لاجئة لأحضان عسكري (حقيقه عراقيه)

البارت الثامن عشر

-ملاك: رجعنا علبيت بدلت ملابسي وحطيت ميك اب وطلعت.. فهودي حلو
-تجننين يلا امشي. وصلنا هناك كعدت يم امي ضلينا نسولف جانت ملاك يم زينب وزينه

-زينه: اكوم بس اشوف يوسف ونور وارجعلكم
-تمام حياتي

-فهد: زينب
-خير إن شاءلله
-كومي سويلي عشى
-فهددددد تعبانه
-ولج مرت اخوج مجوعتني البارحه بليل ما سوت عشى واليوم خلتني اتغدا جاهز
-تمام حبيبي هسه اكوم
-مريم: جا شتريد بصباحيه عرسها تطبخ انت هم بطران

-ملاك: كلت بكلبي الله يلعنك فهد
-مصطفى: فتت شفت امي وفهد يسولفون وملاك لازمه تلفونها. ملاك
-هاا
-عادي نحجي
-يي تفضل اكيد
-اكلج البارحه شفت وحده بل عرس لابسه فستان لونه احمر منو هاي
-مريم بنت عمي
-زين هيه متزوجه
-لا مصطفى كلت هسه بعد وكت من هسه بقيتها
-ترا بس سؤال شبيج
-لا متزوجه ولا مخطوبه
-امم زين تدرين اليوم الضهر ردت اتصل بيج واسألج بس رقمج ما عندي
-امم زين لعد سجل رقمي يمك.......
-زين راح ادك عليج وحفضي الرقم
-تمام. ضحكت وكتله. حفضته باسم الزاحف
-اني ضحكت كتلها لا امانه غيريه لا تشوفه مريم
-كمت اضحك بل اكثر وكتله. عزااا بعينك

-فهد: نداريت على ضحك مصطفى وملاك. كلت بصياح. مصطفى
-مصطفى: خير ان شاء الله شكو كاعد تصيح
-مااكو شي بس شلونها دراستك
-زين واصلا نجحت. ضجت من تصرف فهد كلت. يلا ملاك بعدين نحجي
-ملاك: تمام. نداريت شفت فهد ديباوع عليه بنضرات حاده دنكت وسكتت ما حجيت
-مريم: شبيك فهد ويه اخوك كل ما شفته يضحك صيحت عليه
-فهد: يمه ما بيه شي بس جنت دسأله عن دراسته
-يي مالو داعي كل هذا الصياح
-يمه ديلا عاد ماصار شي
-لا اله إلا الله الله يعينج ملاك
-ملاك: من كالت هيج ضحكت وكلت. يي والله عمه
-فهد: شلت المخده وضربتها بيها. طلعي انتي الثانيه من يمي لا والله اطيح حضج
-طلعت واني اضحك على فهد شفت مصطفى كاعد على الدرج و ضايج. مصطفى شبيك
-ابتسمت وكلت. ما بيه شي
-كعدت يمه وكتله. انت تعرف فهد شلونه يعني هذا طبعه ما يتغير ليش تضوج
-ملاك مو حلوة يضل يصيح ترا اني كبرت راح اتزوج
-ضحكت وكتله يي ادري والله بس مو بيدنا شي حتى نغير طبعه هوا هيج عصبي
-عصبيته مو عليه بس اني اله مره ثانيه
-ياا مصطفى مو هيج عاد يلا اخوك عادي
-يلا لا تشيلين هم انتي اصلا اني شايل همج شلون راح تتحملينه لهذا الرجال
-هههه يلا اني اروح اساعد زينب تريد شي
-لا سلامتج خيتو
-تمام. طلعت رحت يم زينب. ها زنو شسوين
-كملت حبيبي بس افوت الاكل تعاي فوتي
-لا ما افوت
-ليش
-فهد طردني
-عزا صدك
-يي والله
-زين افوت الاكل واطلع
-تمام انتضرج

-فهد: ما اريد ما اكل
-چا انا المن سويتههه
-اكليه انتي ما اريد
-يمههههه شوفي فهد
-مريم: صيحي ملاك تجي يمه هسه ياكل
-زينب: زعلانه منه
-فهد: ليش
-زينب: انت طردتها
-فهد: من رخصتج يمه هسه ارجع طلعت شفت ملاك واكفه بلمطبخ. بسسست وين الحلوة مالتي
-نداريت بكل برود. منو
-رحت يمها وكتلها. زعلانه
-عفته ومشيت. لا على شنو ازعل صار شي ليش
-ملاكي باعي يعني اني ضجت من قله ادبج انتي ومصطفى وضحككم
-حرام نضحك
-لا مو حرام بس
-الولد اصلا زعل منك كدامي وكدام امه صيحت عليه وبعدين خطيه اصلا راح يتزوج وانت كاعد تصيح عليه
-تمام تمام شبيج انتي اني جيت اعتذر راح تگلبيها عركه اصلا صوجي اني ما اكلت انتضرت انتي تجين
-لا بلعافيه عليك اهم شي انت كل
-تعصبت ورحت دفوت
-شفته تعصب وديفوت رحت ركض لزمت ايده. فهد
-نعم
-ما قصدي
-وين اصرفها
-بل بنك
-ما بيه حيل تفاهتج ملاك شتردين
-عفته. ما اريد شي
-تمام لعد انتضرج جوا دقيقتين اذا ما جيتي تعرفين شسوي بيج وبكيفج
-ما افوت
-اني الي عليه كلت (ذكر فأن الذكرى تنفع المؤمنين)
-رحت عضيته من ايده
-ايييي ولج تخبلتي
-حتى لا بس انت تمشي كلمتك عليه وفتت قبلو
-مجنونه وحق العباس