Abby
Mi seh gizee mi belly come like it ketch a fiayh. Jah know mi woudla fuck him right yah suh but mi go behave.
By yah now a afta 8 mi and Pablo inna eh car a do wah any other 17 yo woulda deh do if yuh leff dem inna waa car by demself. We not fucking gize. Yet.
Bredda mi seh unu fi see how Nicoy car a rock, every look mi look a waa different position. A girl like Kayla yuh fi really call freak.
"Nicoy a fuck eh up." Mi affi buss outta lawf caz no sah, she betta mek sure she deh pon eh pill enu.
Mi sidung pon him lap but we did jussa make out nun too srs. Memba seh mi a good girl gize.
"Mi a carry yuh home enu caz if yuh stay inna deh car yah no longer yuh nuh waa knw wah mi go do to yuh." Woii mi body.
"Threaten yah threaten mi?" Memba seh a waa skirt mi have on enu and best believe mi a feel everything waa deh gwaan inna him pants but we go ignore that.
"Abigail Brown or mi fi seh Malcolm get up caz yuh see if mi wull yuh, yuh cya guh walk wen mi let yuh guh." Hehe bwoii.
Mi get up and guh over inna the passenger seat and him look pon mi and shake him head before we drive off.
Deven mek sense mi try tell Kayla seh mi a guh weh because good fuck a wull ar rass rn.
"Bomboclaat dwq." Mi look ova pon him and e dwq look like him inna pain.
"A wah?" Eh man gimme a piece a dutty yiy deh and mi buss out a lawf.
"Yuh well know a wah suh nuh ask mi nun." Why him affi a behave suh strong? Afta mi nuh do nun.
"Mi nah do yuh nun inu Delano."
"Yuh wait till mi wull yuh." Not him threatening me.
"Mi nuh fraid fi yuh inu Delano." Mi a mek sure fi seh him name caz all a this just funny to mi.
Likkle kiss up and eh dwq brick up, stiffer than ply board.
"Come mi kiss eh." Eh man blow dung as we turn fi gah Spring Gardens.
"Nuh stop ramp wid mi."
We drive in and ofcourse dutty Miss. Pim pose up outta ar gate. A cya mi dah oman yah a lay wait. A wah kinda curse this pon mi tho God?
"Come doe carry mi weh." Him stop and mi kiss him one last time before mi come outta eh car.
Mi affi a duck cah mi nuh want eh oman see mi. She serious yuh fawt caz mi know fi a fact seh anu Makeda she a wait pon.
-☆-
Pon a lovely Sunday evening to enu, this man a choose fi come kill mi vibes.
Caz unu tell mi why Pablo deh pon my cellular device a come tell mi boh mi farrid big?
"Abby mi seh mi coulda build five house pon yuh farrid and space leff." Wah mi fi even seh to dis bwoi.
"Ah bet yuh mi come offa dis." Him start lawf like him think a joke.
"Alr mek mi show yuh a pree." Mi hang up and block him numba and boh 5 minutes later ah Nicoy dhat a call mi.
"Wah?" Mi ere two smaddy a laugh inna e background
"Yow your bwoi sick out enu." Den ere dis big eediat ina the backgroun now.
"No fool, tell ar seh mi deh a hospital a battle fi life." Eh man dem naav no style, Delano and Nicoy come like two clown.
"Him know mi can ere him right." Mi ere smaddy get waa slap and den Nicoy baw out.
"Big eediat mi nuh tell yuh fi mute eh phone." Mi just affi lawf
"Ey b unblock mi nuh, yuh farrid nuh big a joke mi a mek." Mi seh him swear seh mi a eediat inu.
"Sen mi $1000 credit first and den mi we think bout eh." Few minutes later waa text come in.
Caz why him sen e credit fi chu gize?
"Yuh js try mek sure seh a me alone yuh a use ih fi call, unblock mi yer b."
"See yah mek eh dwq tun clown already Abby, unblock eh man." Mi seh mi fall inlove n buss mi face.
Mnk why but it's like time fly extra fast pon weekends because why a afta 11 already. Pon a regular day it come like time nah move. Mi did end up unblock him and we deh pon a call right now.
Him a sing bey love song inna mi ears and mi just deh yah a lawf because mi swear a did him seh him a badman.
"Delano, a bed time." Mi kinda waa sleep now.
"Yah sleep pon eh call wid mi." Mi heart dwq mi heartt.
"No." Mi seh while mi a fight back one big ole dutty smile.
"A neva ask mi a ask yuh a tell mi a tell yuh." A nuh him just did a sing Favorite Song and now him a come bad mi up.
"Okay bro, Good night." Mi ere eh song pause and him blow dung.
"Do that properly, who yah call bro?" Him ask and seh the bro like how mi seh it.
"Good night Delano." Mi waa seh sumn else but probably ih too soon fi that.
"Good night Mrs. Malcolm."
________________
Memba fi vote fi eh story gizee
Oh btw up up up fj 100 reads and unu tell a fren fi tell a fren gizee caz if yuh nah read Soul wah yah do??
YOU ARE READING
Soul
Teen FictionPreview -> "mi madda deh outta gate" i mutter while he continues leaving hickeys all over my neck. "mi nuh bizniz, just keep quiet." _____________________________________ Miss Margaret good girl wah nuh leff yaad, everybody seh she gwaan like she be...
