يطلبه من الكل غيري.. انا متعود على جفاه معي ترا ، بس انه شافني و تكلم معي كم مرة كانت حلم من احلامي البعيدة ، الاحلام لي ركنتها بصندوق قلبي و فقدت الامل فيها بس تحققت .. معه دريت ان مافي شيء مستحيل و حتى المستحيل يتحقق.. و لو ما تحقق لاجل عيونه اغصبها