لاجئة لأحضان عسكري (حقيقه عراقيه)

البارت الحادي عشر

-ما اسدها بكيفك
-سيدي الله يخليك اتركها
-هيه ساكته انت شعليك
-ملاك: من شفت فهد حسيت بلقوة وكتله: اني مو ساكته اذا انت مو براسك خير تجيب القاتل جاي تذبهااا براسي اني اصلا بس اطلع من هنا اقدم شكوة عليك
-الأمر: والله خفت من عندج لج بابا انتي بعدج زعطوطه اذا امج ما جابتلج جبس تبجين
-بلقيل احسن من واحد هل كبرة وما عنده عقل
-فهد: تعصب وراد يمد ايده عليها واني لزمت ايده وكتله: اياااك تضربها
-خذهاا واطلع من هنا
-تمام بس فكك ايديها
-خذ وانت فككها بس طلعها من هنا بس هاا على مسؤليتك وانت تحل القضيه فهمتت
-تمام على مسؤليتي واني احل كلشي

-طلعنا من هناك اني وفهد والطريق كله هو لازم ايدي ويبوسها. فهد كافي حبيبي ترى اني يمك
-لج متت والله متت من شفتج ماكو بلبيت ما ادري شلون طلعت سلامات بلا ما اندعمت اني توقعت راح اسوي حادث والله
-اسم الله عليك يروحي
-ما ادري ملاك شلون انتي جذبتيني لهل درجة طبعي ما انجذب لأي بنت اني
-زين اسألك سؤال بس امانه تحجي الصدك
-يي والله
-حبيت قبلي انت
-تكدرين تكولين مو حب حقيقي مجرد مشاعر كاذبه
-شلون يعني ما فهمت
-يعني جنت دا اضحك على نفسي
-كم وحده
-اممممم 3
-عزا بعينك منو هما امانه
-ما تعرفيهم بس تعرفين وحده
-يي منو هيه
-استبرق
-سحبت ايدي من ايده وكتله يعني ما تجذب البنت وانت جنت مسوي علاقه وياها وليش عفتها
-باعي علاقتي وياها جانت مو زينه يعني اني اكرهها جنت بس هيه كامت تروح تجي تكول احبك وتراسلني دائما وتسأل عني وسويت وياها علاقه بس العلاقه كلها جنت ما اهتم بيها وما احجي وياها غزل ف مرة شفتها ويه ابن عمي جانت بموقف سيء وعفتها من هذاك اليوم وبس يعني ما طولت العلاقه يمكن بس 5 اشهر او 6 بس.... اني احجي وملاك ساكته ودايره وجهة عني. لزمت ايدها وكلتلها: ملاكي شبيج

