Soul

17|Blood Money

Abby

We drive and drive till we reach a him parents house. Yah now it look abandoned. Last time mi did deh yah it did look so good, mabe him parents move weh or sumn.

We come outta the car and start walk guh inside a d house.

As mi seh it look abandoned even the fountain wah deh inna e front yard lock off.

Upon entering the house mi a notice seh a bagga unusual things deh all roun e place.

We walk and walk until we reach infront of a room.

"Don't freak out." Him open the door and mi see boh 50 gun pon one side  d wall alone nd then on the tables a whole bunch of bags filled with pills.

Mnk a wa deh gwaan yah suh inu but all mi know is mi fraid. A wah kinda bizniz fi him fada deh run mek him affi ave suh much gun? mpccc

"We go seh mi fada a waa illegal pharamacist....." Delano seh and start scratch him head like him a wait fi see how mi aguh react.

'Yuh mean him issa drug dealer just tell mi plain and straight and nuh guh roun no corner wid mi." Mi ansa back

"Yea and now a mi run eh bizniz."

Alr gize put unu self inna my shoes, wah unu woulda do if yuh man wah yu nuh see fi four years now aguh come tell yuh seh him issa drug dealer. One, mi can change mi name, change mi face and move to a next country or two mi can just guh wid eh flow and pray seh him nuh get ketch.

"A just dis or more shit di deh?" Caz no way a just him alone inna alla dis.

"No a like a gang thing, mi neva waa tell yuh at first because mi neva waa yuh know seh a dem typa thing yah mi dealid." Him seh 

Gang? A wah kinda shit mi guh land miself inna fada god? 

Like I love him and that neva aguh change but mi nuh think mi waa be involved wid smaddy wah inna waa gang let alone a him run eh.

"Yuh can bring me home please."

-✩-

We reach mi house and him park a d front before him turn fi look pon mi. Mi deh yah a think wah mi aguh do.

"Yeah mi might hurt other people but mi woulda neva hurt you swear pon mi life." Him seh before him reach ova fi kiss mi and I let him.

Suh much a guh thru mi head rn. 

The first time mi get fi see him afta suh long and him a come tell mi boh him run gang and deal drugs and shit. Like how him expect mi fi feel? But at the same time even if mi waa lowe him out mi cya dweet caz mi love dis bwoi wid every bone inna mi body. 

Mi call Kayla who muss leff eh party by now because mi know Nyla start get miserable wen she waa sleep. 

"Yes mi gyal, Pablo fuck yuh done?" Limitt.

"Good night Kayla bloodclaat man yuh cya hv likkle limit?"

"Hush gyallie anyways wassup?"

"Mi aguh show yuh a pree and yuh tell mi how yuh woulda dealid ih situation."

"Dis soun serious wahm now?"

"Alr suh lets seh mi av this fren and she ave a man and the man recently tell ar seh him run a gang and him involved inna illegal activities and she nuh fel like she waa involved inna them shit deh but she also love the bwoi and doe waa leff him, wah yuh think she fi do?" Ofcourse mi nah tell ar seh a mi caz mnk if she knw seh Pablo inna dem stuff deh.

"Dis soun personal, but if mi a did she mi woulda just stay wid mi man but yuh done know seh a badman alone mi drop drawz fah suhhh. Apart from dat tho tell ar fi gwaan easy wid him and pray seh him nuh get ketch." Kayla a problem inu.

"Alri girl, kiss Nyla fimi." Mi hang up and lay down inna mi bed. 

Mi personally na leff my man a bloodclaat.