Unicode
ဒေါက်! ဒေါက်! ဒေါက်!
"ဒယ်ဒီ ကျွန်မဝင်လာမယ်နော်"
အစောကြီးအိမ်ကိုပြန်ရောက်နေတဲ့နေးကြောင့်
မစ္စတာဆေဗလင်းမျက်ခုံးပင်ပင့်မိသည်။ပုံမှန်
နေးကအလုပ်ကိုည8နာရီအထိလုပ်လေ့ရှိတယ်။
တခါတလေဆိုဘားမှာထိုင်နေရင်
ည10/11နာရီလောက်ထိအိမ်မှာမရှိ။
"အစောကြီးပါလား"
"ဟုတ်တယ် ဒယ်ဒီ့ဆီက
နေးအတည်ပြုချက်လိုချင်လို့"
"အတည်ပြုချက်? ဟုတ်လား သမီး"
နေးရဲ့မျက်နှာကပြုံးရောင်သန်းနေပြီးကြည်ကြည်သာသာပင်၊သူမအခုတလောသိပ်ကိုနူးညံ့လာတာ၊အချစ်ကြောင့်ထင်ပါရဲ့။
"မစ္စတာရိုဆာနဲ့မာမီရဲ့ကိစ္စကိုနေးသိချင်တာ"
"သိချင်ရလောက်တဲ့အထိ သမီးမှာ အကြောင်းပြချက်ရှိမှာပဲ ဒယ်ဒီကိုပြောပြမလား"
"မစ္စတာရိုဆာရဲ့သမီး ရှင်းနိုကို
နေးသဘောကျတယ် မဟုတ်ဘူး
လိုချင်တာ ဒယ်ဒီ "
နေးဘ၀မှာလိုချင်တာနဲ့ဖြစ်ချင်တာတွေကမရတာမျိုးလုံး၀မရှိခဲ့၊ဒါကြောင့်ဒေါက်တာကလည်းသေချာပေါက်နေးအပိုင်ဖြစ်လာရမယ်။
အနောက်နိုင်ငံများအဖို့လိင်တူချစ်ကြိုက်ခြင်းကထူးဆန်းမနေခဲ့တာမို့မစ္စတာဆေဗလင်းကခပ်အေးအေးသာ၊သက်ပြင်းအရှည်ကြီးချပြီးနောက်အတိတ်ကာလများဆီသို့ပြန်ရောက်ရှိသွား၏။
သိပ်ချစ်ကြတဲ့ချစ်သူနှစ်ဦးဖြစ်တဲ့မာကယ်နဲ့နာတာရှာ၊သူတို့ရဲ့အချစ်ဆုံးသူငယ်ချင်းရန်ဆေး၊မာကယ်ကဆရာ၀န်မျိုးရိုးဖြစ်သော်လည်းသိပ်ချစ်ရတဲ့နာတာရှာကြောင့်စီးပွားရေးကောလိပ်ကိုသာအတူတူတက်ရန်ရွေးချယ်ခဲ့သည်။
ကံကြမ္မာကပဲအခွင့်ရေးမပေးတာလားမသိ၊နာတာရှာကိုကျောင်းမပြီးသေးခင်မှာပဲသူမမိဘတွေကရန်ဆေးနဲ့အိမ်ထောင်ချပေးလာတဲ့အချိန်မှာတော့အရာအားလုံးပြောင်းလဲသွားခဲ့သည်။
ပြီးပြည့်စုံတဲ့ဆေဗလင်းရန်ဆေးကိုမာကယ်
မနာလိုမိတာတော့အမှန်ပါပဲ၊ဆေဗလင်းတွေကထိုခေတ်တည်းကစီးပွားရေးစေတန်လို့တောင်ခေါ်ရတဲ့အထိပြိုင်စံရှားဖြစ်တာမို့သူတို့သမီးသာဆေဗလင်းအိမ်တော်ကသားနဲ့လက်ထပ်ခဲ့ရင်ယိုယွင်းနေတဲ့လုပ်ငန်းတွေကိုဖာထေးနိုင်မှာမို့နာတာရှာကိုလက်ခံဖို့အတွက်ဖိအားပေးခဲ့ကြသည်။
YOU ARE READING
SHE ( Sevlin Nattalie )
RomanceSevlin Nattalie + Rosalie Shinno GL Fiction ( own creation ) #IngyinMay