-سحبت ايدي وكتله: ما بيه شي
-غرتي مو
-لا ما غرت
-امممم ما غرتي مو
-يي ما غرت اصلا روح احجي ويا الف بنت شعليه
-لج انتي ليش اصلا خليتي مكان لغيرج لج انتي تسوين بنات الكون كله حبيبتي
-ضحكت وكتله: والله
-يي بلعباس ابو فاضل
-احبك
-صدك
-لا جذب
-صايرة تحششين
-فهد شو الطريق طول
-اني دا اخذج للسوك مو كلتي اسبوع الجاي مدارس نروح نشتري حاجات المدرسه مالتج
-يااا فهد باع ملابسي شلونها
-عادي اشتريلج ملابس لبسيهم ونروح نشتري
-فهدد لا تسهل الامور بعدين شوف شحالي
-تجننين اصلا اني تعمدت اخذج حتى لا تحطين مكياج وتلبسين وردي
-وليش حتى ما البس وردي
-الوردي يخليج تطلعين حلوة كلش واني رجال يغار
-امم يغار يي والله عاد اني شفت غيرتك بس هذا لزم ايدي جيت سحبتني
-الي يقرب منج ما يلوم نفسه
-ههههه غيرتك قتاله
-بلا بهاته عاد باعي هذا محل ملابس تنزلين تشترين
-لا حبيبي ما اشتري شي صدك عندي ملابس
-تنزلين لو اجي اني انزلج
-فهد
-بلا فهد اني اجي انزلج
-لا لا والله نزلت
-يلا لعد نزلنا للمحل وكفت تختار ملابس واني صافن عليها ذوقها صعب جننتني
-فهد هذا حلو
-يي حبيبتي حلو
-لا والله ما حلو
-استغفر الله
-شكو كاعد تتطفر ما اشتري
- كمت يمها وهيه زعلانه وترجع الملابس كتلها: بلا زعل عمري انتي
-ما زعلانه بس ما اشتري شي
-وجانت دتمشي سحبتها من ايدها وكتلها ترضين ببوسه
-لكك انت ما تستحي الناس واكفه
-ضحكت: يلا لعد اشتري
-تمام عوف ايدي عيب الناس واكفه
-وين العيب مرتي
-انت مصدك روحك ترى بعد ما صرت مرتك عوف ايدي
-يي مصدك لان راح تصيرين
-كمنا نمشي ونحجي وكتله: اممم يجوز اموت شتعرف
-بلا هل حجي يلا عاد اشتري ترى طفرتيني ذوقج صعب
-ذوقي صعب بس حلو
-يي ادري ذوقج حلو لو ما حلو ما تختاريني
-يييييه شكد مغرور
-ترى اني حلو
-بس اني احلى منك ترى
-سألي الكل راح يكول فهد احلى
-تمام دنمشي بمول شفت بنت صغيرة كتلها تعاي يا حلوة تعاي منو احلى اني لو هذا
-البنت: لا هذا
-فهد: ضحكت ضحكه ملاك تعصبت من وراها وكلت: يا روحي انتي وسحبت البنيه حضنتها و بستها وانطيتها فلوس كتلها يلا روحي على اهلج. نداريت شفت ملاك ضايجه كتلها: شبيه الحلو مالتي زعلان
-على شنو جيت تحجي وياي روح ويه هاي البنيه احضنها بعد وبوس بيها
-ياااا عمري انتي غرتي من طفله
-لا ما غرت
-كتلج ابوسج انتي ما قبلتي
-فهد شويه استحي الناس واكفه احنا مو ب أوربا
-ههههه يلا امشي عاد كسرتيني وما اشتريتي شي
-تعال يم غرفه القياس افوت اقيس هذا القميص حلو
-لونه وردي ما تشتريه
-فهد حباب
-ماكو خذي غير لون
-راح اخذ اسود
-خذي
-فتت قسته هوا وبنطرون كابوي جانو يجننون طلعت كتله حلوين
-خرب بيومج يخبلون بس مو تلبسيهم بلشارع
-لعد اني لشنو اشتريتهم مو علمود هسه البسهم
-تمام حبيبتي يلا امشي
-رحت دفعت الحساب وطلعت لزمت ملاك من ايدها
-فهد هاي الحركات عيب عوفني ما تستحي انت
-ما اعوف ما تشوفين الشباب ديباوعولج
-بس اني ما معبرتهم فهد
-حتى لو...... رحنا اشترينا ملابس ورجعنا اخذتها للبيت
-فهد خوما تروح وتعوفني
-لا هسه دا اتصل ب امي
-تمام. بدلت ملابسي وطلعت شفت فهد

-ملاكي امي تكول جيب ملاك عندي
-اخجل
-ترى انتي جنتها
-حتى لو أخجل
-فوتي بدلي يلا
-اكلك فهودي ايمت تلقي القبض على بابا
-حبيبتي ان شاء الله باجر
-ان شاء الله
-يلا بدلي
-فهد روح انت ما يصير الي شي
-لج اخاف عليج
-فهد ما اكدر اجي والله استحيي
-زين راح نضل سوا
-تمام لعد اني افوت انام محتاج شي
-يي محتاج
-شنو محتاج حبيبي
-محتاجج يمي
-تمام اجيت وكعدت يمك بعد
-تمدت بحضنها وكتلها ضلي يمي ملاك
-دنكت راسي الى يم راسه وكتله للموت يمك والله ما اعوفك لو الدنيا كلها تكلب
-احبج
-واني اعشقك يا نبض قلبي
-تعدلت وقربتها مني وكتلها: لا لا ما اتحمل بعد شنو هل رومانسيه
-بعدته من يمي وكتله: لا تتجاوز حدودك سمحتلك تحجي وياي برومانسيه وتلزم ايديه بس اكثر لا وكمت من يمه

-كمت وسحبتها كتلها: اسف
-عاديي محتاج شي
-نيميني
-شسويلك اطبطبلك ولا اغنيلك
-لا بس خليني انام بحضنج لو مرة
-امممم والله صدك تريد تنام على حضني
-يي والله
-تمام كعدت وكتله يلا اتمدد على رجلي
-تمدت على رجلها وكتلها. اووف يا بويه واخيرا بنت گلبي راح تخليني انام واني اباوع للوجهه
-دنكت وبست راسه وكتله احبك والله
-خليني انام
-يلا يلا لا تبيع ثگل
-ههههه فدوة رحتلج نبض گلبي

الى هنا ينتهي البارت حبايب قلبي ❤